Maromak mak hun husi moris, naroman no haksolok ba universe. Hanesan raiu sira naroman nian husi loromatan, hanesan bee suli nian hafera husi bee-matan moris ida, bensan suli sai husi Nia ba Ninia kriatura sira hotu. No iha-ne’ebé de’it mak moris husi Maromak iha ema-nia fuan sira, ne’e sei suli sai ba sira seluk iha domin no bensan.
Ita-nia Salvadór nia ksolok ne’e iha hasae no sasoin husi ema monu ona. Tanba ida-ne’e Nia konta tiha laós Ninia moris folin boot ba Nia-an, maibé lori kruz, hatún moe. Nune’e mós anju sira involve tiha iha serbisu ba kontenti husi sira seluk. Ida-ne’e mak sira-nia ksolok.
Ne’ebé fuan sira egoista sei konsidera hanesan serbisu haraik-an, halo ministériu ba sira ne’ebé mak susar no iha dalan inferior sira hotu-hotu iha karakter no iha pozisaun, mak serbisu husi anju pekadu-laek sira. Espiriu husi Kristu nia domin sakrifisiu-an mak espiritu ne’ebé domina lalehan no esénsia husi ninia haksolok. Ida-ne’e mak espiritu ne’ebé sei sai Krsitu nia maktuir sira nian, no serbisu ne’ebé sira sei halo.
Bainhira domin husi Kristu ne’e rai didiak iha fuan, nia hanesan morin midar ne’ebé labele hetan subar. Idane’e nia influénsia santa sei hetan senti husi sira hotuhotu ho sé ita mai iha kontaktu. Kristu nia Espiritu iha fuan ne’e hanesan bee matan ida iha dezertu, suli hodi halo frestu hotu-hotu no halo sira ne’ebé mak prontu atu mout, laran-manas atu hemu husi bee moris nian.
Domin ba Jezús sei manifesta tiha iha dezejeu atu serbisu hanesan Nia serbisu ona ba bensan no hasae umanidade nian. Ne’e sei dirije atu hadomi, laran-maus, no simpatia hasorru kriatura sira hotu-hotu husi Aman lalehan nia kuidadu.
Salvadór nia moris iha rai laós moris ida fasil no devosaun ba Nia-an, maibé Nia halo knar todan ho persistente, sinseru, esforsu la hanoin kole ba ba salvasaun husi umanidade ne’ebé lakon. Husi baladahan-fatin to’o Kalvariu Nia la’o tuir dalan nega-an nian no la buka atu hetan livre husi tarefa susar sira, viajén sira nakonu-moras no kuidadu kole-todan no serbisu. Nia dehan “ema nia Oan-mane laós mai atu hetan serbí, maibé atu serbí, no atu fó Ninia moris soi ida ba ema barak.” Mateus 20:28. Ida-ne’e mak uluk objetivu boot ida husi Ninia moris. Buat sira seluk ne’e sekundáriu no iha okos. Ne’e uluk Ninia hahán no hahemuk atu halo Maromak nia hakarak no remata Ninia serbisu. An no inetereseiru laiha parte husi Ninia serbisu.
Tan ne’e sira ne’ebé mak hola parte husi grasa Kristu nian sei prontu atu halo sakrifisiu saida de’it, atu nune’e sira seluk ba sé Nia mate ona bele fahe prezenti lalehan nian. Sira sei halo buat hotu ne’ebé sira bele atu halo mundu ne’e diak liu ba sira nia-nia hela fatin. Espiritu ida ne’e mak rezultadu kresimentu no husi klamar ida ne’ebé konverte loloos. La lalais liu ema ida mai to’o kristu duké iha-ne’ebá mosu iha nia fuan iha dezeju atu halo ema seluk hatene belun folin-boot nia hetan tiha ona iha Jezús; lialoos atu salva no hasantu taka labelek iha ninia fuan. Karik ita hetan hatais ho lialoos husi
Kristu no ense-nakonu ho ksolok husi Ninia Espiritu mahelak, ita sei labele túr-hakmatek. Karik ita koko ona no haree tiha ona katak Na’i ne’e diak ita sei iha buat ruma atu hetete. Hanesan Filipe bainhira nia hetan tiha Salvadór, ita sei konvida ema seluk ba iha Ninia prezensa. Ita tenki buka hodi aprezenta ba sira atrativu sira husi Kristu no realidade sira la-haree husi mundu atu mai. Iha-ne’ebá sei iha intensidade dezeju nian atu tuir iha dalan ne’ebé Jezús sama ona. Iha-ne’ebá sei laran-kaan sinseru katak sira-ne’ebé haleu ita bele “haree ba Maromak nia Bibi-oan, ida-ne’ebé kasu mundu nia pekadu.” João 1:29.
No esforsu atu bensa sira seluk sei halo reasaun iha bensan ita-nia-an sira. Ida-ne’e mak Maromak nia objetivu hodi fó ba ita parte ida atu halo asaun iha planu sasoin nian. Nia fó tiha ona ba ema privilejiu atu sai hola parte husi natureza divinu no, iha sira-nia turnu, atu haklekar bensan sira ba sira-nia maluk. Ida-ne’e mak onra ass liu, ksolok boot liu, katak ne’e posivél ba Maromak atu haraik ba ema. Sira-ne’ebé halo sai pantisipante sira iha serbisu domin nian ne’ebé lori besik liu ba sira-nia Kriadór.
Maromak bele komete tiha ona mensajen husi evanjellu, no serbisu hotu husi ministériu domin, ba anju sira lalehan nian. Nia bele hala’o tiha ona serbisu iha meiu seluk atu realiza Ninia objetivu sira. Maibé iha
Ninia domin infinitu Nia hili atu halo ita kolega-serbisu ho Nia-an, ho Kristu no anju sira, nune’e ita bele fahe bensan, ksolok, hasae espirituál, ida-ne’ebé rezulta husi ministériu la egoista ida-ne’e.
Ita lori tiha ba simpatia ho Kristu liu-husi hamaluk husi Ninia sofrimentu sira. Asaun hotu-hotu husi sakrifisiu-an ba ema sira seluk nia diak haforsa espiritu husi benefísiu nian iha fuan sira ne’ebé fó, laka nia besik liu ba Maksoin mundu nian, ne’ebé “riku, maibé ba iminia kauza sai tiha kiak, nune’e imi liu-husi Ninia kakiak bele sai riku.” 2 Korinto 8:9. No ne’e hanesan ita kumpre de’it objetivu divinu iha ita-nia kriasaun mak moris bele sai bensan ba ita.
Karik imi sei ba serbisu hanesan Kristu dezena nune’e Ninia dixipulu sei halo, no manan klamar ba Nia, imi sei senti presiza husi esperiénsia klean no koñesimentu boot liu iha buat sira divinu, no sei hamlaha no hamrook ba lialoos. Imi sei hesuk an ho Maromak, no imi-nia fiar sei haforsa tiha, no imi-nia klamar sei hemu ezbosu klean iha bee-posu salvasaun nian. Hasoru opozisaun no prova sira sei lori imi ba Bíblia no orasaun. Imi sei krese iha kristu no koñesimentu Kristu nian, no sei dezenvolve experiensia riku ida.
Espiritu la egoista nian serbisu ba ema seluk fó klean, estabilidade, no karakter nakonu-domin hanesan
Kristu, no lori pás no kontenti ba ninia na’in. Aspirasaun sira ne’e hasae tiha. Iha-ne’ebá laiha fatin ba baruk-teen no egoista. Sira ne’ebé mak ezerse grasa Kristaun sei krese no sai forsa hodi serbisu ba Maromak. Sira sei iha vizaun espirituál klean, metin, fiar krese, no aumenta podér iha orasaun. Maromak nia Espiritu, book-an iha sira-nia espiritu, bolu ba armonia segredu sira husi klamar iha resposta ba kontakta divinu. Sira ne’ebé mak dedika sira-nia-an ba esfoursu la egoista ba ema seluk sira nia diak ne’e ho serteza tebetebes serbisu ba sira nia salvasaun rasik.
Dalan mesak de’it atu krese iha grasa mak atu halo ho laiha ineterese-aat ba serbisu ida-ebe Kristu haruka ona ita atu involve, atu haluan ita nia abilidade, iha ajuda no bensa sira ne’ebé presiza ajuda ne’ebé ita bele fó ba sira. Forsa mai liu-husi ezersísiu; aktividade mak kondisaun moris nian tebetebes. Sira-ne’ebé haka’as an atu mantein moris Kristaun ho simu ho pasivu bensan ne’ebé mai liu-husi meiu grasa nian, no la halo buat ida ba Kristu, mak koko ho simples atu moris ho han sein serbisu. No iha espirituál hanesan iha mundu natural, ida-ne’e sempre rezulta iha fila-kotuk no sai-aat. Ema ida ne’ebé rejeita atu halo ezersisiu ninia isin-balun sei lalais lakon podér hotu-hotu atu uza sira. Ne’e mak Kristaun ne’ebé sei la halo ezersisiu ninia podér
Maromak-fó laós falla de’it atu krese ba Kristu, maibé nia lakon forsa ne’ebé nia iha tiha ona.
Kristu nia igreja mak Maromak nia ajénsia aponta tiha ona ba ema nia salvasaun. Ninia misaun mak atu haklaken evenjellu ba mundu. No obrigasaun ne’e iha ema Kristaun hotu nia letan. Ema hotu, atu haluan husi ninia talentu no oportunidade, mak atu kumpre Salvadór nia komisaun. Kristu nia domin, revela ona ba ita, halo ita sai debedór sira ba ema hotu ne’ebé la koñese Nia. Maromak fó tiha ona naroman ba ita, laós ba ita-nia-an de’it, maibe atu haleno ba sira seluk mós.
Karik Kristu nia maktuir sira fanun ba dever, sei sai rihun mak haklaken evanjellu iha rai jentiu sira ne’ebé ohin loron ema ida de’it mak hala’o. No sira hotu ne’ebé la involve ho pesoál iha serbisu, sei suntenta ida-ne’e ho sira-nia rekursu, sira-nia simpatia, no sira-nia orasaun sira. No iha ine’ebá sei iha serbisu sinseru liu ba klamar sira iha Nasaun Kristaun sira.
Ita la presiza ba rai jentiu sira, ka husik sirkulu kloot husi uma, karik ne’e iha-ne’ebá mak ita-nia dever iha, atu halo serbisu ba Kristu. Ita bele halo ida-ne’e iha sirkulu uma nian, iha igreja, entre ema sira ho sé ita halo relasaun, no ho sé ita halo komersiu.
Parte boot liu husi ita-nia Salvadór nia moris iha rai ne’e gasta iha pasiénsia serbisu-todan iha loja karpinteiru nian iha Nazaret. Anju sira halo ministériu nian atende Na’i moris nian hanesan Nia la’o sorin ba sorin ho to’os na’in no serbisu na’in sira, la rekoñese no la onra. Nia hanesan ho fiél kumpre Ninia misaun enkuantu serbisu iha Ninia ofísiu haraik-an hanesan bainhira Nia kura moras ka la’o iha anin-boot huu laloran Galilea nian. Tan ne’e iha dever sira haraik-an liu no pozisaun kraik liu iha moris ita bele la’o no serbisu ho Jezús.
Apóstolu dehan, “biar ema hotu, iha ne’ebé de’it mak nia hetan bolu, iha-ne’ebá hela ho Maromak.” 1 Korinto 7:24. Ema komersiante bele hala’o ninia komersiu iha dalan ne’ebé sei fó glória ba ninia Señor tanba ho ninia fiar-metin. Karik nia ne’e maktuir loloos Kristu nian nia sei lori ninia relijaun ba iha buat hotu ne’ebé mak halohotu ona no revela ba ema Kristu nia Espiritu. Mekaniku bele badinas no reprezentante fiar-metin husi Nia ne’ebé hala’o serbisu moris ho haraik-an entre foho sira Galilea nian. Ema hotu ne’ebé fó naran husi Kristu nia naran tenki serbisu duni nune’e ema seluk, liu-husi ninia serbisu diak sira, bele hetan dirije atu fó-glória ba sirania Kriadór no Maksoin.
Barak mak permite ona sira-nia-an husi fó sira nia talentu iha serbisu husi Kristu tanba sira seluk ne’e hetan na’in husi patrosíniu superior no vantajen sira. Opiniaun hala’o tiha ona katak sira-ne’ebé hetan talentu espesiál de’it mak presiza atu konsagra sira-nia abilidade ba Maromak nia serbisu. Ne’e komprende tiha ona husi ema barak katak talentu sira ne’e fó de’it ba klase favór serteza nian no hakli’ur husi ema seluk ne’ebé konserteza la hetan bolu atu fahe iha serbisu ka selu-kole sira. Maibé ida-ne’e laós reprezenta liu iha aiknanoik. Bainhira señor uma nian bolu ninia atan sira, nia fó ninia serbisu ba ema hotu.
Ho espiritu domin it abele performa moris iha serbisu haraik-an liu “hanesan ba Na’i.” Koloso 3:23. Karik Maromak nia domin ne’e iha fuan, ne’e sei hetan manifesta iha moris. Sabór midar husi Kristu sei haleu ita, no ita-nia influénsia sei hasae no bensa.
Imi laós atu hein ba okaziaun boot sira ka atu hein abilidade sira estraordinariu molok imi ba serbisu ba Maromak. Imi la presiza iha hanoin ida kona-ba saida mak mundu sei hanoin kona-ba imi. Karik imi-nia moris loro-loron ne’e testamuña ida ba kamoos no sinseriedade husi imi-nia fiar, no sira seluk hetan konvense katak imi iha dezeju atu fó benefísiu ba sira, imi-nia esforsu sei la lakon tomak.
Haraik-an liu no mukit liu husi dixipulu sira Jezús nian bele sai bensan ba ema seluk. Sira bele la hanoin hikas katak sira halo dadaun buat diak espesiál ida, maibé ho sira nia influénsia konxiente-laek sira bele hahú laloran bensan sira ne’ebé sei haluan no haklean, no rezultadu hetan bensa sira nunka bele hatene to’o loron selu-kole finál. Sira la sente ka hetene katak sira halo dadaun buat ruma boot. Sira la presiza atu hakole sira-nia-an ho ansiedade kona-ba susesu. Sira iha de’it mak la’o ba oin ho nonok, halo ho fiar-metin serbisu ne’ebé Maromak nia providensia haruka, no sira-nia moris sei la saugati. Sira-nia klamar rasik sei krese aumenta no aumenta ba iha imajen husi Kristu; sira mak serbisu na’in hamutuk ho Maromak iha moris ida-ne’e no nune’e ajusta ba serbisu ne’ebé aas no ksolok loloos husi moris ne’ebé atu mai.