Miguel lao ba dapur laran bainhira ama koa hela senouras. Ama kontenti hare Miguel tur iha kadeira iha ama nia sorin.
“Durante nee hau hanoin ona,” Miguel komesa.
“Oh lae!” ama dehan. “Nee moras ka?”
“Miguel hamnasa. Laiha!” Hau hanoin hela deit kona ba ama nia kolega Sra. Dean. Hau rona nia koalia dehan ninia igreja deit mak igreja kristaun nebe loos no igreja sira seluk nee halai sai husi ninia igreja. Nia mos dehan katak ninia igreja sei nafatin hanesan ho igreja nebe uluk Jesus nia dixipulu sira harii iha tempu uluk liu ba. Nee los ga?”
“Diak,” ama dehan, “hau nia kolega Nicki Dean mai husi Igreja Orthodox husi Rusia.”
“Saida mak nee?”Miguel husu.
“Iha momentu bainhira Jesus fila ba lalehan,” ama dehan, “Iha neba igreja kristaun ida deit. Too tinan rihun ida, Igreja Kristaun Ofisial ida deit. Depois lideransa igreja sira iha disakordansia boot, no igreja nakfahe ba grupu rua. Kada igreja deklara nia-an dehan nia mak igreja nebe loos. Grupu Leste nian bolu sira nia an Igreja Orthodox, sira nia igreja too agora sei eziste; too agora igreja nee konesidu ho naran Greek Orthodox, depende ba linguagem. Grupu igreja ida fali nafatin hela iha parte Oeste husi Europa, no iha tempu naruk nia laran, sira mak igreja Kristaun Ofisial iha neba. Ohin, loron igreja nee konesidu hanesan Igreja Katoliku Romanu.”
6 “Oh, Miguel dehan. “Entaun Orthodox sira senti katak Katoliku Romanu mak hasai sira husi grupu.”
“Sim,” ama dehan.
“Diak, tanba saida mak ohin loron igreja barak loos? Ema katoliku oituan deit mak iha ita nia vizinu. No ema Orthodox nebe hau hatene mak Sra. Dean deit. Maibe iha Baptista sira, Metodista sira, Lutheran sira, Episkopalian sira, no Adventista Setimo-Dia sira. Sira nee hotu mai husi nebe?”
“Wow!” ama dehan. “Favor husu pergunta ida-idak!”
“Sei iha tan,” Miguel dehan, “Tanba sa mak ema Kristaun sira nebe tuir loloos laran diak no hadomi malu, sira mak halo buat aat barak los? Hau hatene sira halo buat aat barak los iha istoria tempu uluk nian, hanesan sira tortura ema no oho ema barak, maibe agora mos Kristaun sira sei nafatin halo buat nebe ladiak. Iha notisia, iha mane Kristaun ida husi Florida nebe mak ameansa ema iha klinika ida, no ema ida tiru doutor ida hamutuk ho ema sira seluk nebe ma serbisu iha neba. No notisia ida nee mos koalia kona ba ema Kristaun nebe mak bom malu iha Ireland. Tuir loloos Kristaun sira labele soe granada hodi oho ema ruma, los ka lae, ama?”
“Los,” ama hatan, “Karik sira moris iha dalan nebe Jesus hanorin ona ba sira.”
“No iha tan buat seluk nebe mak hau hanoin hela deit durante nee,” Miguel dehan. Ama la koalia tan buat barak maibe tur hodi rona Miguel koalia.
“Ita nia igreja fiar buat barak nebe hanesan ho igreja sira seluk. Ema balun nebe hau konese maske sira laos ema Adventista, sira mos fiar hanesan ita maske iha
7 diferente ida ka rua deit. Maibe buat sira nebe mak diferente nee depende ba Igreja nebe sira reprezenta.”
“Sim, nee loos,” ama dehan.
“Hau hatene buat sira nebe ita fiar iha diferensa,” Miguel dehan, “Maibe hau ladun serteja tanba saida mak hau fiar buat sira nee. Espesialmente buat sira nebe mak diferente los, hanesan, karik ema mate sira nee mate duni ka lae no tanba sa mak ita halo adorasaun iha Sabadu duke iha Domingo. No oinsa kona ba ‘santuariu’ nebe mak hau rona ama dala ruma koalia hela deit? Tanba saida mak ida nee importante?
“Nee fasil,” ama dehan. “Hau bele responde ida nee.” Maibe Miguel husu nafatin.
“Iha tan buat ida husi eskola, ami koalia kona ba Jesus nia mai ba dala-rua no bainhira los mak ida nee sei akontese, espesialment ho buat hotu nebe mak akontese dadauk iha notisia. Labarik sira balun tauk los no koalia kona ba buat aat sira nebe mak sei akontese. Hau mos komesa tauk bainhira sira konta ida nee ba hau. Oinsa mak hau bele sai prontu hodi hein Jesus nia mai? Oinsa mak hau bele hatene katak hau prontu ona? No oinsa mak hau bele ho brani hasoru buat terrivel sira nebe mak sei akontese? Agora hau senti tauk los!”
Ama tau nia liman haleu Miguel no dehan. “O husu ona Pergunta Importante hamutuk lima-nulu iha minutu sanulu nia laran.” ama dehan. “Oinsa ho o nia hanoin karik ita foti tempu balun kada loron hodi halo diskusaun kona ba ida nee bainhira o halo hotu ona o nia Serbisu Uma Nian? Ita sei komesa ho saida mak akontese bainhira Jesus fila hikas ba lalehan too iha tempu agora. Depois mak ita sei koalia mos kona ba futuru.”
8 “Furak tebes,” Miguel dehan. “Entaun ita koalia uluk ida nee mak hau halo hau nia Serbisu Uma Nian bele ka lae, ama?”
“Depois mak ita koko took.” ama hamnasa.
“Entaun husik hau halo hotu hau nia Serbisu Uma Nian lai mai ita halo diskusaun ba ida nee,” Miguel deside.