“Ha’u sei kria inimizade entre o ho feto ne’e, no entre o nia jerasaun ho feto ne’e nia jerasaun; nia sei sama rahun o nia ulun no o sei tata nia ain tuban.’’ Genesis 3:15. Inimizade idane’e la natural. Wainhira ema halo transgresaun hasoru lei divinu, nia natureza sei sai at, no nia sei sai armonia ho diabu. Anju at ho ema at sira nebe monu, unido sai belun ida iha esperansa laek. La’os Na’i Maromak hatete nanis ona katak, Diabu ho ema at sei sai aliadu ida hodi kontra Lalehan, no familia umana hotu sei unidu kontra Na’i Maromak?
Bainhira Diabu rona katak sei eziste inimizade, entre nia ho feto ne’e, no entre sira na’in rua nia jerasaun, nia rekuinese kedas katak sei iha maneira balun mak sei ativadu hodi kapasita ema luta hasoru nia poder.
Grasa Husi Kristu
Kristu implata inimizade iha ema hodi kontra Diabu. Sein grasa arependementu no renovasaun poder, ema sei kontinua sai atan nebe pronto halo saida de’it mak Diabu oferese. Prinsipu foun ida ne’e kria konflitu iha ema klamar; poder nebe Kristu transmiti bele hakbiit ema hodi rezisti hasoru tiranu (poder at). Atu realiza totalmente prinsipiu refere, ema tenki laran nakali hasoru pekadu duke hadomi pekadu.
Antagonismu entre Kristu ho Diabu nu’udar eksibisaun interesante ba iha mundu nebe mak simu ona Nai Jesus. Purifikasaun no santidade Kristu nian hafanu odiu husi ema at sira. Ninia nega-an nudar reprovasaun prepetua ida ba ema foti an no sensual sira. Diabu ho anju at sira unidu ho ema at hodi kontra Kampiaun lia loos nian. Inimizade hanesan manifesta mos ba Kristu nia maktuir sira. See de’it mak rezisti kontra tentasaun siknifika nia fanu Diabu nia siak. Kristu ho Diabu labele atu harmoniza. “ema hotu nebe hakarak moris moos iha Kristu Jesus tenki sofre persegisaun.” 2 Timotio 3:12.
Diabu nia ajente sira buka lohi Kristu nia maktuir sira hodi hamonu sira husi sira nia fidelidade ba Kristu. Sira inventa Eskritura hodi atinji sira nia objeto. Espiritu nebe uluk ezije Kristu ba mate, ohin loron nia diriji fali ema at sira hodi destroi Kristu nia maktuir sira. Buat sira ne’e hotu prenunsiadu tiha ona iha profesia primeiru: ‘’Ha’u sei kria inimizade entre o ho feto ne’e, no entre o nia jerasaun ho feto ne’e nia jerasaun.’’
Tanba sa mak Diabu nunka hasoru rezistensia nebe boot liu? Tanba soldadu Kristu sira nia koneksaun real ho Kristu ituan liu. Sira la hakribi pekadu hanesan ho sira nia Meste hakribi. Sira la kontra pekadu ho rezistensia nebe determinadu. Sira sai delek ho karakter prinsipe nakukun nian. Ema barak la hatene katak sira nia inimigu verdadeiru mak jeneral poderozu nebe funu hela kontra Kristu. Ate ministru Evanjellu sira mos la prekupa ona ho evidensia aktividade Diabu nian. Sira haree hanesan ignora tiha ona ho Diabu nia ezistensia verdadeiru.
Inimigu Vizilante
Inimigu ida ne’e inturompe ninia prezensa iha kada uma laran, dalan, igreja, konseilu nasional, tribunal justisa, duvida, desepsaun, tentasaun seduzidu, no iha kada fatin nebe de’it nia sempre estraga ema mane, feto no labarik sira nia klamar no isin. Nia sobu familia sira, kari odiu, haksesuk-malu, sedisaun, no asaun oho. No mundu haree hanesan atu rekuinese de’it hahalok sira ne’e nu’udar buat nebe mak Na’i Maromak hatete nanis ona atu eziste. Ema sira hotu nebe la desidi sira an nu’udar maktuir Kristu, sira mak Diabu nia atan. Wainhira ema kristaun sira hili sosiadade nebe impiu, siknifika katak sira promove namanas hela sira an ba iha tentasaun. Diabu subar nia-an husi sira nia haree, no hakbesik sira ho ninia lohi hodi taka sira matan.
konformidade ho kustume mundu konverta igreja ba iha mundu, no nunka konverta mundu ba iha Kristu. Familiaridade ho pekadu kauza igreja la duun despreza pekadu. Bainhira ita kumpri dever nudar Kristaun, ita sempre hasoru tentativa, maske nune’e ita dalaruma iha serteza katak Na’i Maromak sei proteje ita; maibe see ita lori an ba iha tentasaun okos, lalais ka lakleur ita sei monu.
Tentador dala barak serbisu ho susesu atraves ema sira nebe nein deskonfia katak sira an iha hela ninia kontrola okos. Talenta no kultura mak don Na’i Maromak nian; maibe bainhira don sira ne’e lidera ita hodi hadook an husi Na’i Maromak, sira nakfilak sai Diabu nia armadila. Dala barak ema ho intelektu kultu no maneira agradaveis mak sai fali instrumentu kaber husi diabu nia liman.
Keta haluhan avizu inspiradu nia lian nebe lian tun ona ba nasaun hotu iha ita nia tempu: ‘’noen na’in ba, no matan moris ba; o nia funu maluk, Diabu, la’o haleiu hela nu’udar liaun nebe hakilar ho lian hamlaha no buka hela ema ruma atu nia bele tolan.’’ ‘’Uza kompletu ba Na’i Maromak nia armadura atu o bele tahan kontra diabu nia lasu sira.’’ 1 Pedro 5:8; Efesu 6:11. Ita nia inimigu boot agora prepara hela ninia kampania final. Ema hotu nebe tuir Na’i Jesus sei hasoru inimigu ne’e iha konflitu. Hetok ema Kristaun imita padraun divinu, hetok sertamente mos sira halo sira an sai albu ba Diabu nia atakasaun.
Diabu asalta Kristu ho tentasaun siak no Kabeer; maibe nia konkistadu iha kada konflitu. Ho vitoria Kristu nian permite ita atu konkista mos nia. Kristu sei foo kbiit ba ema hotu nebe mak buka Nia. Laiha ema ida mak sein nia lisensa rasik bele konkistadu husi Diabu. Diabu laiha poder atu kontrola ita nia hakarak ka obriga ita nia klamar hodi komete pekadu. Nia bele kauza sofrimentu, maibe nia labele kauza kontaminasaun. Ho Kristu nia vitoria sei inspira Kristu nia maktuir sira atu korajen luta iha batalia hasoru pekadu no Diabu.
Anju Nia Tulun
Na’i Maromak nia anju ho espiritu at sira reveladu klaramente tiha ona iha Eskritura no sai parte iha istoria umana. Anju santu sira nebe ”serbi ema hodi sai erdeiru ba salvasaun,’’ (Hebreus 1;14) konsideradu husi ema barak nudar ema mate sira nia espiritu.
Enkuantu Eskritura aprezenta provas katak anju sira ne’e la’os espiritu sein isin lolon.
Antes kriasaun ema, anju sira eziste nanis ona. Bainhira Nia Maromak hahuu harii fundasaun mundu, ‘’fitun rai huuun mutin sira hananu hamutuk, no Na’i Maromak nia oan mane sira hotu haklalak ho ksolok.’’ Jó 38:7. Depois ema monu ba pekadu, Na’i Maromak manda kedas Ninia anju sira mai guarda ai-huun moris nian, antes ema kriatura mate. Anju sira boot liu ema, basa Na’i Maromak kria ema ‘’ki’ik itoan husi anju sira.’’ Salmo 8:5.
Profeta dehan, ‘’iha kompania lubun boot nebe sura labele,’’ ’’Ha’u rona anju barak sira, lian haleu tronu.’’ Iha Liurai ba liurai tomak nia prezensa anju sira hein – ‘’Ninia ministru, nebe hala’o Ninia ksolok,’’ ‘’rona hela lian husi Nia-futar lian.’’ Hebreu 12:22; Apokalipse 5:11; Salmo 103:20,21. Nu’udar mensajeiru Na’i Maromak nian, sira abansa no semo lais hanesan ‘’rai-lakan mosu.’’ Anju nebe hatudu an iha Maksoin nia rate, nia oin “nabilan tebes.’’ Nune’e halo hein na’in rate sira sai tauk, nakdedar no atu sai mate de’it . ‘’ Wainhira sennaquerib Blasfemia Na’i Maromak no amiasa Israel, ‘’Na’i Maromak nia anju sai no oho ema Asirianu rihun atus ida walu nulu resin lima iha sira nia akampamentu. Ezequel 1:14; Mateus 28:3, 4; 2 Reis 19:35.
Na’i Maromak haruka anju ba Ninia oan sira ho misaun misrekordia. Ba iha Abrão, ho promesa bensaun; ba iha rai sodoma, hodi salva Lot; ba iha profeta Elias, hodi avizu kona ba akontesementu mate mohu iha rai henek fuik maran; ba iha Eliseu, ho kareta ahi no kuada ahi bainhira sira hetan serku husi ninia inimigu sira; ba iha Daniel, bainhira nia abondonado no sai hahan ba liaun; ba iha Pedro, hodi saliva nia bainhira nia hetan pena mortal iha kadeia rai okos; ba iha dadur sira iha rai Filipe; ba iha Paulo iha kalan boot bainhira anin no tasi boot amiasa; ba iha Cornelio hodi loke ninia hanoin para simu Evanjellu; ba iha Pedro, hodi husik nia ho mensajen salvasaun ba iha ema jentiu no estranjeiru sira. – ida-ne’e mak ministeiru nebe anju santu sira halo ba Na’i Maromak nia oan sira.
Anju Mahein
Anju mahein mak anju nebe nomeadu husi Na’i Maromak ba iha kada maktuir Kristu nian. ‘’Na’i Maromak nia anju halo akapamentu haleu sira nebe hamtauk Nia, no liberta sira.’’ Wainhira Nia koalia ba ema sira nebe fiar Nia, Maksoin hatete: Iha Lalehan sira nia anju sempre hateke Ha’u Aman nia oin.’’ Salmo 34:7; Mateus 18:10. Na’i Maromak nia povu nebe lekar sai prinsipe nakukun nia odiu nebe nunka para, sei sempre aseguradu ho anju sira nia protesaun. Nai Maromak foo Garantia hanesan ne’e ba Ninia povu tanba sira sei kontra ajensia at sira nebe maka’as tebes – barak, determinadu, no nunka kole.
Anju At Sira Kontra Na’i Maromak Nia Planu
Espiritu at sira, fofoun Nai Maromak kria, sira piedozu no sala laek. Sira iha natureza, poder, no gloria nebe hanesan mos ho kriatura sagrada sira nebe mak dadauk ne’e sai nudar Na’i Maromak ninia mensanjeiru. Maibe bainhira sira monu ba pekadu, sira halibur malu hodi desonra Na’i Maromak no halo destroisaun ba ema. Sira unidu ho Diabu iha rebeliaun, hodi kopera iha funu kontra autoridade divinu. Istoria Testamentu tuan temi kona sira nia ezistensia, maibe durante tempu Na’i Jesus sei iha mundu, espiritu at manifesta sira nia poder ho maneira klaramente. Kristu mai iha mundu ba ema nia redensaun, enkuantu Diabu determinadu atu kontrola mundu. Diabu susesu ho estabelesementu idolatria iha kada parte rai-klaran ekzetu Palestina. Uniku nasaun ida-ne’e de’it mak la rende kompletamente ba tentador. Kristu mai, lolo Ninia liman domin, kunbida ema hotu atu hetan perdaun no dame iha Nia. Abitante nakukun sira entende katak se Kristu nia misaun susesu, sira nia papel sei remata imediatamente.
Demoniu tama ema, afirma klaru tiha ona iha Testamentu Foun. Ema nebe sai vitima, sei la sofre de’it moras husi kauza natural; Kristu rekoinese prezensa asaun direta no ajente espiritu at sira. Ema nebe demoniu tama iha Gadara, nakfilak an sai bulak, estraga an, tebe ain tebe liman, kabeen nafurin, si’ak, halo violensia ba sira an, no foo amiasa ba ema nebe besik ho sira. sira nia ran nebe suli, isin nebe disfiguradu, no hanoin nebe lakon, aprezentadu nu’udar espektakulu furak ba Diabu, prinsipe nakukun. Entre demoniu sira nebe mak kontrola sira nia vitima, na’in ida husi sira deklara, “Ha’u nia naran Lejiaun: tanba ami barak.” Marcos 5:9. Iha ezersitu Romanu lejiaun ida bele ense ho soldadu rihun tolu to’o rihun lima. Maibe Na’i Jesus nia orden bele manda esperitu at sira sai husi vitama sira an, ho nune’e halo vitima sira sai hakmatek, hanoin di’ak, no maus fila-fali. Demoniu sira nebe sai tiha ona husi ema, sira ba dasa fali fahi lubun boot ida no hamonu fahi sira tama iha tasi laran. Tuir populasaun Gadara sira nia hanoin, fahi barak nebe sira lakon iha valor boot liu fali Kristu nia Bensaun nebe mak haraik dadauk ona ba sira; tanba ne’e, sira husu Kurador divinu atu ba kedas husi sira nia rai. Haree iha Mateus 8:23-34. Liu husi duun Jesus ho fahi nebe sira lakon, Diabu fanu populasaun sira nia sentimentu tauk nebe egoista hodi prevene sira labele rona Na’i Jesus nia futar lian.
Kristu permiti espiritu at destroi fahi sira, nudar reprovasaun ba ema Judeu nebe mak hetan lukru husi hakiak balada foer. Se karik Kristu la satan demoniu sira iha momentu neba, maka la’os de’it fahi sira ne’e mak hetan soe, maibe fahi atan no fahi na’in sira mos sei hetan soe hotu ba iha tasi laran.
Akontesementu ida-ne’e permitadu, atu disiplu sira bele haree oinsa poder siak Diabu nian estraga ema no animal, ho nune’e sira labele hetan lohi husi Diabu nia lasu. Akontesementu ida-ne’e nudar mos Kristu nia hakarak, atu nune’e ema hotu tenki haree oinsa poder Kristu nian bele hatohar Diabu nia korenti hodi husik livre nia dadur sira. Maske Na’i Jesus rasik ba ona husi fatin neba, maibe ema sira nebe hetan ona livre ho maneira maraveloza refere kontinua deklara misrekordia husi sira nia Maksoin.
Ezemplu seluk nebe rekordadu mak; Oan feto ida husi feto Siro-fenesia. Oan feto ne’e deskorajen tebes ho demoniu nebe Na’i Jesus duni sai tiha ona husi nia ho N’ai Jesus nia lia fuan (Marcos 7:25-30); antes ne’e, nia nu’udar feto klosan ida nebe iha espiritu at. Espiritu at ne’e sempre ‘’soe nia ba ahi laran, bee laran, hodi destroi nia’’ (Marcos 9:17-27); nia bulak no hetan torturasaun husi espiritu demoniu foer ida no sempre disturbu trankilidade loron Sabadu nian iha Kapernaun (Lucas 4:33-36) – sira hotu hetan kurativu husi Maksoin. Iha kuaze kada ezemplu kurativu, Kristu deklara katak demoniu mak nudar entidade matenek ida nebe gosta estraga, tanba ne’e Na’i Jesus komanda demoniu atu labele kastigu tan ninia vitima sira. Adora na’in sira iha Kafernaun ‘’hotu-hotu hakfodak, no sira rasik hahuu hatete ba malu: ‘‘lia fuan saida mak maka’as hanesan ne’e! Basa ho autoridade no poder Nia duni espritu at sira, no espiritu at sira sai duni,’’Lucas 4:36.
Tanba de’it atu hetan poder sobrenatural, ema balun aseita influensia Diabu nian. Ida ne’e klaru katak sira sei la han-malu tan ho Diabu. Klase ida-ne’e mesak kompostu husi ema nebe mak iha espiritu matan dook. Ezemplu, Simão Magus, Elimas no feto-ran nebe la’o tuir-tuir Paulo no Silas iha Filipe. Haree iha Apos 8:9,18; 13:8; 16:16-18.
Perigu
Laiha ema ida mak hasoru perigu maka’as liu duke sira nebe nega ezistensia Diabu ho ninia anju sira. Ema barak valoriza sira nia sujestaun no konsidera sira an tuir sira nia sabedoria rasik. Wainhira ita besik to’o iha tempu final, Diabu tenki sebisu ho poder maka’as hodi lohi ema. Nia kari kre ida iha fatin hotu katak nia ann nunka eziste. Ida ne’e nudar politika ida hodi subar ninia-an no ninia maneira serbisu.
Lohi-dor boot ne’e tauk se ema hatene ninia aparelu. Atu subar ninia karakter real, nia tenki transforma ninia ann ba iha lasu ne’e rasik, atu nune’e bele kauza lia at no insultasaun. Nia haksolok ho nia an nebe pintadu nudar figura nebe makilik, disfiguradu, no sorin animal-sorin ema. Nia haksolok rona nia naran iha desportu no hatuun malu. Nia hafalun an ho arte perfeitu hodi hamosu pergunta nebe nega ninia ezistensia : ‘’serake iha duni kriatura hanesan ne’e?’’ Diabu fasil tebes kontrola hanoin husi ema sira nebe mak la konsensia ho nia influensia. Tanba ne’e Na’i Maromak nia futar lian revela mai ita oin poder segredu Diabu nian, atu nune’e ita bele matan moris no neon metin.
Seguru Hamutuk Ho Na’i Jesus
Ita bele hetan fatin protesaun no libertasaun iha poder superior husi ita nia Maksoin. Ita bele kuidadu ita nia uma ho seguru liu husi tranka no sabi odamatan, janela no portaun, hodi proteje ita nia propriedade no hela seguru husi ema at. Maibe ita la duun hanoin kona ba anju at nebe mak sira ninia atakasaun iha ita an no iha ita nia poder rasik sein defeza. Se permitidu, sira bele kontrola ita nia hanoin, kastigu ita nia isin lolon, destroi buat nebe ita iha no estraga ita moris. Maibe ema sira nebe tuir Kristu seguru iha Nia matan. Basa Kristu sei haruka anju nebe ho poder maka’as hodi proteje sira. Ema at sei labele sobu guarda nebe Na’i, Maromak monta besik iha Ninia ema sira.