Oinsa mak ema sai justu iha Maromak nia oin? Oinsa mak ema pekadór halo sai ema loos? Ne’e liu husi Kristu de’it mak bele lori ita ba armonia ho
Maromak, ho santidade; maibé oinsa mak ita bele mai ba Kristu? Ema barak mak husu pergunta hanesan ne’ebé ema-lubun boot halo iha Loron Pentekosta, bainhira konvense tiha husi pekadu, sira tanis husu, “Saida mak ita atu halo?” Pedro nia liafuan dahuluk hodi hatan mak, “Arrepende.” Apóstolu 2:37,38. Iha tempu seluk, lakleur oitoan hafoin nia dehan: “Arrepende,…… no konverte tiha, nune’e imi-nia pekadu sira bele hamoos.” Apóstolu 3:19.
Arrependimentu inklui triste tan pekadu no hasees an husi nia. Ita sei la renunsia husi pekadu enkuantu ita lahatene ninia rezultadu aat: karik ita la hadook husi nia(pekadu) loloos iha ita nia fuan, maka laiha mudansa loloos iha moris.
Iha ema barak mak falla atu komprende natureza loloos husi arrependimentu. Ema-lubun boot triste katak sira nia pekadu tiha ona no to’o sira halo reformasaun iha sorin-liur hotu tanba sira ta’uk katak hahalok ladiak lori sofrimentu ba sira nia leten. Maibé ida-ne’e laós sentidu arrependimentu ne’ebé fó iha Bíblia. Sira lamenta sofriementu duké pekadu ne’e rasik. Hanesan Esau laran triste tebes bainhira nia haree katak direitumoris dahuluk nian lakon ona ba nia nafatin. Balaaun ta’uk husi anju ne’ebé hamriik iha ninia dalan ho lorisurik, rekoñese ninia pekadu selae nia lakon nia moris; maibé iha ne’ebá laiha arrependimentu loloos ba pekadu, laiha konversaun husi objetivu no laiha hakribi buat aat. Judas iskariotes, hafoin trai ninia Na’in, nia fota-liafuan, “ Ha’u halo pekadu tiha ona katak ha’u trai pekadu-laek.” Mateus 27:4.
Konfisaun ne’ebá obriga husi ninia kulpa klamar liuhusi konxiénsia kondenasaun orrivel no ta’uk tebetebes hodi haree ba julgamentu. Konsekuénsia ne’ebé atu rezulta ba nia hakonu nia ho ta’uk liu, maibé iha ine’ebá laiha triste tebes ho fuan-kanek-klean iha nia klamar, katak nia trai tiha ona Maromak nia Oan-mane pekadulaek no nega tiha Santu ida husi Izrael. Faraun bainhira sofre iha Maromak nia julgamentu okos, rekoñese nia pekadu atu halai sees husi kastigu; maibé sadik filafali Lalehan bainhira peste sira laiha tiha. Sira ne’e hotu lamenta rezultadu husi pekadu, maibé la triste ba pekadu ne’e rasik.
Maibé bainhira fuan saran ba influénsia husi
Maromak nia Espiritu, konxiénsia sei halalais, no pekadór sei haree buat ruma husi klean no sagrada husi Maromak nia lei santu, fundasaun husi Ninia governu iha lalehan no iha rai leten. “ Naroman ida-ne’ebé leno ema hotu-hotu ne’ebé mai iha mundu,” leno segredu kehan husi klamar, no buat subar nakukun nian halo ita bele haree. João 1:9. Konviksaun kaer metin ita-nia neon no fuan. Pekadór iha sensu justisa husi Maromak no sente tauk liu husi mosu mai iha ninia kulpa rasik no la moos iha Makbukak fuan sira nia oin. Nia haree Maromak nia domin, santidade nia furak, kamoos nia ksolok; Nia hakarak atu hamoos tiha no atu restaura fali hodi komuñaun ho Lalehan.
David nia orasaun hafoin ninia monu, ilustra natureza husi triste loloos ba pekadu. Ninia arrependimentu sinseru no klean. Iha-ne’ebá laiha esforsu atu hamenus ninia kulpa; laiha dezeju atu halai husi julgamentu ameasa inspira ninia orasaun. David haree sukat-labelek husi ninia tranzgresaun; nia haree foer-tiha-ona iha ninia klamar; nia hakribi ninia pekadu. Ne’e laós perdaun de’it mak nia halo orasaun ba maibé ba fuan kamoos. Nia laran-kaan ba ksolok santidade nian—atu restaura hodi armonia no komuñaun ho Maromak. Ida-ne’e mak dalen husi ninia klamar:
“Rahun diak mak nia ne’ebé ninia tranzgresaun hetan perdaun, ninia pekadu taka tiha ona. Rahun diak mak ema ne’ebé ba nia Maromak la tau pekadu, no iha nia bosok laiha.” Salmo 32:1-2
“Laran-sadi’a ba ha’u O Maromak, tuir Ita-boot nia kariñozu
Tuir Ita-boot nia laran-luak-murak hamoos ha’u-nia tranzgresaun sira…
Basá ha’u rekoñese ha’u-nia tranzgresaun sira: no ha’unia pekadu ne’ebé iha ha’u-nia oin…
Hakamoos ha’u ho hissopu , no ha’u sei moos:
Fase ha’u no ha’u sei sai moos liu duké neve…
Kria iha ha’u fuan moos, O Maromak; No hafoun espiritu loos iha ha’u.
Keta soé ha’u husi Ita-boot nia prezensa; No keta foti Ita-boot nia Espiritu Santu husi ha’u; Restaura iha ha’u ksolok husi Ita-boot nia Salvasaun; No hametin ha’u ho Ita-boot nia espiritu livre…
Hasai ha’u husi raan nakonu ho pekadu nian, O Maromak, Ita-boot mak Maromak ba ha’u-nia salvasaun: No ha’u-nia nanal sei hananu maka’as ho Ita-boot nia justisa.” Salmo 51:1-14.
Arrependimentu hanesan ida-ne’e, liu ita-nia podér atu realiza; ida-ne’e hetan de’it husi Kristu, ne’ebé saé aas ona ba leten no fó tiha ona prezenti ba ema.
Hanesan iha ne’e iha pontu ida ba iha ida-ne’ebé barak mak laloos, no tanba ne’e sira falla hodi simu ajuda ne’ebé Kristu hakarak atu fó ba sira. Sira hanoin katak sira labele mai ba Kristu karik sira seidauk arrepende uluk, no katak arrependimentu ne’e prepara ba perdaun husi sira nia pekadu sira. Ne’e loos katak arrependimentu mai-uluk-ba perdaun husi pekadu sira; basá ne’e fuan dodok no fuan kanek tan pekadu maka sei senti presiza Salvadór ida. Maibé tenki pekadór hein to’o nia arrepende tiha molok nia bele mai ba Jezús ka?
Bíblia la hanorin ba ita katak pekadór tenki arrepende molok nia bele simu Kristu nia konvite, “ Mai ba Ha’u imi ne’ebé serbisu no iha todan, no Ha’u sei fó kamaan ba imi.” Mateus 11:28. Ida-ne’e virtude ne’ebé laó ba oin husi Kristu, ne’ebé dirije ba arrependimentu loloos. Pedro halo asuntu ne’e klaru iha nia afirmasaun ba ema Izrael sira bainhira nia dehan,” Maromak hasae tiha ona Nia ho Ninia liman loos atu sai Liurai oan mane no Salvadór ida, hodi fó arrependimentu ba Izrael, no perdaun ba pekadu.” Apóstolu 5:31.
Ita labele hetan perdaun sein Kristu, nune’e mós ita sei la arrepende sein Kristu nia Espiritu hafanu ita-nia konxiénsia.
Kristu mak hun husi impulsu loos hotu-hotu. Nia mesak de’it mak bele kuda iha fuan inimigu hasoru pekadu. Dezeju hotu-hotu ba lialoos no kamoos, konviksaun hotu-hotu husi ita-nia pekadu-tomak rasik, ne’e evidénsia katak Ninia Espiritu ne’e muda hela itania fuan sira.
Jezús hateten tiha ona,” bainhira Ha’u hasae tiha husi mundu ne’e, Ha’u sei dada ema hotu ba Ha’u.” João 12:32. Kristu tenki revela ba pekadór sira núdar
Salvadór mate ba mundu nia pekadu; no nu’udar ita hateke ba Maromak nia Bibi-oan iha kruz kalvariu leten, misteriu sasoin nian hahú atu loke ita-nia neon sira no Maromak nia diak dirije ita ba arrependimentu. Iha mate ba pekadór, Kristu manifesta domin ne’ebé ita-nia konpreensaun la to’o; no nu’udar pekadór hateke ba domin ida-ne’e, ne’e hamamar fuan, impresiona neon no inspira sentimentu fuan nakonu ho pekadu iha klamar.
Ne’e loos katak ema dalaruma sai moe husi sira-nia lala’ok pekadu no para husi sira nia abitu aat balu, molok sira konxiente katak dada hela sira ba Kristu. Maibé bainhira de’it sira halo esforsu atu reforma, husi dezeju sinseru atu halo loos, ne’e podér Kristu ne’ebé dada hela sira. Influénsia ida ba sira ida-ne’ebé la konxiente iha sira nia klamar, no konxiensia halalais tiha sira, no haloos tiha moris liur nian. No nu’udar Kristu dada sira atu hateke ba Ninia kruz, hodi hateke ba Nia ne’ebé sirania pekadu hetan borus, mandamentu mai iha uma konxiensia. Nakonu ho laran aat iha sira nia moris, pekadu nia fatin klean, ne’e revela ba sira. Sira hahú atu komprende buat ruma kona-ba Kiristu nia justisa, no fota-liafuan, Saida mak pekadu,nune’e tenki presiza sakrifisiu ida hanesan ne’e ba sasoin husi ninia vitima?
Domin ne’e hotu, sofrimentu ne’e hotu, haraik-an ne’e hotu, ezije, nune’e ita labele mohu, maibé iha moris rohan-laek?
Pekadór bele reziste domin ida-ne’e, bele rejeita atu hadada ba Kristu; maibé karik nia la reziste nia bele dada tiha ba Jezús; koñesimentu ida ba planu salvasaun nian sei dirije nia ba ain husi kruz iha arrependimentu ba ninia pekadu sira, ida ne’ebé kauza tiha ona sofrimentu husi Maromak nia Oan-mane doben.
Hanesan Neon divinu ne’ebé mak serbisu dadaun iha buat sira natureza nian, ko’alia dadaun ba ema nia fuan sira no kria kaan ida ne’ebé espresa labelek ba buat ruma sira seidauk iha. Buat sira mundu nian labele satisfás sira-nia laran-kaan. Maromak nia Espiritu husu namanas ho sira atu buka buat sira ne’ebé mesak de’it bele fó pás no deskansu—Kristu nia grasa, santidade nia ksolok. Liu-husi influénsia sira ne’ebé haree no la haree, ita-nia Salvadór ne’e la-para atu atrai ema nia neon sira husi prazér la satisfás husi pekadu ba bensan infinitu ne’ebé bele sai sira nian iha Nia. Ba klamar sira ne’ebé ho saugati buka atu hemu iha tanke aat husi mundu ida-ne’e, mensajen divinu ne’e hatudu,” Biar nia ne’ebé mak hamrook mai ba Ha’u. no nia ne’ebé hakarak, bair nia foti bee matan moris ho livre.” Apokalipse 22:17.
Imi ne’ebé iha fuan hakarak ba buat ruma diak liu duké mundu ne’e bele fó, rekoñese laran-kaan ida ne’e nu’udar Maromak nia lian ba imi-nia klamar. Husu ba Nia atu fó arrependimentu, atu revela Kristu ba imi iha Ninia domin infinitu, iha Ninia kamoos perfeitu. Iha Salvadór nia moris prinsipiu husi Maromak nia lei—domin ba
Maromak no ema—sai exemplu perfeitu. Hahalok loos, domin la egoista, mak moris husi Nia klamar. Ida-ne’e nu’udar ita hateke ba Nia, nu’udar naroman husi ita-nia Salvadór monu ba ita-nia leten, nune’e ita haree ba pekadu nakonu iha ita-nia fuan rasik.
Ita bele gaba-an, hanesan Nikodemos halo, katak ita-nia moris loos tiha ona, katak ita-nia karakter moral ne’e loos, no hanoin katak ita la presija iha fuan haraikan iha Maromak nia oin, hanesan pekadór baibain: maibé bainhira naroman husi Kristu fó-naroman ba itania klamar sira, ita sei haree ita la kamoos tebes; ita sei haree motive egoista, inimigu kontra Maromak, ne’ebé hafoer tiha ona asaun hotu-hotu iha moris. Tuirmai ita hatene katak ita-nia justisa rasik ne’e hanesa hena fo’er no aat,no nune’e Kristu nia raan mesak de’it mak bele hamoos pekadu nia fo’er no hafoun ita-nia fuan ho Ninia imajen.
Raiu ida husi Maromak nia glória, nabilan ida husi Kristu nia kamoos, penetra klamar, halo pekadu nia tadan hotu-hotu bele haree momoos, no nakloke karakter úmanu nia aleijadu no defeitu. Nia hamosu dezeju sira ne’ebé la santu, fuan ne’ebé la fiar-metin, ibun ne’ebé la kamoos. Pekadór nia asaun la leál hodi halo bekan Maromak nia lei, ne’e hatudu iha nia haree, no nia espiritu tuku no haterus iha okos husi buka influénsia Maromak nia Espiritu. Nia hakribi nia-an bainhira nia haree Kristu nia kamoos no karakter tadanlaek.
Bainhira profeta Daniel hateke ba glória haleu mensajeiru lalehan nian ne’ebé haruka ba nia, hia hetan domina ho sensu ida husi ninia frakeza no imperfeitu. Deskreve efeitu husi sena furak, nia dehan,” laiha forsa ida mak hela iha ha’u: basá ha’u-nia diak muda tiha iha ha’u ba korruptu,no ha’u hela ho forsa-laek.” Daniel
10:8. Klamar ne’ebé hetan book sei ódiu ninia egoista rasik, sei rejeita ninia hadomi-an, no sei buka, liu-husi Kristu nia justisa, basá fuan nia kamoos ne’ebé iha armonia ho Maromak nia lei no Kristu nia karakter.
Paulo dehan katak nu’udar “ kaer justisa ida-ne’ebé iha lei” — preokupa ba asaun li’ur nian sira hotu—nia “ pekadu-laek”( Filipe 3:6); maibé bainhira karakter Espirituál husi ne’e haninu, nia haree nia-an pekadór ida. Hetan julga husi surat lei nian ne’ebé ema aplika iha nia moris liur nian, nia hasees an husi pekadu; maibé bainhira nia hateke tiha ba klean husi ninia ukun-fuan santu sira, no haree ba nia-an hanesan Maromak haree nia, nia hakruuk ho haraik an no konfessa ninia kulpa. Nia dehan, “ Ha’u dala ida moris sein lei: maibé bainhira mandamentu mai, pekadu moris fali no ha’u mate.” Roma 7:9. Bainhira nia haree ba natureza espirituál pekadu nian, pekadu mosu iha ninia subar loloos no ninia hana’i-an lakon tiha.
Maromak la konsidera pekadu hotu-hotu ho sasukat boot hanesan; iha ine’ebá grau sira husi kulpa iha Ninia avaliasaun, hanesan loos ne’ebé ema iha; maibé oinsamos ida-ne’e lavale ka asaun ladiak bele haree iha ema nia matan, laiha pekadu mak kiik iha Maromak nia haree. Ema nia julgamentu ne’e sorin de’it, la perfeitu; maibé Maromak avalia sasán hotu-hotu nu’udar sira iha duni. Lanu-teen hetan hebain no dehan ona katak ninia pekadu esklui nia husi lalehan; enkuantu orgullu, egoista, no matan-karak dala barak liu mosu lahetan haksi’ak. Maibé sira ne’e mak pekadu sira ne’ebé mak ofensivu espesiál ba Maromak; basá sira kontráriu ba laran-murak husi Ninia karakter, ba domin la-egoista idane’ebé mak atmosfera rasik husi universe ne’ebé la monu. Nia ne’ebé mak monu ba pekadu boot sira ruma bele sente sensu ida husi ninia moe, kiak no nia presiza Kristu nia grasa; maibé orgullu sente la presiza no tan ida-ne’e taka fuan hasoru Kristutu no bensan infinitu ne’ebé Nia mai atu fó.
Taberna-na’in kiak ne’ebé halo orasaun,” Maromak laran-sadi’a ba ha’u ema pekadór ida”.(Lucas 18:13) nia konsidera nia-an nu’udar ema laran-at tebetebes, no sira seluk hateke ba nia iha naroman hanesan; maibé nia sente ninia presiza, no ho ninia naha-todan kulpa nian no moe nia mai iha Maromak oin, husu ba Ninia laransadi’a. Ninia fuan loke ba Maromak nia Espiritu atu halo serbisu nakonu ho grasa nian no halivre nia husi podér pekadu nian. Ema Fariseu gaba-an, orasaun haloos-an hatudu katak ninia fuan taka hasoru influénsia husi
Espiritu Santu. Tanba ninia distansia husi Maromak, nia laiha sensu husi ninia pekadu-foer rasik, iha kontraste ho perfeisaun santidade divinu nian. Nia sente la presiza, no la simu buat ida.
Karik imi haree imi-nia pekadu-tomak, keta hein atu halo imi-nia an diak liu. Hira mak iha ine’ebá hanoin sira la diak natoon atu mai ba Kristu. Imi hein atu sai diak liu liu-husi imi-nia esforsu rasik ka? “ Bele ka ema Etiópia muda ninia kulit, ka leopardu muda ninia tadan? bele imi mós halo diak, imi ne’ebé mak toman ona atu halo aat.”Jeremias 13:23. Iha Maromak de’it mak iha ajuda ba ita. Ita labele hein ba persuazaun forsa liu, ba oportunidade diak liu, ka ba kontrola-an santu liu. Ita labele halo buat ruma ba ita nia-an. Ita tenke mai ba Kristu hanesan ita iha.
Maibé biar laiha ema ida habosok sira-nia-an ho hanoin katak Maromak, iha Ninia domin boot no laransadi’a, sei salva maske sira ne’ebé rejeita ba Ninia grasa. Naresin pekadu-tomak husi pekadu bele avalia de’it iha naroman kruz nian. Bainhira ema litik katak
Maromak ne’e diak demais atu hadook pekadór, biar sira hateke ba Kalvariu. Ne’e tanba iha ine’ebá laiha dalan seluk iha ida-ne’ebé ema bele hetan salva, tanba sein sakrifisiu ida-ne’e imposivel ba rasa úmanu atu halaisees husi podér hafo’er pekadu nian, no restaura tiha filafali atu komuñaun ho moris santu sira,—imposivel ba sira tan atu sai hola-parte ba moris espirituál nian,— Ne’e tanba husi ida-ne’e katak Kristu foti ba Nia-an kulpa husi ema-la-obedese no sofre iha pekadór nia fatin.
Domin, sofrimentu no mate husi Maromak nia Oanmane hotu-hotu fo-testamuña ba terrivel boot pekadu nian no deklara katak iha-ne’ebá laiha halai-sees husi ninia podér, laiha esperanza moris aas liu nian, maibé liu-husi fó-ulun klamar nian ba Kristu.
Impenitente dala ruma permite sira nia-an liu husi profesa Kristaun, “ha’u nu’udar diak hanesan sira. Sira ne’e laiha tan ona nega-an, sériu, ka kuidadu iha sira-nia konduta duké ha’u. Sira hadomi prazér no gozu-an hanesan ho maneira ha’u halo.” Nune’e sira halo kulpa ema seluk nian no permite hodi ignora sira rasik nia devér. Maibé pekadu no defeitu ema seluk nian la fó permite ba ema ruma, basá Maromak la fó ba ita modelu úmanu nian laloos. Maromak nia Oan-mane tadan-laek fó tiha ona ba ita nu’udar ita-nia ezemplu, no sira ne’ebé murmura husi dalan laloos profesa Kristaun sira nian mak sira ida ne’ebé tenke hatudu moris diak liu no ezemplu nobreza sira. Karik sira iha konsesaun aas liu ida husi saida mak Kristaun ida tenki sai, ne’e sira-nia pekadu rasik la boot liu ka? Sira hatene saida mak loos, maibé sira sei rejeita hodi halo nia.
Kuidadu kona-ba atraza hodi tau ba loron seluk nian.
Keta tau ba loron seluk serbisu husik imi-nia pekadu no buka kamoos fuan nian liu-husi Jezús. Iha-ne’e mak rihun ba rihun laloos ona ba sira-nia lakon rohan-laek. Ha’u sei la hela iha babadak no moris la serteza; maibé iha-ne’ebá iha perigu terivel—perigu la komprende ho sufisiente—adia atu saran ba lian hesuk husi Maromak nia Espiritu Santu, hodi hili atu moris iha pekadu laran; basá adia ida-ne’e tebes duni. Pekadu, kiik oinsa mós nia hetan avalia, ne’e bele halo-mimu de’it iha risku lakon infinitu. Saida mak ita la prevene, sei prevene ita no serbisu ba ita-nia destruisaun.
Adaun ho Eva persuade sira-nia-an katak iha asuntu kiik liu ida hanesan han husi ai-fuan bandu iha-ne’ebá la rezulta konsekuénsia terivel ne’ebé mak Maromak deklara ona. Maibé asuntu kiik oan ida mak tranzgresaun ba Maromak nia lei rohan-laek no santu, no nia haketak ema husi Maromak no loke odamatanbee-sa’e nian husi mate no sofrimentu barak liu ba iha ita-nia mundu leten. Tinan ba tinan mosu tiha ona husi ita-nia rai tanis kontínuu husi tanis-mate nian, no kriasaun tomak halerik no sofre hamutuk iha terus nu’udar konsekuénsia husi ema-nia dezobedese. Lalehan nia-an rasik sente tiha ona efeitu husi ninia rebeliaun hasoru Maromak. Kalvariu hamriik nu’udar memoria ida husi sakrifisiu admiravel presiza atu soi husi tranzgresaun lei divinu nian. Mai ita labele konsidere pekadu hanesan lavale ida.
Asaun tranzgresaun hotu-hotu, ignoránsia hotu hotu,ka rejeita husi Kristu nia Grasa, ne’e halo reasuan iha imi-nia-an; ne’e hato’os fuan, hafraku hakarak, hamate komprensaun, no laós de’it halo imi menus haliis ba saran, maibé menus kapasidade husi saran ba hesuk murak husi Maromak nia Espiritu Santu. {33.2}
Barak mak hapara konxiénsia neon-susar ho hanoin katak sira bele muda dalan aat nian bainhira de’it sira hakarak; mezmu sira halimar ho konvite laran-sadi’a, maske nune’e sira-nia fuan hetan impresiona fila fila. Sira hanoin katak hafoin halo buat sira ne’ebe hatún grasa Espiritu nian, hafoin soe sira nia influénsia iha Satanás nia sorin, iha momentu estremidade terivel sira bele muda sira nia dalan. Maibé ida-ne’e sei la halo hotu ho fasil liu. Esperiénsia, Edukasaun husi tempu moris tomak, hotu-hotu forma karakter ne’ebé balun tuirmai dezeju atu simu Jezús nia imajen.
Maske iha attitude aat husi karakter, iha dezeju nakonu-pekadu ida, apresia ho persistente, sei ho lalais neutraliza podér hotu husi evanjellu. Nakonu-pekadu gozu nian hotu-hotu haforsa klamar nia ódiu ba Maromak. Ema ne’ebé mak manifesta brani la fiar-metin, ka nonook ida ignora lioloos divinu, maibé kolleta de’it husi ida-ne’ebé mak nia rasik kuda tiha ona. Iha Bíblia tomak laiha aviza nakonu-tauk liu kontra halimar ho buat-aat duké liafuan sira husi ema sabedoria katak pekadór “sei hetan kesi ho tali husi ninia pekadu sira.” Proverbio 5:22.
Kristu prontu atu halivre ita husi pekadu, maibé Nia la obriga dezeju; no karik ho tranzgressaun persistente, dezeju ne’e rasik fusuk tomak iha buat-aat, no ita laiha dezeju atu halivre, karik ita sei la simu Ninia grasa, saida tan mak Nia bele halo? Ita estraga ona ita-nia an liu-husi ita-nia determina rejeisaun ba Ninia domin. “ Haree, agora mak tempu atu simu; haree agora mak loron salvasaun nian.” “Ohin loron karik imi sei rona Ninia lian, labele hato’os imi-nia fuan sira.” 2 Korinto 6:2; Ebreu 3:7,8.
“Ema haree ba kamosuk li’ur nian, maibé Na’i haree ba fuan”—Ema nia fuan, ho ninia emosaun sira ksolok nian no terus nian iha konflitu; sira lemo-rai, fuan ne’ebé hakarak kontra, mak ida-ne’ebé fatin ba lakamoos barak liu no babosok. 1 Samuel 16:7. Nia hatene ninia motivu sira, nia ho intensaun tebetebes no objetivu sira. Ba Nia ho imi-nia klamar noda hotu-hotu ne’ebé iha. Hanesan Salmista, loke ninia kehan sira ba matan hotu ne’ebé haree, hodi fota-liafuan, “buka ha’u, O Maromak, no hatene ha’u-nia fuan: koko ha’u, no hatene ha’u nia hanoin sira: no haree karik iha ine’ebá dalan aat ruma iha ha’u, no dirije ha’u iha dalan rohan-laek.” Salmo 139:23,24.
Barak mak simu relijiaun intelektuál ida, forma ida husi piedade, bainhira fuan ne’e la hamoos. Biar ne’e sai imi-nia orasaun, “ kria iha ha’u fuan moos ida, O
Maromak; no hafoun espiritu loos ida iha ha’u.” Salmo 51:10. Hasoru loloos ho imi-nia klamar rasik. Sai sinseru, hanesan persistente, nu’udar imi sei sai karik imi-nia moris mortál iha perigu. Ida-ne’e mak asuntu ne’ebé atu rezolve entre Maromak ho imi-nia klamarrasik. Rezolve ba rohan-laek. Supoin esperanza ida, no laiha tan buat ida, mak sei aprova imi-nia ruina.
Estuda Maromak nia liafuan nakonu ho orasaun. Liafuan ne’e aprezenta iha imi-nia oin, iha Maromak nia lei no Kristu nia moris. Prinsípiu boot santidade nian, sein ida-ne’ebé “laiha ema ida sei haree Na’i.” Ebreu 12:14. Nia konvense pekadu; nia revela dalan salvasaun nian ho klaru. Fó imi-nia tilun hanesan Maromak nia lian ko’alia ba imi-nia klamar.
Hanesan imi haree pekadu nia boboot, hanesan imi haree imi-nia an imi mak ne’e duni, labele renunsia atu lakon-neon. Ne’e pekadór sira mak Kristu mai atu salva. Ita la hadame Maromak ba ita, maibé— O domin maravillozu!— Maromak iha Kristu hadame mundu ba Nia-an.” 2 Korinto 5:19. Nia buka hodi atrai ba Ninia domin murak, fuan laloos sira husi Ninia oan-sira. Laiha inan-aman rai ne’e nian bele sai pasiénsia pekadu husi ninia oan-sira, hanesan Maromak ho sira-ne’ebé Nia buka atu salva. Laiha ema ida mak husu ho mamar liu ba ema ne’ebé halo tranzgrede. Laiha úmanu nia ibun ida dirije husu mamar liu ba maklemok duké Nia halo. Ninia promessa hotu-hotu, Ninia aviza sira ne’ebe hato’o, hanesan iis husi domin espresa-labelek.
Bainhira Satanás mai hatete ba imi katak imi pekadór boot ida, hateke ba imi-nia maksoin no ko’alia kona-ba Ninia méritu sira. Katak ida-ne’ebé sei ajuda imi mak atu hateke ba Ninia naroman. Rekoñese imi-nia pekadu, maibé hatete inimigu ne’e katak “Kristu Jezús mai tiha ona iha mundu ne’e atu salva pekadór sira” no nune’e imi bele hetan salva husi Ninia domin komparalabelek. 1 Timoteo 1:15. Jezús husu pergunta ida ba Simão kona-ba debedor na’in rua. Ida debe ninia na’in kuantia oitoan, no ida seluk debe ninia kuantia boot liu; maibé nia perdua tiha sira rua, no Kristu husu ba Simão debedor ida-ne’ebé mak hadomi nia na’in liu. Simão hatan, “Nia ne’ebé mak hetan perdaun barak liu.” Lucas 7:43. Ita sai tiha ona pekadór boot sira, maibé Kristu mate atu ita bele hetan perdaun. Méritu sira husi Ninia sakrifisiu sufisiente atu aprezenta ba Aman iha ita-nia fatin. Sira ne’ebé Nia fó perdaun barak liu sei hadomi
Nia barak liu, no sei hamriik besik liu ba Nia tronu hodi hahii Nia tan Ninia domin boot no sakrifisiu infinitu. Idane’e mak bainhira ita komprende tebetebes Maromak nia domin nune’e ita rekoñese diak liu nakonu-pekadu husi pekadu. Bainhira ita haree ba korrente naruk ne’ebé mak hatún ba ita, bainhira ita komprende buat ruma husi sakrifisiu infinitu ne’ebé Kristu halo tiha ona iha ita nia fatin, fuan ne’e nabeen ho laran-maus no sente triste tanba pekadu.