“Ida nee mak parte ikus husi istoria nee, los ka lae?” Miguel husu. Ama doko ulun. “Bainhira tinan rihun hira nee remata, ita sei iha oportunidade atu husu pergunta saida deit mak ita hakarak. Maibe Maromak presiza remata buat balu. Diabu sei iha ‘kadeia’ laran iha mundu nebe estragadu ona, no ema sira nebe mak hili ona atu lakoi tuir Maromak nia dalan mate hela iha mundu. Ita nia fiar sei krese sai maduro iha tempu neba.”
“Wow,” Miguel dehan. “Imajina deit oinsa ita sei krese no sai saudavel iha fatin perfeitu hanesan nee. No ita sei han husi aifun moris nian!”
“Sim,” ama dehan. “Agora tempu ba Jesus nia adventu datoluk.”
“Adventu datoluk?” Miguel husu.
“Sim,” ama dehan. “Ninia Adventu dahuluk mak bainhira Nia mai hanesan bebe iha Belem. Adventu daruak nee bainhira Nia mai atu foti ita ba hamutuk ho Nia iha lalehan. No Adventu datoluk mak bainhira Nia sei fila fali mai iha mundu hamutuk ho ita ho Jerusalem Foun ba julgamentu ikus nebe mak hakotu konflitu permanente. Zakariah 14:4,9 deskreve saida mak akontese bainhira Jesus mai iha mundu nee ba dalatolu.”
“Hau sei lee,” Miguel dehan. “
“Iha loron nebaa Nia sei hamriik iha Foho Oliveira nia tutun nebee iha Jerusalém nia oin iha parte lorosae nian. Foho Oliveira nee sei fahe ba rua iha nia klaran, husi sorin lorosae ba sorin loromonu, nunee sei mosu mai rai
99 tetuk ida nebee luan tebes; foho sorin ida sei muda ba parte norte no foho sorin seluk sei muda ba parte súl.” 9 Nunee mak Nai sei sai Liurai ba mundu tomak. Iha loron nebaa, Nai sei ida deit no Nia naran sei ida deit.”
“O haree,” Ama dehan, “iha tempu ida nee Jesus laos mai deit iha kalohan. Nia ain sei kona Foho Oliveira iha Israel no fahe ida nee loke luan atu forma rai tetuk. Ema sira hotu nebe mak hili atu halo tuir Diabu no hetan desastre ona sei moris hias fila fali. Sira sei nafatin moras hanesan uluk antes sira mate ho oin nebe hanesan laiha mudansa.”
“Karik sira iha privilejiu ida tan,” Miguel husu,’ Ama hanoin sira sei hili tan hodi la tuir Maromak ga?
“Lae, Ama dehan. “Maromak fo ona ema hotu tempu nebe sufiesiente atu halo sira nia desizaun ho serteja. Sira sei hili desizaun nebe hanesan maske sira sei hetan tan privilejiu ida.”
“Imajina deit sira nia hanoin, Miguel interompte.” Sei iha ema boot gigante husi tempu Noe, no ema aat sira hanesan Hitler no Genghis Khan mos sei iha neba hotu.”
“No bainhira sira moris hias fali, sira sei nafatin halo buat aat hanesan uluk,” ama dehan. “Diabu sei lidera sira atu planu atakasaun ida. Trabalhador sira nebe mak abilidade barak sei uja armas. Lideransa militar sira sei organiza ema hotu ba divizaun no kompanhia keta-ketak. Ida nee mak sei sai militar ida nee boot liu iha istoria mundial nian.”
“Saida mak sira sei planu hodi ataka?” Miguel
hakarak hatene. “Sira sei ataka Jeruzalem foun
hamutuk ho Jesus iha laran,” ama dehan. “Tuir loloos
nee funu seidauk hotu. Sira sei funu hasoru Maromak.”
100 “Iha tempu neba sira dala ruma realiza ona katak sira labele manan funu nee.”
“Laiha,” ama dehan. “Jesus sei fo ordem atu taka hotu portaun sira iha Jeruzalem foun. Diabu nia forsa sira sei haleu sidade Jeruzalem ba funu ikus nian. ‘Ami sei manan!’ sira hakilar. No sira sei ataka ho diak los hanesan militar treinadu.”
“Ita sei tauk ka lae?” Miguel husu.
“Ohh laiha liu,” ama dehan. “Ita hatene ona katak Maromak sei kuida ita iha tempu saida deit. Ita sei kanta iha sidade laran. Ita hotu sei hatene katak ita laos iha neba tanba ho buat diak nebe ita halo ka ho ita nia bondade rasik. Ita sei iha neba tanba Maromak nia bondade no grasa nebe Nia hatudu ba ita liu husi manda Nia Oan Mane atu mate iha ita nia fatin.
“Depois iha moru leten, ema sira husi laran no liur bele haree Jesus nebe simu koroa no sai liurai ba liurai hotu-hotu ho poder no suprema majestade. Hafoin Nia mos sei deklara pena justisa ba sira nebe mak rebelde kontra Ninia governu no hanehan ona Ninia ema sira. Biblia dehan katak, livru lalehan nian sei nakloke. Ema sira nebe mak haleu sidade nee sei konsiente ho kada pekadu nebe mak sira uluk komete ona. Iha Maromak nia tronu leten sei mosu tela(layar)video boot ida. Ema hotu-hotu sei haree sira nia moris rasik. Filme arkivu lalehan nian sei hatudu istoria hotu desde tempu Adaun nia monu too Jesus nia moris nebe perfeitu no ema sira nebe mak tortura Nia too mate. Filme nee sei kontinua too tempu ikus iha istoria mundu nian. Ema aat sira sei sai tauk los, maibe sira sei labele tan atu
101 fila kotuk. Sira sei kontinua haree sira nia-an no buat aat sira hotu nebe mak sira halo ona.”
“Terrivel!” Miguel dehan. “Liurai Herodes tenki haree fali soldadu sira oho bebe sira iha Belem nee.”
“No Liurai Herodes ida fali sei haree nia an kauza Joao Baptista nia mate,” ama dehan.
“No Pilatus mos sei haree fali nia an rejeita Jesus. No soldadu sira nebe mak oho Nia no mos ema Judeu sira nebe mak abuja Nia,” Miguel aumenta.
“Maibe hanoin katak,” ama dehan. “Sira balun arepende sira nia sala no ikus mai sai Jesus nia dixipulu. Imperador Nero mos sei iha neba. Nia sei haree sira hotu nebe mak nia tortura no oho ona agora kanta hela iha Sidade Santu nia laran. Bainhira memoria sira nee hotu nakloke iha tela video lalehan nian, pekador sira sei realiza katak diabu lakon ona. Sira sei realiza katak konflitu sira nee hotu akontese tanba Diabu presiza atu justifika nia-an. Nia hakarak hatudu katak Maromak nia governu mak responsavel ba ninia rebeliaun no fo sala Maromak ba tristeza no sofrimentu sira hotu nebe mak akontese iha mundu nee. Maibe bainhira ema hotu haree gravasaun iha tela, sira sei realiza katak Diabu mak sala liu. Sira sei haree sira nia lakon tanba sira hili ona atu sai atan ba Diabu duke sai Maromak nia oan.
“Jesus sei hateke haleu ba Ninia ema sira iha sidade laran, sira hotu sai foun fali tuir Ninia ilas. Ho lian nebe makaas ba sira nebe iha laran no liur atu rona, Jesus sei dehan, ‘Hateke ba sira nebe mak hau hola ona ho hau nia ran. Hau mate atu sira bele moris
102 hamutuk ho hau ba nafatin.’ Depois ita hotu sei kanta knananuk ida atu hahii Jesus.”
“Tuir mai saida mak sei akontese?” Miguel husu.
“Kada ema sira nebe mak iha liur haleu moru, husi ema sira nebe simples too ema boot sira hotu sei hakruuk no rekonese katak Maromak nee justu no Diabu mak sala. Diabu mos sei admite duni katak nia sala ona.
“Maibe hotu tiha,” ama kontinua. “Diabu sei halo esforsu ikus atu kaptura sidade nee. Nia sei insiste ema aat sira atu funu. Maibe agora ema aat sira hotu hirus nia. Mai ita lee saida mak Biblia dehan ba ita iha Ezekiel 28:6-8 no 16-19.”
Miguel lee, “Nunee Nai Maromak hatete: Tanba o halo o nia fuan laran hanesan maromak ida nia fuan laran, 7 nunee, tebes, Hau sei lori ema hosi rai liur mai hasoru o, nasaun sira nebee halo terus loos; no sira sei losu sira nia surik hodi hasoru o nia matenek klean nebee furak nee no sira sei hafoer o nia oin nabilan. 8 Sira hatuun o ba rai kuak, no o sei mate nudar ema ida nebee mate iha tasi laran liu.”
“16 Bainhira o halo hela negósiu barak tebes o sai nakonu ho violénsia iha o nia leet, no o halo sala; entaun Hau soe o hosi Maromak nia foho hanesan buat foer, no Hau harahun o, Oh kerubim nebee halo seguransa, iha fatuk lakan nia leet. 17 O nia fuan laran foti aan tanba o nia oin bonitu; o estraga o nia matenek klean hodi mantein o nia oin nabilan. Hau soe o ba rai; Hau rai o iha liurai sira nia oin, hodi sira bele fihir ba o. 18 Liu hosi o nia hahalok aat bara-barak, no o nia negósiu nebee iha hahalok nebee la loos o hafoer o nia fatin
103 sira nebee santu; entaun Hau sei halakan ahi nebee sai hosi o nia leet; no ahi nee sei haan fali o, no Hau halo o sai ahi kdesan iha mundu nee, iha ema hotu nia oin nebee haree o. 19 Ema hotu nebee konhese o iha povu sira nia leet sei hakfodak kona ba o; o mak remata ho tempu susar no sei nunka hela fali iha nebaa.”
“Ida nee koalia kona ba diabu ga?” Miguel dehan. “Sim,” ama dehan, “no hanoin katak pekadu sira hotu nebe mak Maromak nia ema sira konfesa ona nee sei transfere hotu ba Diabu, hanesan bibi metan nebe simboliza ona iha rai fuik maran. Diabu sei hetan kastigu laos deit ba nia pekadu maibe mos ba pekadu husi Maromak nia ema sira nebe uluk nia lohi maibe hetan perdua ona tanba sira konfesa ona sira nia sala.
“Ahi sei tun husi lalehan no han hotu buat hotu nebe mak pekadu husik hela. Ida nee terrivel los, maibe Jesus halo buat nebe mak nakonu ho grasa. Ema aat sira nee sei terus iha Maromak nia mundu foun. Sira sei la gosta moris iha fatin nebe ema hotu kontenti no puro. No sira sei kauza problema barak liu tan.
“Tanba ninia pekadu sira nebe mak terrivel no sofrimentu sira nebe mak nia kauza ona iha mundu nee, Diabu sei mate ikus. Maibe pekadu no pekador sira sei mate hotu. Lembransa ida deit kona ba pekadu nebe ita sei kaer metin mak marka iha Jesus nia liman, ain, no sorin. Marka sira nee sei iha nafatin too eternamente.”
“Nee mak ikus ona ga?” Miguel husu.
104 “Seidauk,” ama dehan. “Depois Jesus sei kria fila fali mundu foun.”
“Hanesan nia halo ona iha Genesis ga?” Miguel husu. “Dalaruma,” ama dehan. “Ezetu iha tempu neba ita sei haree Nia bainhira Nia halo mundu foun. Versu Biblia balun fo hatene ita kona ba moris iha mundu foun nee hanesan saida. Apokalipse 21:4 dehan “Maromak sei hamaran matan been hotu hosi sira nia matan. La iha tan mate, no la iha tan laran susar, tanis ka moras. Tanba buat sira nebee uluk nian liu tiha ona.”
Agora lee fali Isaiah 62:3.”
Miguel lee, “Ita sai hanesan koroa glória nian iha Nai nia liman, hanesan liurai nia koroa hena nian iha ita nia Maromak nia liman.”
Depois Miguel mos lee Isaiah 65:19. “ No Hau sei haksolok iha Jerusalém, no ksolok iha Hau nia povu; no lian tanis sei la rona tan iha nia, no la rona lian tanis halerik.”
“Agora, Miguel, o lee fali saida mak Apokalipse 21:11,24 dehan kona ba Maromak nia sidade, Jeruzalem foun.”
“Sidade nee iha Maromak nia glória, no nia nabilan hanesan fatuk murak nebee folin boot liu, hanesan jaspe, no nia moos hanesan kristál.” “Sidade nee iha Maromak nia glória, no nia nabilan hanesan fatuk murak nebee folin boot liu, hanesan jaspe, no nia moos hanesan kristál.”
“Sra. White dehan katak ita sei bele semo no vizita mundu sira seluk,” ama dehan.
“Semo tebes ga?” Miguel husu. “Ida nee sei furak los! Saida tan mak ita sei halo?”
105 “Ita sei bele harii uma sira. Imajina deit ita sei bele atu dezena fatin nebe mak ita hakarak atu hela iha laran — no bele hela iha laran too eternamente! Ita sei kuda jardin no han saida mak ita kuda ona. Ita sei la kole tan, no la triste tan. Ita sei iha enerjia atu halo saida deit mak ita hakarak halo — no ita sei halo hotu projetu sira nebe iha hahu ona. Ita sei halo viajem iha mundu tomak no iha mundu seluk, no ita sei konta ba sira oinsa Jesus salva ona ita no Jesus nia bondade sira hotu. Salvasaun nee sei sai hanesan buat ida nebe mak ita deit mak esperiensia no laiha tan ema seluk husi universu nee mak bele komprende hanesan ita. Ita sei bele estuda kona ba natureja no aprende buat foun barak.
“Tuir loloos,” ama dehan, “Ita labele imajina mundu foun nee nia furak. Nia furak sei sai diak liu no dook liu fali saida mak ita nia kakutak mortal bele imajina. Ida nee Maromak nia mundu foun, buat hotu sei moris no sai diak liu – konesimentu, domin, reverensia, no alegria. No bainhira ita konese Maromak diak liu tan, ita sei hadomi Nia diak liu tan. Ita sei kontenti liu, kontenti liu, no kontenti liu tan.
“Agora kontroversia sei finalmente remata. Funu sei too nia rohan. Sei iha manan nain ba funu nee. Finalmente buat hotu sei sai rejolvidu. No ida nee sei sai evidensia ba mundu hotu katak Maromak nee domin.”
“Ida nee mak istoria ida neebe furak liu hotu-hotu iha mundu nee. Hau kontenti loos tanba istoria nee tebes,” Miguel dehan. “Ida nee sei responde hotu hau nia pergunta sira.”
106 “Hau serteja katak O sei hanoin pergunta barak liu tan,” ama dehan. No pergunta sira nee barak mak hau sei labele atu responde.”
“Maibe loron ida, Jesus mak sei responde,” Miguel dehan. No hau sei iha neba hodi husu rasik ba Nia.”