“Husi tempu uluk kedas, Diabu halo ema konfuzaun liu husi fo hatene ema katak mate laiha. Lee iha Genesis 3:2-5 saida mak nia dehan ba Eva iha Jardin Eden.”
Miguel lee: “No feto nee hataan ba samea, ‘Ami bele haan aifuan husi ai huun sira iha jardin nee. Maibe kona ba ai-fuan husi ai huun ida nebee iha jardin klaran nee, Maromak hatete ona, imi labele haan husi ai huun nee, no mos imi la bele book. Se lae imi sei mate.’ Samea dehan ba feto nee, ‘imi sei la mate duni. Tanba Maromak hatene katak iha loron nebee imi haan ai fuan nee, imi nia matan sei nakloke, imi sei sai hanesan Maromak, no imi sei hatene buat diak no buat aat.”
“O haree,” Ama dehan, “husi Adaun ho Eva nia tempu, Diabu tenta ona hodi konvense feto no mane hotu-hotu katak sira sei la mate tebes, katak sira naturalmente imortal no sei la mate.”
“Ida nee signifika saida?” Miguel husu.
“Nee signifika katak Diabu konvense ona kristaun barak, no mos sira seluk, katak bainhira ema ida mate, ninia isin lolon maten no hakoi iha rate laran, maibe nia iha klamar nebe mak sei moris ba nafatin – fakta katak, ninia klamar labele mate no sei moris ba nafatin maske ninia isin lolon mate.”
“Nee la tama lojika ida,” Miguel dehan.
“Ema barak mak hanoin ida nee tama lojika,” Ama hatutan. “Kristaun barak mak fiar katak klamar sei moris nafatin. Ida nee mak signifika imortal — moris nafatin
24 too rohan laek no nunka mate. Relijiaun sira seluk fiar katak klamar nee mos imortal — Hindu sira, Islam sira, Buda sira, no relijiaun seluk-seluk tan.”
“No Diabu mak komesa hodi halo ema fiar katak sira iha klamar nebe mak labele mate?” Miguel husu, “Tanba saida mak nia halo ida nee?”
“Tanba karik nia bele halo ema konfuzaun kona ba ida nee, sira sei sai konfuzaun kona ba Maromak nia ilas loloos. O haree, karik ema hotu moris ba nafatin, maske depois sira mate, entaun ema diak sira sei ba moris ho Maromak, maibe oinsa ho ema sira nebe mak aat? Sira ba nebe? Karik ita fiar katak klamar labele mate no moris ba nafatin, entaun ema aat sira tenki sofre rohan laek hanesan ema diak sira nebe mak goja moris rohan laek ho Maromak.”
“Oh,” Miguel dehan, “agora ama koalia kona ba infernu ga?”
“Sim,” Ama hatan. “Ema barak fiar katak ema aat sira sei sofre rohan laek, hakilar iha sira nia moras, sunu iha ahi lakan. Maibe Maromak laos hanesan nee.”
“Biblia la koalia kona ba infernu ga?” Miguel husu.
“Sim, maibe ita tenki komprende saida mak infernu no Se mak Maromak. Haree tok saida mak Ezekiel 33:11 dehan kona ba Maromak.”
Miguel lee, “Dehan ba sira, hanesan hau moris hela, hatete Nai Maromak, Hau lakoi ema aat mate, maibe hau hakarak ema aat fila husi ninia hahalok nee hodi nia bele moris hela. Fila fali mai, fila fali mai husi imi nia hahalok aat. Nusa imi tenki mate, Oh uma kain Israel?”
Maromak nee ama domin nain duni,” Miguel dehan.
25 “Konserteja, Nia aman domin nain,” Ama dehan. “Maibe tanba ema fiar katak pekador sira sei hetan sunu iha infernu ba nafatin, sira sai tauk ba Maromak, no balu sai ateis.
“Laos ema hotu nebe mak monu ba Diabu nia bosok hetan sofrimentu rohan laek iha infernu. Sira haree katak Maromak domin nain sei la halo buat ida hanesan nee. Entaun Diabu koko atu doko ema sira nee ba buat seluk nebe mak aat liu. Nia tenta atu halo sira fiar katak Maromak nee mamar no diak tebes nunee Nia sei salva ema hotu, maske sira simu ka la simu Kristu nia sakrifisiu. Maibe ida nee mos la loos. Biblia dehan katak rejultadu husi pekadu mak mate. Sira nebe mak rejeita Jesus nia sakrifisiu ba sira nia pekadu sei simu rejultadu husi sira nia pekadu.
“Loos katak, Maromak hatene sira nebe mak hili ona Diabu sei sai hanesan sira nia lideransa no sei la kontenti iha lalehan. Hanoin didiak tok, karik ita gasta ona ita nia moris tomak hodi rai odiu ba ema, serake ita sei hakarak ba lalehan hodi gasta eternidade ho sira nebe mak ita odiu iha mundu nee? Lalehan sei sai fatin torturasaun ba pekador sira. Sira sei la gosta hela iha lalehan. Biblia fo hatene ona ba ita ho klaru liu kona ba saida mak sei akontese bainhira ita mate; Biblia dehan katak sei iha mate final ba sira nebe mak la hadomi Maromak. Mai ita lee iha Exodia 34:6,7 nebe dehan:
“Depois Moisés foo ordein, no sira foo sai iha akampamentu, nunee, “La presiza tan mane ka feto sira atu halo buat ruma hodi oferese ba Fatin Santu.” Nunee Moisés hapara povu sira atu lalika lori sasaan tan. Tanba
26 sasaan too ona nebee sira hodi halo servisu nee, no sira iha barak liu tiha ona.
“No Salmo 145:20 dehan, “Maromak proteje ema hotu nebe mak hadomi Nia. Maibe Nia sei estraga ema aat sira.’”
“Nee klaru liu,” Miguel dehan.
“O komprende katak Maromak mak fonte ba moris, los ka lae?” Ama husu.
“Sim,” Miguel dehan. “Nia deit mak sei fo moris no halo ita moris ba nafatin.”
“Loos,” Ama hatutan. “Entaun bainhira ema hotu foti ona sira nia desizaun ikus atu hili Diabu ka Maromak, laiha tan razaun seluk ba Maromak atu halo ema sira nee moris. Sira nebe mak deside ona atu hadook an husi Maromak. Bainhira Maromak dook husi sira, sira sei labele moris tan.”
Ama kontinua. “Bainhira Maromak estraga mundu nee iha Noe nia tempu, Nia halo ida nee ho grasa ba ema oituan nebe mak moris iha mundu nee, tanba mundu nee sai ona fatin ida nebe mak terivel los. Karik Maromak hein kleur oituan, laiha tan ema ida nebe moris mak hakarak rona ba Nia. Iha maneira nebe hanesan, Maromak nafatin nakonu ho grasa bainhira Nia estraga rai Sodom. No bainhira Maromak estraga ita nia mundu nee iha tempu ikus, Nia mos sei hatudu Nia grasa. Nia sei hakotu sofrimentu no tristeza hotu no hadook pekadu atu nunee laiha tan sofrimentu. Miguel, bele lee Salmo 9:5,6 ga?”
Miguel lee, “O hasee ona nasaun sira, no halakon ona ema aat sira, O apaga ona sira nia naran too tinan ba tinan. Inimigu sira lakon ona too rohan laek, no O fokit
27 sai ona sira nia sidade sira nee, no ema la hanoin hetan fali sira.”
“Ida nee klaru los katak sei iha final ba buat hotu.” Miguel dehan.
“No laiha fatin,” ama dehan, “o lee ona ka lae kona ba ema sira nebe mak halerik iha sira nia moras, hakilar la para, no hakilar ho liafuan aat ba Maromak tanba sira nia sofrimentu nebe rohan laek. Loos duni katak Biblia koalia ho klaru kona ba bainhira pekadu nee remata no pekador sira mate ona, ita sira nebe mak moris sei hahii Maromak ba nafatin. Ida nee hakerek iha Apokalipse 5:13 “No hau rona kriatura hotu-hotu iha lalehan, iha rai, iha rai okos no iha tasi laran, no buat hotu-hotu iha nebaa, dehan, “Bensaun, onra, glória no kbiit ba Ida nebee tuur iha kadunan no ba Bibi Malae Oan too tinan ba tinan!”
“Diabu konvikte ona Kristaun barak katak sira sei ba liu lalehan bainhira sira mate ona. Maibe Biblia hanorin katak ema sira nebe mak agora mate ona nee hanesan toba deit hodi hein Jesus atu fanu fali sira.”
“Ami aprende versu ida iha eskola kona ba ida nee,” Miguel dehan, “Ida nee iha Eklesiastes 9:5 dehan “Tanba ema moris sei hatene katak sira sei mate, maibee ema mate la hatene buat ida. No ema mate sei la manaan tan buat ida. No ema la hanoin hetan fali sira.”
“No versu 6 ho 10 aumenta tan buat balu,” Ama hatutan.
“No sira nia domin no ódiu no laran moras mak lakon ona. No too tinan ba tinan, sira labele tan atu sai parte ba buat saida deit nebee ema halo iha loro matan okos. Buat saida deit nebee o nia liman hetan hodi halo, halo ba ho o nia kbiit. Tanba la iha servisu, ka planu, ka
28 konhesimentu, ka matenek klean iha rate, iha fatin nebee o atu baa.”
“Agora lee Salmo 6:5.”
Miguel lee, “Tanba ema la hanoin O iha Fatin Mate; iha rate laran, see mak hahii O?”
“No Salmu 115:17 dehan, “Ema sira nebee mate tiha ona la bele hahii Nai, no laos ema hotu nebee tuun ona ba fatin nonook,” ama kontinua. “No Salmu146:4 dehan, Loron ida nia iis kotu, no nia sei fila fali ba rai, no iha loron nee ninia planu hotu ona.”
“Karik ema sira nebe mak mate, sae ona ba lalehan husi tinan ba tinan ona, entaun tanba saida mak Jesus dehan Nia sei fila fali mai atu fo resureisaun ba sira no fo sira nia prezenti? Se sira simu ona sira nia prezenti iha tinan barak nia laran!”
Miguel hamnasa. “Ida nee la tama lojika duni. Presiza tan julgamentu ba saida nian.
“No oinsa mak sira bele moris ho kontenti iha lalehan?, Ama husu, bainhira ema ida, ka nia parseiru – hetan torturasaun iha infernu? Oinsa mak sira bele goja lalehan nia furak bainhira sira bele haree sofrimentu no luta husi ema sira nebe mak sira husik hela iha mundu nee?
“Mai ita lee textu ida tan nebe mak fo hatene ho klaru liu kona ba saida mak sei akontese bainhira Jesus mai. Miguel, hau sei ajuda o hodi buka textu nee iha 1 Korintus 15:52-55, no o mak lee.”iha momentu ida deit, hanesan piska matan deit, bainhira korneta ikus halo lian. Tanba korneta ida sei halo lian, depois ema mate sei moris hias ho isin nebee la bele dodok, no ita sei nakfilak aan. Tanba isin nebee bele sai dodok tenki hatais buat
29 nebee la bele sai dodok. No isin nebee bele mate tenki hatais buat nebee la bele mate.Bainhira buat nebee bele dodok hatais buat nebee la bele dodok, no buat nebee bele mate hatais buat nebee la bele mate, entaun buat nebee hakerek nanis ona sei akontese, “Nia sei tolan mate ho vitória.“Oh mate, o nia vitória iha nebee?Oh mate, o nia tata iha nebee?”
“Furak tebes, los ka lae?” ama dehan.
“Ida nee sei sai momentu nebe nakonu ho haksolok,” Miguel dehan, “Hau sei hakuak abo mae Jo no halimar ho hau nia kolega Andy nebe uluk kareta soke mate. Abo mae Jo nia fuuk sei la monu no sei la moras tan. No Andy nia isin sira mos sei la aat tan ona.”