“O hatene see mak ita nia inimigu neebe terrivel?” Ama husu. “Hau lahatene,”Miguel hatan, “Dala ruma ita rasik mak ita nia inimigu terrivel?” Ama hamnasa. “Dalaruma ida nee loos.” Ama hatan.” Maibe tuir loloos nee, Diabu mak ita nia inimigu terrivel. Bele lee Jenesis 3:15? Ida nee mak Maromak dehan ba Diabu bainhira nia lohi ona Adaun ho Eva atu komete pekadu iha Jardin Eden.”
Miguel loke versu no lee: “Hau sei halo o no feto nee odi malu, entre O nia jerasaun no feto nia jerasaun, nia sei harahun O nia ulum, no O sei tata ninia ain tuban.”
“Diabu sai hirus loos,” Ama fo hanoin ba Miguel. “Diabu susesu ona hodi halo Adaun ho Eva monu ba sala, atu prova katak Maromak nee la justu, maibe agora Maromak hakarak halo saida deit atu salva sira. See see deit mak toma atensaun ba ida nee sei haree katak Maromak nee domin nain no laran sadia. Ida nee halo Diabu odi Maromak liu tan. Nia labele ataka Maromak direitamente tanba konserteja Maromak forsa liu Diabu. Maibe Diabu bele hili Maromak nia oan sira. No ida nee mak nia halo ona, no nia sei kontinua halo ida nee too konflitu nee remata. Haree saida mak Paulo dehan iha 2Timoteo 3:2.”
Iha tempu neeba,” Miguel dehan,” ema sei hadomi deit sira nia-an no osan. Sira sei sai loko-an no orgolho. Sira sei koalia buat aat hasoru malu. Sira sei la halo tuir sira
14 nia inan-aman. Ema sira sei la hatene atu fo agradese no la sai hanesan ema neebe Maromak hakarak.” Miguel haree ba leten. “Maibe tanba saida mak opozisaun hasoru Diabu nia planu oituan liu? Tanba saida mak Maromak nia ema sira sente, dukur loos? Haree hanesan sira la tau atensaun.”
“Maromak nia ema sira barak mak dukur tanba sira ladun iha Espiritu Santu iha sira nia moris. Sira ladun komprende Diabu nia poder no oinsa nia planu atu funu hasoru Maromak. Sei fasil liu ba inimigu atu manaan bainhria soldadu neebe nia batalla hasoru nee toba hela. Ida nee sei kontinua fasil karik ema la hatene katak funu espiritual agora lao dadauk no laiha ema ida mak tau atensaun. Ema sira neebe mak la mantein koneksaun forsa ho Kristu sei haluha buat sira nee hotu ka sei nunka atu hatene buat sira nee hotu.
“Ema sira neebe mak besik ba Jesus, sei odiu pekadu hanesan Nia. Sira lakoi atu halo saida deit neebe mak halo Maromak nia laran moras tanba Nia hadomi loos sira. Maibe ema barak mak la mantein koneksaun ho Maromak. Entaun sira haluha katak Diabu funu hela ho Maromak nia ema sira. Sira ignora Diabu nia poder no siak ba Jesus nia maktuir sira. Sira fo sala ba Maromak ba buat aat sira neebe mak akontese. Maibe laos Maromak mak kauza pekadu. Buat aat sira nee akontense tanba funu neebe mak lao dadauk no tanba inimigu, Diabu, neebe mak brutal tebes.”
“Saida mak ita bele halo?” Miguel husu.
“Lee efeso 6:11,12,” Ama hatan.
“Hatais Maromak nia armas tomak, atu imi bele hamriik hasoru Diabu nia planu aat. Tanba ita halo funu,
15 laos hasoru isin no raan, maibe hasoru ukun sira, poder sira, no ukun nain sira iha fatin nakukun nee, no mos ita hasoru forsa espiritual aas nian iha fatin lalehan sira.”
“Agora Lee 1 Pedro 5:8,” Ama dehan.
“Hanoin didiak no matan moris ba. Tanba imi ini inimigu Diabu lao ba-mai hanesan liaun ida nebee hasai lian makaas no buka ema atu haan..”
Ama hateke ba Miguel no hatuun Biblia. “Versu sira nee fo hatene ita ho klaru liu kona ba see mak ita funu hasoru hela. Maibe ita la bele tauk!”
“Tanba Jesus luta no manaan ona, los ka lae? Miguel dehan.
“Nee los,” Ama hatan, “no Nia sei fo forsa mai ita karik ita husu. Diabu labele kontrola ita nia hanoin sira ka saida mak ita halo. Nia bele afeita ita se kuandu ita autoriza nia. Nia bele halo ita hirus, maibe nia labele estraga ita. Nia bele halo ita moras, maibe nia nunka hakotu ita husi Jesus. Diabu lakon ona funu nee, maibe nia sei nafatin kauza problema sira mai ita too Jesus mai fali ba dala rua hodi lori ita ba lalehan.”
“Hau hakarak Jesus mai lalais!” Miguel dehan.
SEE MAK ANJU SIRA NEE?
“Ama, tuir loloos anju sira nee se?” Miguel husu. “Haree iha O nia Biblia, no nia sei fo hatene ba O. Koko lee tok Ebreu1:14.”
Miguel lee, “Anju hotu-hotu hanesan espiritu neebe mak serbi Maromak no manda atu ajuda sira neebe mak sei simu salvasaun.”
“Agora lee Salmo 8:5.”
16 “O halo nia kiik liu oituan husi anju sira, no foo koroa ba Nia neebe iha gloria no onra.”
“Entaun anju sira nee espiritu neebe mak serbi Maromak no manda ona mai iha mundu atu ajuda ita?” Miguel husu.
“Sim,” Ama hataan. Maromak kria anju sira no fo sira serbisu atu halo.”
“Hau hanoin fatin barak iha Biblia mak anju sira marka prezensa.” Miguel dehan. “Hanesan bainhira Daniel iha Liaun nia luhan, no anju sira mai hodi halo nia seguru. No iha Jesus nia moris hias anju ida mai no duir fatuk no fo hatene Nia, ‘Ita nia Aman bolu Ita.’ No anju ida fo hatene Maria katak nia sei hetan bebe ida.”
“Nee loos,” Ama dehan, “Tanba kada Jesus nia maktuir iha anju ida neebe mak guarda.”
Ama hamnasa. “Sei iha tan versu balu kona ba anju sira. O lee Salmo 34:7, no hau sei lee Job 1:9,10”
“Diak,” Miguel hatan.. “Maromak salva sira neebe mak hamtauk ba Nia.
Ama lee, “Diabu hatan Maromak, ‘Job fo onra ba Maromak tanba iha razaun neebe diak. Itabot tau ona moru haleu nia, ninia familia no buat hotu neebe mak nia iha. Itabot bensa ona buat hotu neebe mak nia halo. Ninia bibi no karau sira barak los. Too sira atu taka hotu rai sira nee.’ Nia hateke ba Miguel. “O haree, Maromak uja anju sira atu proteje ita. Hau hanoin katak moru sira haleu Job nee refere ba anju sira.”
“Maibe oinsa kona ba anju sira hamutuk tersu ida neebe mak tuir ona Diabu mai iha mundu? Sira sei hamutuk ho Diabu ga?” Miguel hakarak atu hatene.
17 “Ho triste, sim” ama dehan. “Ohin loron ita bolu sira espiritu aat tanba sira hili ona Diabu. Bain-bain ita la bolu ona sira hanesan anju, maske Biblia fo hatene mai ita katak sira sei bele hatudu an hanesan anju naroman. Hanoin istoria iha livru Markus, Kapitulu 5, kona ba mane ida neebe mak nakonu ho espiritu aat sira iha ninia laran?”
“Hau hanoin espiritu ida deit mak iha nia laran,” Miguel dehan. “Haree ba versu 9,” Ama hatan. “Bainhira Jesus husu kona ba mane nee nia naran, nia dehan, ‘Hau nia naran Legion,’ tanba espiritu barak los mak tama iha ona iha nia laran. Legion iha lian Romanu signifika katak barak loos husi 3000 too 5000, ida nee hatudu katak espiritu aat barak los mak tama ona iha mane kiak nee.”
“Ida nee istoria kapaas,” Miguel dehan. “Hau gosta parte ida neebe mak dehan Jesus haruka espiritu aat sira nee tama ba fahi laran, no sira hotu haksoit tun husi foho no tama iha tasi laran.”Ama hamnasa.
“Ida nee serve fahi nain sira ho diak,” Miguel dehan. “Se mak haruka sira hakiak fahi. Ema Judeu sira tuir loloos labele han naan fahi, tanba saida mak sira hakarak hakiak fahi no faan ba sira nia kolegas?”
Ama hamansa, “Jesus mos hanoin hanesan nee hotu. Maibe Diabu nia espiritu aat sira sempre estraga fatin, sasan, ka see see deit mak sira tama iha laran. Biblia mos iha istoria ketak kona ba espiritu aat sira. Orsida O bele lee iha Lukas 4:33 -36 kona ba mane ida iha Sinagoga; ka lee iha Markus 7:26 – 30 no Markus 9:17 – 27, neebe mak koalia kona ba ema sira neebe mak nakonu ho espiritu aat sira.”
18 “Ida nee hatudu katak karik ema neebe mak iha espiritu aat ida ka espiritu aat barak sofre loos no presiza Jesus atu ajuda sira.”
“Sira presiza duni Jesus atu ajuda sira,” Ama dehan, “Maibe sira la sempre sofre. Ema balun mak iha espiritu aat tanba sira gosta no hili atu hetan espiritu aat. Ema matan dook naran, Simon Magus, mos hanesan nee hotu. Ninia istoria haree iha livru Apokalipse.
“Perigu liu mak bainhira ema halo finje dehan espiritu aat la existe. Karik ita nega ninia existensia, entaun ta ilabele proteje ita nia-an husi nia poder. Diabu gosta los bainhira ema deskreve nia hanesan Diabu koor mean no iha dikur hanesan besta. Depois sira mos la tauk ba nia, no sira mos la tau atensaun. Tuir loloos nia nee kriasaun poderozu ida neebe mak hirus los ba umanu sira. Umanu sira mak Diabu nia inimigu neebe boot liu.”
Miguel sai nakdedar no dehan, “rona ida nee hau tauk los”.
“Diak Miguel,” Ama dehan, “O la presiza atu hamtauk Diabu, tanba Jesus iha poder neebe boot liu fali Diabu. Jesus tau anju da guarda sira hanesan moru nebe haleu O atu halo O seguru. Jesus sei la hamonu O. O nia parte mak atu hafoun O nia amizade ho Nia kada dadersaan no lao ho Nia iha loron tomak.”
“Konserteza hau sei halo ida nee duni,” Miguel dehan.
“Kada loron hau halo orasaun ba O,” Ama dehan, “Tau O iha Jesus nia liman atu sai seguru husi Diabu nia poder.