“Ama,” Miguel dehan. “Ama hanoin bainhira Tia Gina ba hasoru ema matan dook no nia dehan matan dook sira iha sesaun nebe halo sira bele koalia ho ema sira nebe mak mate ona? Ida nee tebes ga?”
“Lae,” ama dehan. Eklesiastes 9:5 dehan katak ema mate sira la hatene buat ruma ona.”
“Entaun matan dook sira nee koalia ho see? Tia Gina dehan matan dook sira koalia ho ema ida iha sesaun nee.”
“Diabu bele halo nia oin hanesan ema sira nebe mak mate ona,” Ama hatan, “Atu nunee ema sira nebe sei moris bele rekonese sira . Tanba diabu nudar espiritu ida no nia bele forma nia-an ba saida deit tuir nia hakarak.”
“Entaun bainhira ema sira hanoin katak sira koalia ho sira nia kolega nebe mak mate ona, sira koalia ho diabu ka diabu nia anju sira ga?”
“Sim, komunikasaun hanesan nee mak ita bolu dehan espiritualizmu. Sira nebe mak fiar ba espiritualizmu fiar katak ema umanu la mate tebes maibe moris nafatin too eternidade. Sira hanoin katak ema sira nebe mate ona nee kontinua hodi krese, sai diak liu tan, no eventualmente sai hanesan maromak.”
“Ida nee rona ba hanesan loloos ho saida mak Diabu fo hatene ba Eva iha jardin Eden,” Miguel dehan.
“Sim,”Ama dehan. “Diabu fo hatene Eva dehan, ‘Maromak hatene katak karik o han aifuan husi aihuun
31 nee, o sei aprende kona ba buat aat no diak. Depois o sei sai hanesan Maromak!’ Tan deit bosok ida nee mak Maromak halo regulamentu nebe mak forte kontra matan-dook sira ba ema Israel, atu nunee ema Israel sira sei la konfuzaun. No sira mos labele husik ema matan-dook sira moris iha sira nia nasaun ka pratika buat aat besik sira. O bele lee ida nee iha Levitikus 19:31.”
Miguel buka textu nee no lee, “La bele fila ba ema nebee liga ba mate klamar sira no la bele buka matan-dook sira hodi sai foer husi sira. Hau mak Nai, imi nia Maromak.”
“Hau lembra istoria ida kona ba matan-dook ida husi Endor no oinsa liurai Saul ba koalia ho nia tanba nia laran la hakmatek ba funu nebe mak sei akontese iha loron tuir mai. Nia haree duni ema ida nebe mak oin hanesan profeta Samuel. Maibe nee laos Samuel duni ga?”
“Sim,” Ama dehan, “Samuel mate ona.”
“Maibe ema nebe mak Liurai Saul haree nee fo hatene nia katak nia sei mate ba funu nee iha loron tuir mai, no ida nee sai duni realidade.”
“Nee los. Maibe Diabu hatene saida mak Saul nia planu ba loron tuir mai, no ezetu Maromak prevene ida nee atu akontese, Diabu bele predikte saida mak nia sei halo. Tanba nee mak ema matan-dook sira dala barak loos iha sira nia prediksaun, maibe ida nee Diabu mak lidera sira, no ita tenki hadook an husi sira.”
“Hau mos hanoin hanesan nee,” Miguel dehan “Ita tenki hadook an husi Diabu nebe mak brutal nee.”
“Hanoin deit,” Ama dehan. “Diabu bele kontrola ita karik ita hili hodi entrega ita nia an ba ninia tentasaun
32 sira. Maromak sei nafatin iha neba hodi proteje ita iha tempu nebe deit ita husu Nia ajuda.