“Ama”, Miguel dehan, “Hau konfuzaun. Tanba saida mak Maromak husik pekadu mosu? Hau hanoin, ema barak los ona mak sofre tanba pekadu nee.”
“Sim”, Ama dehan, “sira sofre. Biblia fo hatene mai ita kona ba oinsa Lusifer sai Diabu. Haree iha Isaias, kapitulu 14, versu 13 no 14.”
Miguel hare Isaias iha ninia Biblia no hetan kapitulu 14. Nia lee: “Tanba ita dehan iha ita nia fuan laran, ‘hau sei sae too lalehan, hau sei foti hau nia kadunan aas liu Maromak nia fitun sira. Hau sei tuur iha foho sorumutu nian nebee iha parte norte. Hau sei sai aas liu kalohan sira nia leten, hau sei sai hanesan Ida Nebee Aas Liu.’
“Maibe Ama, ida nee la dehan kona ba saida mak akontese ba Lusifer.”
“Sim, los duni,” Ama hatan. “O haree, molok Lusifer deside atu sai hanesan Maromak, nia uluk Anju boot ida neebe mak aas liu iha lalehan. Nia perfeitu no furak tebes, hanesan ho oinsa Maromak kria nia ona. Maibe Lusifer laran monu ba nia-an. Nia nakonu ho loko-an no hanoin katak nia importante liu. Nia laran moras ba Jesus, Maromak nia Oan Mane.”
“Entaun Jesus uluk iha lalehan molok Nia mai iha mundu hanesan bebe ida ka?”
“Sim”, ama dehan. “Versu primeiru balun husi livru Joao fo hatene ita katak Jesus sempre existe ho Aman Maromak, kleur ona antes Nia mai iha mundu.”
10 “Diak,” Miguel dehan,”kontinua. Tanba sa mak Lusifer laran moras ba Jesus?”
“Lusifer hanoin katak, Maromak Aman ho Jesus tenki inklui nia iha planu sira kona ba mundu foun neebe sira kria dadauk nee. Nia senti katak Sira hasai nia ho objetivu atu hatuun nia iha anju sira seluk nia oin. Diabu sai laran moras liu tan ba Jesus no nia komesa koalia ba anju sira seluk ho pergunta sira hanesan, -’tanba saida mak Jesus involve iha planu ba mundu foun? Tanba saida mak la inklui hau? Tanba saida mak Jesus hetan Onra liu fali hau?’
‘Lusifer konvense anju barak katak Maromak nee la justu. Tanba ninia atitude nakar no gosta kontra, anju sira hamutuk tersu ida mak monu husi lalehan. Agora Diabu hirus los.”
“Entaun Diabu ho Lusifer nee hanesan ga?” Miguel husu.
“Sim,” ama hatan. “Bainhira nia husik lalehan, ninia naran laos Lusifer ona, tanba nia laos ona anju nebe diak. Naran Lusifer signifika ‘fitun naroman,’ no Diabu signifika ‘inimigu.’”
“DIAK.” Miguel dehan, “entaun saida mak Diabu halo?”
“Nia fo hatene anju sira seluk katak ida nee Maromak nia sala. Nia dehan katak, tan deit Maromak nia mandamentu sira neebe la rasional nee mak kauza nia atu sai laran moras no too ikus monu husi lalehan. Hotu tiha, nia lohi Adaun ho Eva atu monu ba sala. Nia fo sala tan ba Maromak, hodi dehan, Maromak nia mandamentu sira nee la justu mos ba Adaun ho Eva. Nia hakfodak bainhira Maromak oferese Ninia Oan-Mane rasik atu troka ema
11 pekador sira.” Iha buat hotu neebe mak Diabu halo, nia sempre tau nia-an aas liu Maromak.”
“Hanesan tentasaun iha rai fuik maran bainhira nia husu Jesus atu hakruuk ba nia no halo tuir nia liu husi milagre hakfilak fatuk ba paun?”
“Sim, ida nee mak ezemplu ida tan husi oinsa nia sempre koko atu tau nia aan liu Maromak.” No bainhira nia labele tenta Jesus atu monu ba sala ka atu rekonese nia hanesan liurai, nia aumenta hirus liu tan. Finalmente, nia halo serteja oinsa atu tortura Jesus too mate.”
“Aat los!” Miguel dehan.
“Sim,” Ama dehan, “maibe ida nee hatudu ba universu tomak katak Maromak nee justu no Nia hadomi ema umanu sira hotu no Nia hakarak halo saida deit atu salva sira maske Diabu lohi ona sira no halo sira sofre.”
Miguel hanoin ida nee iha tempu badak nia naran. Hafoin nia dehan, “Karik ema komprende didiak saida mak akontese, sira sei la fo sala ba Maromak ba sofrimentu sira hotu iha mundu nee.”
“Maibe ema barak los mak la hatene,” Ama dehan.
“Ema ruma tenki fo hatene sira,” Miguel dehan. Nia tuur nonok iha momentu balu nia laran. “Buat sira nee hotu akontese tanba ida nee duni, loos ka lae,” nia dehan, “atu prova katak Maromak nee justu duni?”
“Konflitu nia huun mak ida nee.” Ama konkorda. “Ida nee mak akuzasaun dahuluk neebe Diabu halo katak Maromak nee la justu. Konflitu boot ida nee laos kona ba ita no diabu. Konflitu nee kona ba Maromak no atu prova katak Nia nee justu duni. No bainhira funu entre Kristu ho Diabu nee remata tiha, ema hotu sei hatene ho
12 serteja katak Maromak nee justu duni. Ema hotu sei iha oportunidade atu hili sira hakarak hamutuk ho see.”
“Maromak hadomi duni ita,” Miguel dehan, “nee mak Nia hakarak atu fo oportunidade hanesan nee ba ita!”
“Sim.” Ama dehan. “Maromak nee Aman domin nain.”
“Hau hakarak ida nee remata lalais no ema hotu bele komprende no hadomi Maromak,” Miguel dehan.
“Universu tomak sei sai kmaan bainhira funu ida nee remata,” Ama dehan. “Maibe iha tempu neeba mos sei triste tebes tanba ema balu sei lakoi atu hili hodi komprende. No ema sira nee sei mate maske Maromak hadomi los sira. Ida nee sei harahun Ninia fuan bainhira Nia haree sira mate.”
“Sim,” Miguel dehan, “Hau mos hanesan nee.”
“Depois,”Ama dehan, bainhira ida nee remata, sei laiha tan pekadu tanba ema hotu komprende ona.”
“Entaun ida nee sei sai tempu haksolok ida maibe mos tempu triste ida,”Miguel dehan. “Ita sei sai kontenti tanba laiha tan pekadu, maibe sei triste tanba ema balu hili atu la hadomi Maromak no moris hamutuk ho Nia.”