MARTIN LUTHER
“Ita koalia hela kona ba se?” Miguel husu.
“Martin Luther,” Ama hatan. “Nia moris iha 1500.” “Oh, hau rona ona kona ba nia,”Miguel dehan. “Nia mak hakerek kantiku. A Mighty Fortress is Our God.” Miguel mos komesa kanta ona:
“A mighty fortress is our God, A bulwark never failing; Our helper He , amid the flood Of mortal ills prevailing.”
“Furak tebes! Ama dehan. “Tuir o nia hanoin oinsa mak Martin Luther hatene kona ba fortaleza?”
“Hau la hatene,” Miguel dehan, “Nia moris iha kastelu ida nia laran ga?”
“Sim.” Ama hatan, “Maibe ladun kontenti, tanba nia nudar prisoneiru ida iha kastelu laran, maibe mai ita hahu husi primeiru.
“Bainhira Martin Luther ba eskola iha rai dook, ninia aman hakarak nia atu sai ema advogadu ida. Ninia inan aman kiak los, no iha tempu badak nia laran, nia kanta iha uma ida ba uma ida atu bele hetan osan husi ema sira nee hodi hola hahan. Dala barak nia ba toba ho hamlaha.
“Depois de tinan rua iha universidade, Martin Luther deside nia hakarak sai Padre duke sai Advogadu. Ninia
34 aman hirus los nia. Martin nia inan aman sempre hanorin Martin atu hadomi Maromak desde nia sei kiik, sira mos halo ona orasaun ba Martin. Sira la espera nia atu sai padre. Maske agora nia inan aman iha osan barak ona, nia apa rejeita atu fo osan ba nia karik nia atu sai padre. Maibe depois tiha sira muda sira nia hanoin no ajuda Martin.
“Martin Luther mane diak ida nebe mak hadomi los Maromak. Nia laran la hakmatek tanba nia pekadu sira no nia hakarak iha moris nebe mak halo Maromak kontenti no hetan perdaun. Entaun nia mos halo jejum hela deit.”
“Nia la han ga?” Miguel husu.
“Sim,” Ama hatan, no kalan la toba. Ida nee sira bolu dehan vigilia. Nia halo ida nee atu kastigu nia-an tanba nia pekadu sira.”
“Ida nee ladun diak ba nia saude.” Miguel dehan.
“La diak duni,” Ama dehan. “La kleur tan Martin Luther mos sai moras. Nia sai moras los entaun nia dala barak dezmaia; maske nia para ninia jejum ho vigilia nia seidauk rekupera totalmente.”
“Triste rona ida nee,” Miguel dehan, “Nia la hatene katak Jesus mate ona ba nia no nia la presiza halo buat ida hanesan nee?”
“Nia foin aprende,” Ama hatan. “Loron ida iha Mosteiru…”
“Saida mak Mosteiru?” Miguel interompe.
“Mosteiru nee fatin ida nebe padre sira, monge sira no lideransa igreja sira seluk moris iha laran.”Ama hatan.
“Monge mak saida?” Miguel harakak hatene.
“Monge nee hanesan padre espesial ida. Nia halo juramentu espesial ida no moris ho Monge sira seluk iha
35 Mosteiru. Loron ida bainhira Martin Luther moris iha Mosteiru, nia haree buat ida nebe mak halo nia kontenti. Nia haree Biblia Latina nebe mak kesi ba paredi. Nia hare ona Biblia ida iha universidade no gosta lee Biblia nee. Agora nia kontenti los atu hetan Biblia ida tan iha Mosteiru. Nia uja tempu han hemu nian hotu hodi lee Biblia Latina nee.
“Bainhira nia lee Biblia nee, Martin deskobre katak nia la presiza jejum tan ka halo tan buat seluk hodi selu ninia pekadu sira tanba Jesus selu hotu ona. Nia sai kontenti los! Nia realiza katak buat nebe nia presiza los atu halo mak hadomi Jesus, fiar iha Nia, no halo tuir Nia.
“Ema barak mak la kontenti hanesan Martin Luther kona ba novidade diak ida nee. Mane ida naran Tetzel mak toma konta ba faan induljensia iha rai Germania. Induljensia nee papel ida nebe mak ema presiza hola atu hetan perdaun ba sira nia sala nebe oituan ka barak. Tetzel mos faan induljensia nee ba ema sira nebe mak planu atu komete pekadu iha futuru!”
Ama hamnasa, “Iha livru barak mak hau lee istoria komiku kona ba Tetzel nee. Dala ida nia faan induljensia ba mane ida atu hola ba nia pekadu sira iha futuru. Iha loron tuir mai bainhira Tetzel halo viajem ba foho sira no too iha vila ida nebe mak besik, mane ida nee nauk hotu Tetzel nia osan nebe mak nia hetan husi faan induljesia nee. Tetzel mos komesa hotar mane nee no dehan katak nia sei tama iha ahi infernu tanba nauk ona nia osan! Maibe naukten nee hamnasa deit no dada sai induljensia nebe mak nia sosa ona iha loron hira liu ba, no doko iha Tetzel nia oin. No nia sae motor halai lakon tiha husi Tetzel nia oin ho osan nebe nia nauk!”
36 “Wow!” Miguel hakfodak. “Hau kuriozu karik Tetzel sei nafatin fiar iha induljensia nee ka lae?”
“Dala ruma nia la fiar ona,” Ama dehan. Luther mos komesa fahe kona ba Jesus nia domin ba ita no oinsa Nia mate ona ba ita no laiha ema ida mak presiza sosa tan induljensia nee.
“Tetzel sai hirus los no kesar Luther ba lideransa sira iha igreja. Luther koko atu fo hatene ba ema sira nee katak, induljensia la vale buat ida no la nesesariu, maibe Tetzel nafatin faan. Antes ferias ba relijiaun nian, bainhira ema barak halibur iha vila no iha igreja, Luther hedi papel ida iha odamatan igreja nian. Hakerek iha Papel nee kona ba afirmasaun hamutuk sianulu-resin-sia nebe mak hatudu katak induljensia no hanorin sira seluk husi igreja nee laos husi Biblia. Luther oferese hodi esplika afirmasaun ida nee ba ema hotu nebe mak sei mai iha igreja iha loron tuir mai.
“Luther nafatin hatudu hanorin sira nebe mak loos husi Biblia. Ema barak mak konkorda ho Luther, maibe Lideransa Igreja sira sai hirus liu tan. Finalmente, Amu Papa, nebe hanesan ulun ba igreja nee, deklara katak Martin Luther hanesan heretiku ida nebe mak halo mal-komunikasaun kona ba Amu Papa ba ninia maktuir sira.”
“Saida mak mal komunikasaun nee?” Miguel husu.
“Nee signifika katak Martin Luther sei labele tama lalehan no nia mos labele tan atu halo orasaun ba Maromak no nia mos labele halo tan adorasaun ho kristaun sira seluk. Karik nia mate mos labele hakoi nia iha semiteriu hanesan kristaun sira seluk.”
37 “Maibe Amu papa labele halo ida ne,” Miguel dehan, “Maromak deit mak bele deside see mak ba lalehan.”
“Nee los,” Ama dehan, “Maibe ida nee mak Amu Papa dehan katak Martin Luther hanorin ona buat seluk, nebe mak halo lideransa sira iha igreja hirus. Nia mos halo pregasaun kona ba sira nia palasiu extravagante sira, festa sira, batina karun sira, hahan diak sira, no pekadu sira seluk tan. Nia senti katak igreja tenki moris ho simples hanesan Jesus nia moris. Lideransa Igreja sira lori Luther ba tribunal iha Germania, no sira planu atu lori nia ba Roma. Maibe Martin Luther halai, Maromak kontinua proteje nia.
“Ema barak mak konsidera Martin Luther hanesan Protestante primeiru tanba nia hetan mal-komunikadu husi igreja.”
“Protestante mak saida?” Miguel husu.
“Diak,” Ama hatan, “bainhira Luther moris, iha tempu neba Igreja Kristaun ida deit. Igreja nee bolu Igreja ‘Katoliku’ tanba ida nee mak igreja ida neebe mak ema hotu tuir. Maibe Luther protesta kontra hanorin sira no pratika sira iha Igreja Katolik nebe mak la halo tuir saida mak Jesus hanorin iha Biblia. Bainhira nia hetan mal-komunikadu, nia laos tan ema katoliku ida. Sira seluk, nebe hanesan Luther protesta kontra igreja katoliku mak ita bolu dehan ‘Protestante.’ No Luther mak hanesan protester primeiru hamutuk ho nia maluk sira seluk.
“Tuir lolos, Martin Luther la kontenti ho mal-komunikadu nebe mak nia hetan husi igreja katoliku. Nia hakarak sai nafatin ema katoliku no halo koreksaun ba hanorin sira nebe mak sala iha igreja no laos atu sai
38 husi igreja. Ida nee halo nia triste los tanba la sai ona parte husi nia igreja.”
“Maibe nia tenki fiar ba saida mak Biblia koalia, loos ka lae?” Miguel husu, “Nia labele tuir deit nia igreja maske nia igreja la halo tuir saida mak Biblia hanorin.”
“Sim,” Ama konkorta. “Maibe dala ruma nia hanoin ba nia-an keta nia foti ona desizaun sala karik. Lideransa igreja sira hotu sempre fo hatene nia katak nia sala.Serake ema ida deit mak loos no ema seluk hotu-hotu sala? Maibe bainhira nia lee Biblia liu tan, nia sai serteja liu tan katak igreja nee sala duni iha buat barak. Entaun nia mos kontinua hanorin saida mak nia hetan iha Biblia. Ema barak iha Germania komesa rona ba Luther nia hanorin no sira mos hanoin katak Luther nian mak loos. Ida nee halo lideransa igreja sira sai hirus liu tan no sai tauk. Sira esforsu liu tan hodi hapara Luther ho ninia hanorin sira.”
“Tanba saida mak Lideransa Igreja sira odiu los Luther?” Miguel husu. “Tanba saida mak sira la rona ba nia?”
“Ema dala barak la fasil atu admite sira nia sala,” Ama dehan. “Ema iha tempu agora dala barak fiar deit ba saida mak sira hakarak tau sira nia fiar – Maske ida nee la konkorda ho Biblia. Martin Luther nia tempu hanesan ho ita nia tempu agora, nee sei nafatin hanesan nee too Jesus mai.”
“Hau hakarak los Jesus atu mai lalais ona,” Miguel dehan. “Nunee ema hotu bele sai kontenti no konkorda ba malu.”
“Iha tempu Jesus mai sei nakonu ho haksolok,” ama dehan.
SAVE HAAT BA LALEHAN
“Durante tinan 1800,” ama dehan, “iha renovasuan barak. Balu autentiku no sinseru, balu hanesan esperiensia temporariu deit. Ema balu sai hanesan ahi nebe lakan ba Maromak, lakan ho naroman, maibe mate lalais, husik deit sira nia moris espiritual nakukun liu fali antes sira hetan naroman nee. Pastor sira barak mak hanorin katak depois de Jesus mate, lei la importante ona no ema la presiza atu halo tuir tan.”
“Ida nee la tama lojika liu,” Miguel dehan.
“O koalia loos, ama dehan. “Karik lei laiha, entaun laiha pekadu, tanba pekadu nee rejultadu husi kontra lei.”
“Loos,” Miguel dehan.
“No karik laiha pekadu, entaun ita la presiza Salvador.”
“Loos,” Miguel dehan.
“No karik ita la presiza Salvador, entaun mos la presiza tan Jesus.”
“Loos,” Miguel dehan.
“Entaun Pastor sira mos la presiza tan atu hanorin buat ruma los ka lae?”
“La los,” Miguel dehan. “Idea ida nee la tama lojika liu.”
“Faktu katak,” Ama dehan, “Pasu primeiru atu dame ho Jesus mak realiza ita nia pekadu no oinsa ita presiza loos Jesus. Lei nee hanesan ispelu ida nebe mak hanorin ita. Lei nee hatudu ita nia pekadu sira atu nunee ita bele hatene oinsa ita presiza los Jesus atu perdua ita.
“Iha save haat mak sei loke segredu ba lalehan hodi hasoru Jesus,” Ama esplika. “Primeiru mak rekonese
40 katak Maromak nia lei nee sei importante. Jesus dehan iha Mateus 5:17, ‘labele hanoin katak hau mai atu estraga Moses nia lei ka profeta sira nia hanorin, hau laos mai atu estraga sira nia hanorin maibe atu halo saida mak sira dehan ona.”
“Save segundu mak,” Ama kontinua, “realiza katak kontra lei nee pekadu, nebe signifika katak ita sei presiza perdaun.”
“Aleinde ida nee,” Miguel aumenta, desde santuariu lalehan sei iha entaun ema sei presiza hetan perdaun ba sira nia pekadu.”
“Sim, no santuariu nee ba ita. Ita presiza aproveita ida nee hodi konfesa ita nia pekadu sira, atu nunee Jesus bele hamoos iha ekspiasaun. Ida nee mak save datoluk.”
“Saida mak save dahaat nian? Miguel husu.
“Karik arependimentu nee realidade, no karik ema ida senti todan duni ba nia pekadu sira no hakarak perdaun ba nia sala sira, hafoin mak sei iha mudansa ba nia moris. Ninia esperiensia ho Maromak sei la sai temporariu deit nebe mak kauza nia atu lakan naroman iha tempu badak nia laran deit hotu tiha mate fali. Ida nee sei halo mudansa total iha nia moris. Hatene kona ba Jesus halo ita nia moris sai diferente. No diferensa nee tenki kontinua too ita nia vida remata. Mudansa ida nee mak hanesan evidensia ida katak ita hatene duni Jesus no ita hadomi Nia. Ida nee mak arependimentu nebe loos no save final atu tama iha lalehan.”
“Maromak halo serteja ona atu ita iha buat hotu nebe mak ita presiza, los ka lae?” Miguel halerik.