Maromak nia promesa mak, “Imi buka Ha’u, imi sei hetan Ha’u, bainhira imi buka Ha’u ho imi-nia fuan tomak.” Jeremias 29: 13.
Fuan tomak tenki saran ba Maromak, ka mudansa nunka halo iha ita husi ida-ne’ebé ita restaura fali ba Ninia imajen. Liu husi natureza ita izola tiha husi
Maromak. Espiritu Santu deskreve ita-nia kondisaun iha liafuan sira hanesan sira-ne’e: “Mate iha ofensa no pekadu sira;” “ Ulun-fatuk tomak ne’e moras, no fuan tomak fraku;” “ Laiha lian iha nia laran.” Ita hetan kaer metin iha Satanás nia lasu, “foti ba dadur husi nia iha ninia hakarak.” Efesiu 2:1; Izaias1:5,6; 2 Timoteo 2:26. Maromak iha dezeju atu kura ita, atu halivre ita. Maibé dezde ida-ne’e presiza transformasaun tomak ida, hafoun husi ita-nia natureza tomak, ita tenki saran itania-an sira tomak ba Nia.
Funu hasoru an rasik mak batalla boot liu ne’ebé mak sempre luta. Saran-an, entrega hotu ba Maromak nia hakarak, presiza luta ida; maibé klamar tenki fó-ulun ba Maromak molok nia hafoun iha santidade.
Maromak nia governu ne’e la hanesan Satanás halo nia mosu, hari’i iha fó-ulun ho delek, la kontrola ho razaun ida. Ne’e apela ba intelektuál no konxiénsia. Kriadór nia konvite ba moris sira ne’ebé Nia halo tiha ona mak “Mai agora, no mai ita fó razaun ba malu.” Izaias1:18. Maromak la obriga vontade husi Ninia kriatura sira. Nia la bele simu omenajen ida ne’ebé mak la ho vontade no fó ho matenek. Obriga de’it hodi fó-ulun sei prevene tiha dezenvolvimentu reál hotu-hotu husi neon ka karakter; ne’e sei halo ema automasaun de’it. Hanesan ne’e laós objetivu husi Kriadór. Nia hakarak ema, halo kompletu serbisu husi Ninia podér kreativu, sei to’o dezenvolvimentu posivél aas liu. Nia tau iha itania oin bensan aas ba ida-ne’ebé Nia hakarak atu lori ita liu-husi Ninia grasa. Nia konvida ita atu fó ita-nia-an ba Nia, nune’e Nia bele halo Nia hakarak iha ita. Ne’e nafatin ba ita atu hili karik hakarak livre husi atan pekadu nian atu fahe liberdade glorioza husi Maromak nia oansira ka lae.
Iha fó ita-nia-an-sira ba Maromak, ita tenki ho nesesáriu renunsia buat hotu ne’ebé sei haketak ita husi Nia. Husi-ne’e Salvadór hatete, “nia ne’ebé la husik buat hotu hodi tuir Ha’u, nia labele sai Ha’u nia dixípulu.” Lucas 14:33. Saida de’it ne’ebé sei lori fuan dook husi
Maromak tenki renunsia. Mamon mak idolu husi ema barak. Domin ba osan, dezeju ba riku-soin, mak korrente osan-mean ne’ebé kesi sira ba Satanás. Reputasaun no onra mundu nian ne’e adora tiha husi klase seluk. Moris egoista nian fasil no livre husi responsabilidade mak sira seluk nia idolu. Maibé fita atan sira ne’e tenki kotu. Ita labele sorin Maromak nian no sorin mundu nian. Ita laós Maromak nia oan exetu ita fó ita-nia-an ho totalmente.
Iha-ne’ebá iha sira ne’ebé profesa hodi serbí Maromak, iha tempu hanesan sira konfia ba sira-nia esforsu rasik atu obedese Ninia lei, atu forma karakter loos, and asegura salvasaun. Sira-nia fuan la muda husi sensu klean ruma husi Kristu nia domin, maibé sira buka atu performa dever husi moris Kristaun nian hanesan ida-ne’ebé Maromak presiza husi sira atu bele hetan lalehan. Relijiaun hanesan ne’e la merese buat ida.
Bainhira Kristu hela iha fuan laran, klamar sei ense nakonu liu ho Ninia domin, ho komunikasaun ksolok ho Nia, katak ne’e sei depende ba Nia; no iha kontemplasaun kona-ba Nia, an sei haluha tiha. Domin ba Kristu mak sei sai hun ba asaun. Sira ne’ebé sente obriga domin Maromak nian, labele husu kiik-oinsa bele fó hodi to’o Maromak nia rekerimentu; sira la husu estandarte tún liu, maibé objetivu iha ajustamentu perfeitu ba vontade husi sira-nia Maksoin. Ho dezeju sériu sira saran tomak no manifesta interese natoon ida ba valór husi objetu ida-ne’ebé sira buka. Profisaun ida Kristu nian sein domin klean ne’e liafuan lavale nian, formalidade saugati de’it, tarefa todan no halo-baruk.
Imi sente katak ne’e sakrifisiu boot demais atu saran hotu ba Kristu? Husu pergunta ba imi-nia-an, “Saida mak Kristu fó tiha ona ba ha’u?” Maromak nia Oan-Mane fó hotu ona—moris, domin no sofrimentu—ba ita-nia sasoin. No ne’e bele sai hodi nune’e ita, objetu la merese husi domin boot tebes, sei subar ita-nia fuan husi Nia? Momentu hotu-hotu iha ita-nia moris ita hola parte ona husi Ninia grasa bensan sira nian, no ba razaun ida-ne’e duni ita labele rekoñese tomak ignoransia klean no moris-susar husi ida-ne’ebé ita salva tiha ona. Bele ita hateke ba Nia ne’ebé ita-nia pekadu sira hamout tiha ona, no sei hakarak atu halo maski ba
Nia domin tomak no sakrifisiu? Iha vista haraik-an infinitu nian husi Na’i glória nian, ita sei murmura tanba ita bele tama ba moris liu-husi konflitu no haraik-an?
Ema fuan orgullu barak nia hahusuk mak, “tanba sá mak ha’u presiza ba iha peniténsia no oin-monu molok ha’u bele iha garantia husi ha’u nia sasimuk ho Maromak?” Ha’u aponta imi ba Kristu. Nia mak pekadulaek, no, liu fali ida-ne’e, Nia mak Liurai-oan lalehan; maibé iha ema nia pekadu fatin Nia sai pekadu ba rasa. “ Nia ne’e konta ho ema halo tranzgresaun sira; no Nia lori ema barak nia pekadu, no halo intersesaun ba ema ne’ebé halo tranzgresaun sira.” Izaias53:12.
Maibé saida mak ita renunsia, bainhira ita fó hotu? Pekadu-hafo’er fuan, ba Jezús atu hakamoos , atu hamoos ho Ninia raan rasik, no salva ho Ninia domin kompra-laek. Maibé ema sei hanoin ne’e difisil atu renunsia hotu! Ha’u moe atu rona nia ko’alia sai, moe atu hakerek nia.
Maromak la ezije ita atu renunsia buat ruma ne’ebé mak ba ita-nia interese atu tahan. Iha buat hotu ne’ebé
Nia halo, iha vista moris-diak ba Ninia oan-sira; Mak ne’e sira hotu ne’ebé la hili Kristu bele hatene katak Nia iha buat ruma diak tebetebes atu fó ba sira duké sira mak buka ba sira-nia-an. Ema mak halo kanek boot liu no injustisa ba ninia klamar rasik bainhira nia hanoin no halo asaun kontrariu ba Maromak nia hakarak. Laiha ksolok reál bele hetan iha dalan bandu husi Nia ne’ebé hatene saida mak diak liu no Nia ne’ebé halo planu ba Ninia kriatura sira nia diak. Dalan tranzgresaun nian mak dalan moris-susar nian no destruisaun.
Ida-ne’e laloos atu diverte hanoin ne’ebé mak Maromak ne’e kontenti atu haree Ninia oan-sira sofre. Lalehan tomak interese iha ema nia konenti. Ita-nia Aman Lalehan la taka avenida ksolok nian ba Ninia kriatura sira ruma. Rekizitu divinu sira bolu iha ita atu fókotuk induljénsia sira ne’ebé sei lori sofriementu no dezesperadu, ne’ebé sei taka odamatan kontenti no lalehan ba ita. Mundu nia Maksoin simu ema nu’udar sira mezmu, ho sira-nia hakarak hotu, imperfeisaun, no frakeza sira; no Nia sei laós hamoos husi pekadu de’it no fó sasoin liu-husi Ninia raan, maibé sei fó satisfeitu ba fuan-kaan husi sira hotu ne’ebé aprova atu hatais Ninia jugo, atu lori Ninia naha-todan. Ne’e Ninia objetivu atu fó pás no deskansu ba ema hotu ne’ebé mai ba Nia ba paun moris nian. Nia husu ita atu performa de’it dever sira ne’ebé sei dirije ita-nia pasu sira atu ba solok aas nian ba ida-ne’ebé desobediénsia nunka bele to’o. Moris felizmente loloos husi klamar mak atu iha Kristu iha fuan laran, esperanza glória nian.
Barak mak husu, “Oinsa mak ha’u bele entrega ha’unia-an ba Maromak?” imi dezeju atu fó imi-nia-an ba Nia, maibé imi fraku iha podér moral, atan ba laran-rua, no hetan kontrola husi imi-nia abitu moris pekadu nian. Iminia promesa sira no rezolusaun sira hanesan liafuan hakerek iha rai-henek. Imi labele kontrola imi-nia hanoin, imi-nia impulsu sira, imi-nia afeisaun sira. Koñesimentu husi imi-nia promesa kotun sira no imi-nia kompromisu sein obedese hafraku imi-nia konfiansa iha imi-nia sinseriedade rasik, no kauza imi atu senti katak Maromak la bele simu imi; maibé imi la presiza lakonesperanza. Saida mak imi presiza komprende mak forsa loos husi vontade. Ida-ne’e mak podér ukun iha ema nia natureza, podér desizaun nian, ka hili nian. Buat hotuhotu depende ba asaun loos husi vontade. Podér hili ne’ebé Maromak fó tiha ona ba ema; ne’e mak sira-nian atu ezerse. Imi labele muda imi-nia fuan, imi labele ho imi-nia-an fó imi-nia afeisaun sira ba Maromak; maibé imi bele hili hodi serbí Nia. Imi bele fó imi-nia vontade ba Nia; Nia sei serbisu iha imi atu hala’o vontade no atu halo konforme ba Ninia vontade diak. Atu nune’e imi-nia natureza tomak sei lori ba iha kontola okos husi Kristu nia Espiritu; imi-nia afeisaun sei sai sentru iha Nia, iminia hanoin sei sai armonia ho Nia.
Dezeju ba hahalok-diak no santidade ne’e diak, to’o iha ne’ebé de’it; maibé karik imi hapara iha-ne’e, sira sei la vale buat ida. Barak mak sei lakon enkuantu hein no dezeju atu atu sai Kristaun. Sira la mai to’o rohan husi saran an ba Maromak nia vontade. Sira agora la hili atu sai Kristaun.
Liu-husi ezerse diak husi vontade, mudansa tomak ida sei halo iha imi-nia moris. Liu-husi saran imi-nia vontade ba Kristu, imi liga imi-nia-an ho podér ne’ebé mak aas liu prinsipadu sira no podér sira hotu-hotu. Imisei iha forsa husi leten atu kaer imi metin, no nune’e liuhusi konstante entrega ba Maromak imi sei habele atu hamoris moris foun, no moris fiar nian.