“Hori kalan ita koalia kona ba tempu difisil sira nebe mak atu mai,” Miguel dehan. Nia koalia ho oin seriu los. “Saida mak ita tenki halo atu hasoru difikuldade sira nee hotu no nafatin metin iha Jesus nia sorin?”
“Sorte boot, Maromak fo ona instrusaun diak iha Biblia,” ama hatan. “Instrusaun sira nee sei asegura ita bainhira ita halo tuir.”
“Nee signifika katak, karik ita halo tuir saida mak Maromak dehan iha Biblia ita sei la hetan moras ruma iha disastre sira nebe mak atu mai ga?” Miguel husu.
“Lae,” ama dehan. “Hau serteja katak Maromak sei halo buat hotu nebe mak Nia bele atu halo ita seguru fizikamente. Maibe dala ruma ema diak balu hetan moras. Hau koalia hela kona ba Maromak proteje ita espiritualmente. Karik ita hili atu tuir Nia, Nia sei ajuda ita atu tuir besik liu tan.
“Konserteja, Diabu halo buat hotu nebe nia bele atu hapara ema sira husi aprende saida mak Biblia hanorin. Nia kria falsifikasaun sira atu halo difisil ba ema atu halo diferensa entre saida mak Maromak nia hanorin loloos no saida mak ema dehan Maromak nia hanorin. Atu bele nafatin fiel ba Nia iha tempu provasaun sira nebe mak atu mai, ita tenki estuda Maromak nia liafuan rasik no komprende. Sra. White dehan ita presiza ‘haforsa ita nia hanoin sira ho lialoos sira husi Biblia atu sai seguru iha vida espiritual. Saida mak tama iha o nia hanoin bainhira o rona liafuan sidade fortalese?”
42 Miguel hanoin oituan. “Sidade nee presiza iha paredi nebe mak forsa no soldadu sira nebe mak diak, los ka lae?”
“Sim,” ama konkorda. “No saida mak sidade nee sei presiza atu tau iha paredi laran?”
“Oh Loos,” Miguel hamnasa, “sidade nee sei la forsa iha tempu naruk sen fornesimentu husi hahan no bee.”
“Loos,” ama dehan. “Tuir o nia hanoin, Saida mak paredi no soldadu sira nee representa iha “sidade fortalese?’”
“Parese paredi nee bele sai hanesan Maromak nia lei nebe mak proteje ita, no soldadu sira bele representa anju sira.” Miguel hatan.
“Hau hanoin o koalia loos,” Ama hatan. “Entaun hahan no bee nebe fo fornesimentu iha sidade laran nee representa saida?”
“Bele Ida nee representa ita aprende Biblia ba ita nia-an rasik?”
“Ezatamenete nee los. Karik ita hakarak hadook ita nia-an husi bosok sira, ita presiza rai informasaun nebe loos husi Biblia iha ita nia kakutak. Se lae, ita sei fiar deit ba ita nia sentimentu sira no saida mak ema seluk fo hatene ba ita maske sira la harmonia ho Maromak nia liafuan.”
Miguel dehan, “Nee siginifika katak ita tenki buka tempu agora ona atu estuda Biblia atu nunee ita bele lembra fila fali bainhira tempu provasaun sira nee too.”
“Ida nee mak durante nee ita halo ona bainhira ita halo diskusaun kona ba buat sira nee hotu,” ama dehan. “No ita mos tenki serteja atu bele konvida Jesus iha ita
43 nia fuan kada loron. Mai ita haree ba versu Biblia balun. Bele lee Apokalipse 14:8?”
“DIAK,” Miguel dehan. “Apokalipse 14:8 dehan “No anju ida seluk, nebee anju segundu, dehan, “Babilónia nebee boot monu tiha ona, nia monu tiha ona! Nia halo nasaun hotu hemu ninia tua uvas, katak laran nebee kaan ninia sala seksuál.”
“Saida mak marka de besta, ama, no oinsa mak ita labele hetan ida nee? Ida nee hanesan saida? Nee hanesan tatoo ida ka oinsa?” Miguel husu.
“Lae,” ama hamnasa. Marka de besta nee laos buat ruma nebe mak o bele haree; nee laos hanesan tatoo ida nebe mak hakerek iha ema ruma nia isin. Marka de besta nee hanesan maneira ida nebe Biblia deskreve hanesan ema sira nebe mak simu Diabu nia bosok sira iha tempu ikus. Nee dehan katak sira nebe mak hili atu tuir Diabu no ninia lei sira, duke tuir Maromak no Nia lei sira, sei hetan marka hanesan la fiel ba Maromak. Ema sira nebe mak halo tuir saida mak sira nia lideransa igreja hanorin ba sira, duke estuda rasik husi Biblia ba sira nia-an, sira nee mak sei hetan marka hanesan la fiel.”
“Entaun ida nee signifika katak ita labele fiar ita nia lideransa sira iha igreja ga?” Miguel husu.
“Lae,”Ama hatan. “Kuaze ita nia lideransa igreja sira hotu ema diak no matenek, maibe ita hotu iha responsabilidade atu estuda ita nia Biblia. Ita hotu tenki halo serteja katak saida mak ita fiar nee tuir saida mak Maromak koalia ona. Ema sira tenki halo desizaun nebe mak difisil tanba dala ruma sira nia fiel separadu. Dala ruma membru husi familia ida rasik, ema sira nebe mak sira hadomi no kolega diak sira, sei hili dalan nebe mak
44 sala. Maibe Jesus sei ajuda ita. Salmu 16:7,8 promete katak “Hau sei adora Nai nebee foo konselhu mai hau, iha kalan mos hau nia fuan laran koriji hau. Hau sempre hateke ba Nai iha hau nia oin; hau sei la nakdedar tanba Nia iha hau nia liman loos.”
“Ida nee promesa ida nebe mak fo korajem tebes, los ka lae?” No hau gosta los orasaun nebe mak David harohan iha Salmu 119:18 “Loke hau nia matan,
nunee hau bele haree buat furak iha O nia lei.”
“Nee promesa ida nebe mak furak ,” Miguel dehan, “hau hanoin hau mos sei harohan orasaun ida nee ba Maromak.”
“Iha tan promesa nebe sei ajuda tebes,” ama dehan. Nee hetan iha Joao 14:26 “ Maibee Ajudadór, katak Espíritu Santu, nebee Aman sei haruka mai hodi Hau nia naran, Nia sei hanorin buat hotu ba imi, no halo imi hanoin hetan buat hotu nebee Hau dehan ona ba imi.”
“Furak tebes! Entaun Maromak sei ajuda ita hanoin versu Biblia sira bainhira ita presiza. Saida tan mak hau presiza halo atu prepara?” Miguel husu.
“Hare tok iha Salmu 119:11,” ama sugere. Miguel hetan versu nee no lee:”Hau rai O nia liafuan iha hau nia fuan laran, hodi nunee hau la bele halo sala hasoru O.”
“Ida nee signifika saida, ama?”
“Nee signifika katak karik ita rona duni Maromak nia liafuan, no hanoin ida nee, no fiar ida nee, sei ajuda ita atu la monu ba iha pekadu. Ema barak iha tempu agora buka mak interpretasaun simples iha Biblia, se lae sira ignora deit totalmente. Ita presiza atu simu saida mak Biblia dehan no tau ba pratika. Ita sei iha opsaun atu hili
45 see mak ita hakarak tuir. Textu ida nee koalia hili hodi halo tuir Maromak nia liafuan no sai obediente.
“Ema barak iha tempu agora dehan nee la importante saida mak ita fiar, importante mak ita halo saida mak tuir ita nia hanoin nee diak. Maibe ida nee la loos. Ezemplu, itabot halo viajem ida no too iha interseisaun ida nebe ita haree entrada rua ba iha diresaun diferente. Sinal ida aponta estrada ba dalan nebe mak o hakarak atu ba. Maibe o ignora sinal nee no hili estrada nebe mak tuir o nia hanoin nee loos. O bele iha hanoin nebe diak, maibe o sei nafatin iha dalan nebe sala no ikus mai too iha fatin nebe mak sala.”
“Iha tan versu biblia kona ba foti desizaun. Lee Joao 7:17.” Miguel lee, “Ema nebee hakarak halo tuir Maromak nia hakarak sei hatene doutrina nee mai hosi Maromak ka Hau koalia hosi Hau nia aan rasik.”
“Entaun ida nee signifika katak Maromak sei ajuda ita atu hili dalan nebe loos bainhira ita deside atu tuir Nia?”
“Ezatamente ida nee mak nia signifika loloos,” ama dehan.
“Hau kontenti Maromak fo ona promesa sira nee.” Miguel dehan.
“Oinsa mak ema ida bele lakon bainhira iha ona promesa sira atu ajuda ita iha buat hotu.”
“Ida nee difisil atu komprende,” ama dehan, “no hau serteja katak ida nee halo Maromak tanis bainhira Nia hanoin kona ba ida nee.”
“Hau lakoi haree Maromak tanis tan deit hau. Hau hadomi los Maromak. Hau sei prepara hau nia-an ba tempu provasaun nebe atu mai no rai Ninia liafuan sira iha hau nia fuan laran no hau nia hanoin.”
46 “Hau serteja katak ida nee sei halo Maromak kontenti loos,” ama dehan. “No Nia hakarak ita atu halo buat hotu nebe mak ita bele halo atu sai prontu. Maibe hanoin deit katak Jesus mak salva ita. Laos tanba ita ema loos, ka ita hatene barak kona ba Biblia.”
“Hau hatene,” Miguel dehan. “Maibe hau sei hakarak atu hatudu ba Nia katak hau hadomi Nia liu husi prepara hau nia-an hodi halo saida deit mak hau bele atu sai prontu bainhira Nia mai.”