“Ita besik liu ona ba tempu ikus, Diabu halo esforsu makaas liu tan hodi tenta ita atu husik Jesus nia sorin.” Ama fo hatene ba Miguel bainhira sira hahu sira nia konversa.
“Nee hatudu katak Diabu iha ona planu barak.”
“Los duni,” ama hatan. “Nia halo planu atu funu hanesan soldadu jendral. Hanoin kona ba Job nia istoria. Job 1:6 dehan: ‘loron ida anju sira ba hatudu sira nia an iha Maromak nia oin. Diabu mos ba ho sira. Maromak dehan ba diabu, “o foin mai husi nebe?” Diabu hatan Maromak, “hau lao lemorai iha mundu tomak. Hau lao tun sae iha mundu laran.”’
“Nia buka dalan barak hodi tenta ita atu halo pekadu, no nia hakarak atu halo ita konfuzaun karik nia bele. Nia mos uja Biblia hodi halo ema konfuzaun. Karik ema ida fiar iha Biblia, Diabu mos komesa kahur ho buat seluk no halo kleuk lialoos nee ba mai atu nunee ema fiar buat ida nebe mak Biblia rasik la koalia.”
“Tanba saida mak Diabu uja Biblia nee rasik hodi halo ema konfuzaun?” Miguel hakarak atu hatene.
“Dalaruma ema sei foti deit versu ida, ka parte husi versu ida, no la tau atensaun ba restu iha kapitulu tomak. Sira fokus deit ba versu ida nee ka liafuan balun no deklara katak ida nee signifika buat ida. Maibe karik sira lee kapitulu ida tomak, sira sei haree katak, ida nee la koalia kona ba saida mak sira hanoin.”
“Hau seidauk komprende,” Miguel dehan.
20 “Ezemplu,” ama dehan, “ema balu lee saida mak Paulo hakerek iha Roma 6:14. — ‘Imi laos iha lei nia okos maibe iha grasa Maromak nia okos’ — no dehan ida nee hatudu katak Kristaun sira la presiza atu halo tuir tan Maromak, no sira la presiza halo tuir Maromak nia mandamentu sira. Maibe karik sira lee hotu saida mak Paulo dehan iha Roma, Kapitulu 6, sira sei hatene katak Paulo nia hanorin nee kona ba Kristaun sira nebe hetan salvasaun liu husi Maromak nia grasa deit, laos tanba sira manan salvasaun liu husi obediensia. Maibe ida nee la signifika katak sira la presiza atu halo tuir tan Maromak nia ukun fuan sira.”
“Hau komprende,” Miguel hatutan. “Ida nee hanesan haree deit parte ida husi imajem ida no hanoin katak ida nee mak imajem tomak.”
“Hanesan nee duni,” Ama konkorda. “Ita rasik presiza estuda Biblia atu hatene saida mak Biblia koalia atu nunee ita sei la konfuzaun ho saida mak sira seluk hanoin kona ba Biblia. No, ida nee importante los ba ita atu halo orasaun no husu Espiritu Santu atu ajuda ita hodi halo Biblia klaru ba ita atu komprende bainhira ita estuda. Dalan seluk tan ba diabu atu halo ita konfuzaun nee liu husi Siensia.”
“Diabu mak inventa siensia ga?” Miguel husu.
Lae!” Ama hamnasa. “Maromak tau siensia nia regulamentu iha tempu kriasaun. Ida nee tanba ema la komprende siensia. Sira aprende oituan, no bainhira siensia la konkorda ho saida mak sira hanoin Biblia hatete, sira la fiar Biblia.”
“Entaun karik sira komprende liu tan kona ba siensia.” Miguel hatutan, “hafoin mak sira bele hatene katak tuir loloos nee Biblia ho siensia konkorda malu?”
21 “Konserteja,” Ama hatan. “Maromak mak kria siensia, entaun Siensia sei naturalmente konkorda ho saida mak Maromak koalia ba ita iha Biblia. No, ita mos presiza kuidadu ho saida mak ita fiar. Ita sei rona ideas barak, maibe idea sira nee la sempre loos. Ita tenki halo serteja katak Biblia mak hun husi buat hotu nebe mak ita fiar.
“Diabu mos gosta fo hatene ema katak Maromak la revela buat hotu nebe mak ita presiza los atu hatene. Dala ruma ema ba fatin seluk hanesan -koalia ho espiritu sira – atu buka hatene kona ba segredu no misteriu sira nebe mak Maromak nunka koalia duke sira gasta tempu hodi buka iha Biblia. Ho tentasaun ida nee, Diabu repete ninia bosok ba Eva iha Jardin Eden bainhira nia dehan Maromak taka no la fo informasaun ba Eva.”
“Ida nee laos espiritualizmu ga? Miguel husu.
“Sim,” ama hatan, “No hanoin katak Diabu bele hatudu an hanesan anju naroman. Ema espiritualista sira barak mak senti katak sira hetan guia husi anju lalehan ka husi sira nia an rasik. Maibe ita bele serteja katak ita la presiza atu tenta hodi koalia ho espiritu sira; Maromak fo hatene ona ba ita iha Biblia buat hotu nebe mak ita presiza hatene atu hetan salvasaun.”
“Dala ruma Diabu halo ema konfuzaun liu husi halo sira duvida karik Jesus nee Maromak tebes ka lae. Sira barak mak fiar katak Jesus nee mane ida nebe mak diak maibe Nia laos Maromak. Ema seluk la fiar ba Diabu. Tanba sira la fiar katak diabu eziste duni, sira la kuidadu ho saida mak diabu halo hela kontra sira. Ema balun tan mos fiar katak ita ema la mate tebes; maibe, Jesus lori sira ba lalehan. Ita sei koalia liu tan kona ba ida nee iha
22 tempu tuir mai. Iha mos ema seluk tan mak la fiar Maromak; sira duvida ba Ninia promesa sira. Sira la fiar katak Maromak bele tau matan ba sira. Ema kristaun fraku liu nebe mak fiar ba Jesus nee konsidera forsa liu duke diabu nia anju sira seluk.”
Miguel dehan, “Hau hatene iha Biblia Maromak proteje Ninia ema sira bainhira sira fiel ba Nia hodi halo tuir Ninia mandamentu sira. Entaun karik ita hamriik ho Nia iha loron ida nee, Nia sei kuida ita.”
“Nee loos,” Ama hatutan. “No hanoin hodi mantein relasaun diak ho Jesus liu husi orasaun lor-loron, tanba laiha ema ida mak seguru sen orasaun.”