Kontroversia boot entre Kristu ho Diabu atu remata dadauk ona, no ema at sei aumenta dobru tan sira nia esforsu liu husi ema nia interese hodi halakon serbisu Kristu nian. Objetivu nebe Diabu esforsu atu realiza mak oinsa kuida nafatin ema iha nakukun no impenitensia laran to’o Makasoin nia meditasaun konkluidu. Wainhira indeferansia ruma akontese iha igreja laran, Diabu la interesadu no nafatin kalma. Maibe Wainhira klamar sira husu tuir, ‘’Saida mak ha’u tenki halo hodi hetan salvasaun?’’ Diabu sei mosu kedas mai ho kompete ninia poder kontra Kristu hodi netraliza influensia Espiritu Santu.
Iha okazaun ida, bainhira anju sira mai aprezenta sira an iha Na’i Maromak nia futar oin, Diabu mos marka prezensa iha sira leet, nia mai la’os atu hakru’uk ba Liurai Eternu, maibe atu kontinua ninia dejeina at hasoru ema loos sira. Haree Jó 1:6. Nia sempre marka ninia prezensa wainhira ema halibur hamutuk iha adorasaun, no nia serbisu ho fidelidade hodi kontrola adorador sira nia hanoin. Durante nia haree Na’i Maromak nia mesanjeiru sira deskobre Eskritura, nia tau atensaun ba topiku nebe mak sira aprezentadu. Tuir mai nia emprega ninia azneira no arte atu nune’e mensajen refere labele alkansa sira nebe mak nia lohi iha pontu neba. Ba sira nebe presija tebes avizu Na’i Maromak nian, nia sei halo atrapalia ho transasaun negosiu ka ho maneira siknifikante sira seluk hodi prevene ema sira rona Na’i Maromak nia lia fuan.
Diabu haree Na’i Maromak nia servidor sira karegadu ho nakukun nebe hafalun ema. Nia rona Na’i Maromak atan sira hasa’e orasaun husu grasa no poder divinu hodi hatohar masonik ignorasaun no sentimentu baruk nebe Diabu kari. Tanba ne’e, ho korajen nebe renovadu nia tenta sira atraves hamania sira nia kan no satisfasaun baa an rasik. Ho dalan ida ne’e nia bele hamate sira nia sensibilidade atu sira faila rona hanorin nebe mak sira presija tebes atu aprende.
Diabu hatene katak ema hotu nebe abandona orasaun no lee Eskritura sei konkistadu wainhira hasoru nia atakasaun. Tanba ne’e nia inventa kada aparelu nebe mak possible tebes bele taka ema nia hanoin. Ninia ajudante liman loos sira sempre ativu wairnhira Na’i Maromak serbisu hela iha ema. Sira sei aprezenta ho seriu servidor Kristu nian nebe mak nega-an nudar ema lohi-dor ka ema nebe hetan lohi. Ida ne’e mak Diabu nia ajudante liman loos sira nia serbisu hodi bobar tuun-sa’e motivu kada hahalok nobre, sirkula piadas, no hamosu deskonfia iha ema esperensia la’ek sira nia kakutak. Maibe ita bele haree hetan ho fasil, sira nia oan mak see-see de’it, see nia ezemplu mak sira banati tuir, no see nia serbisu mak sira halo. ‘’Imi sei hatene sira liu husi sira nia fuan.’’ Mateus 7:16; haree mos iha Apokalipse 12:10
Lia Loos Nebe Santifika
Lohi-dor boot Diabu, prepara ona dutrina falsu barak hodi foo gostu oin-oin ba sira nebe mak nia atu harahun. Ida ne’e mak planu Diabu ninian hodi lori elementu insinseru no inrejeneradu sira tama ba iha igreja laran, hodi enkoraja duvida no fiar laek. Ema barak sein fee verdadeiru, no aseita de’it prinsipiu lia loos balun, rekoinese sira an nudar Kristaun. Ho dalan ida hanesan ne’e, posibiidade tebes ba sira atu intrudus erru nu’udar dotrina eskritura.
Diabu hatene katak lia loos nebe simu ho domin, bele santifika klamar. Tanba ne’e nia esforsu atu troka tiha lia loos ho teoria falsu, fabula no eskritura seluk. Hori uluk kedas, Na’i Maromak nia serbidor sira sempre luta kontra mestri falsu sira, la’os tanba de’it mestri sira ne’e é, maibe tanba sira mos nudar plantador lia falsidade fatal ba ema klamar. Profeta Elias, Jeremias no Pauloo mos luta kontra sira, basa sira hasees ema husi Na’i Maromak nia futar lian. Katak, liberalidade nebe konsidera fee verdadeiru nu’udar buat la’ek ida, halo defende-dor lia loos sagradu sira sai la gosta.
Intrepretasaun Eskritura nebe la klaru no fantasioza, no teoria nebe kontrariu ba malu iha mundu Kristaun, sai nudar ita nia adversariu boot nia obra hodi konfunde ema nia hanoin. Diskordia no divizaun entre igreja, dala barak akontese tanba de’it kauza hadau malu lia fuan Eskritura hodi apoiu teoria favoritu sira.
Atu sustenta dutrina erru sira, ema balun uza parte Eskritura balun nebe separadu tiha ona husi ninia kontestu, ho sita versu sorin sai nudar prova ba sira nia pontu idea, enkuantu porsaun restu husi versu refere hatudu hela siknifikasaun nebe kontrariu. Ho samea boot nia lasu ida ne’e, halo ema sira ne’e helik sira an iha deklarasaun deskonekta kotuk nebe mak interpretadu tuir dezeju no vontade isin no mundu nian. Enkuantu sira seluk foti figura no simbolu, hodi interpreta tuir sira nia fantazia, ho foo konsiderasaun menus ba testamunia Eskritura nebe mak sai nu’udar Ninia interpreta rasik, no aprezenta sira nia kaprisiu nu’udar hanorin Biblia nian.
Biblia Tomak Mak Mata Dalan Ida
Dala barak, wainhira estudu Eskriatura hahuu ho sein espiritu nebe nakonu ho orasaun no vontade atu hetan hanorin maka, parte sira husi Eskritura nebe konsideradu klaru liu mos sei sai difisil atu entende ninia siknifikasaun loloos. Ema tenki alkansa Biblia tomak atraves lee Biblia. Na’i Maromak haraik lia fuan profesia nebe sertu; anju, ate to’o Kristu rasik, mai iha Daniel ho João hodi foo hatene kona ba akontesementu sira nebe mak ‘’sei akontese kedas iha tempu oin mai.’’ Apokalipse 1:1. Asuntu importante sobre ita nia salvasaun sei la revela ho dalan konfuzaun no bobar ba buka na’in lia loos onestu sira. Na’i Maromak nia futar lian ne’e simplis ba ema hotu nebe hakarak estuda ho laran nakonu ho orasaun.
Liu husi hakilar, liberalidade,* ema barak sai delek ba sira ninia adversariu ninia aparelu. Diabu susesu halo mudansa iha Biblia atraves espekulasaun umana; nia tau sees Na’i Maromak nia ukun-fuan; no igreja sira sai atan iha pekadu nia okos enkuantu sira rasik afirma hakarak hetan livre husi pekadu.
Na’i Maromak permiti inundasaun naroman turuk iha mundu leten atraves diskobrementu siensia. Ema bele iha hanoin nebe boot, maibe se hanoin refere la giadu husi Na’i Maromak nia futar lian, sira sei sai konfuzaun iha sira nia esforsu atu deskobre relasaun husi siensia ho revelasaun.
Kuinesementu umana iha natureza parsial no imperfeitu; tanba ne’e ema barak laiha abilidade atu harmoniza sira nia vista siensia ho Eskritura. Ema barak aseita teoria simplis nu’udar faktu sientifiku, no sira hanoin katak Na’i Maromak nia lia fuan tenki testadu ho ‘’siensia falsu refere’’ 1 Timotiu 6:20. Istoria iha Biblia konsederadu la konfiabel tanba sira labele esplika Kriador ho Ninia serbisu lei natural. Sira nebe iha duvida ho Testamentu Tuan no Foun, sempre hanoin hakat dook liu no duvida ho ezistensia Na’i Maromak nian. Hafoin sira husik sira nia ankora, sira tuku fila-fila fatuk infidelidade.
Ida ne’e mak obra-boot ida husi Diabu nia lohi hodi kuida ema siik tuun-sae buat nebe mak Na’i Maromak la foo hatene. Lusifer la satisfas tanba iha kada Na’i Maromak nia propozitusegredu hotu Na’i Maromak la foo hatene ba nia, tanba ne’e nia la konsidera ho buat nebe mak Na’i Maromak revela. Oras ne’e dadauk nia esforsu inspira ema ho esperitu hanesan hodi lidera mos ema atu labele konsidera diretamente Na’i Maromak nia mandamentu.
Lia Loos Rejeitadu Tanba Involve Krus
Wainhira ema menus espiritual no nega an ho dutrina sira nebe aprezentadu husi Eskritura, favor nebe sira simu husi lohi-dor Diabu, hetok boot tan de’it. Diabu prontu fornese buat nebe ema nia laran dezeja, no monta nia liman desepsaun iha lia loos nia fatin. Ho maneira ida ne’e mak papadu konsege hetan poder ba ema nia hanoin. Ho rejeitasaun lia loos tanba involve krus, nune’e halo Protestante sira mos banati tuir dalan nebe hanesan. Ema hotu nebe estuda kona ba konveniensia no politik, ho objetivu para sira labele iha diferensia ho mundu, sira sei simu “malisan at” tuir lia loos hatete. 2 Pedro 2:1. See mak konsideradu hamtauk desepsaun ida, nia sei pronto atu simu tan desepsaun sira seluk nebe tuir mai.
Erru Nebe Perigoju
Entre Diabu ninia ajensia susesu sira, ajensia ida susesu liu mak espritualismu nebe kria bosok maravelozu. Ema nebe rejeita lia loos monu ba pekadu no sai hahan di’ak ba desepsaun.
Erru seluk tan mak, dotrina nebe nega divindade Kristu nian, nebe alega katak Kristu seidauk eziste antes Nia mai moris iha mundu ida-ne’e. Teoria ida-ne’e kontradis tebes ho deklarasaun ita nia Salvador nian sobre Ninia relasaun ho Na’i Maromak no Ninia pre-ezistensia rasik. Erru ida-ne’e estraga ita fee iha Biblia nebe hanesan revelasaun ida husi Na’i Maromak. Se ema ruma rejeita Testamonia Eskritura sobre divindade Kristu, maka sei sai saugati de’it se ita argumenta ho sira; basa laiha argumentu ida ka argumentu konklusivu forti ruma mak bele konvense sira. Nein ema ida mak ho sustenta erru ida-ne’e bele hetan konsepsaun verdadeiru kona ba Kristu no planu redensaun Na’i Maromak nian ba ita ema.
Erru seluk ida tan mak fiar nebe dehan katak Diabu laiha ezistensia hanesan kriatura pesoal ida, katak nia naran nebe uza iha Eskritura laran so reprezenta de’it hanoin no dezeju at ema nian. Iha mos dutrina ida, nebe hanorin katak Kristu nia mai ba dala rua, mak mai dadauk ona iha kada individu nebe mate. Hanorin ida ne’e sai nu’udar aparelu ida hodi muda ema nia hanoin husi hanoin nebe loos tuir Biblia, katak Kristu sei mai nu’udar pesoal iha kalohan Leten. Diabu sempre hatete, ‘’Haree ba nia iha uma laran’’ (haree Mateus 24:23-26). Ho dalan henesan ne’e Diabu konsege muda ema barak nia hanoin hodi aseita desepsaun ida ne’e. Nune mos ho Ema siensia sira, sira alega katak resposta real labele mosu iha kada orasaun. Ida ne’e sei sai nu’udar violensia kontra lei divinu – tanba nega ezistensia milagre. Sira hamosu teoria katak, Universiu ida ne’e governadu husi lei fiksa, no Na’i Maromak rasik nunka halo buat nebe kontrariu ho lei fiksa sira. Ho nune’e mak, sira interpreta Na’i Maromak nudar bareira ba Ninia lei rasik – hanesan fali lei divinu bele eksklui liberdade divinu.
‘’Iha ninia ivru kompletu, Kontroversia Boot, lee na’in sira sei hetan lala’ok oinsa parte boot husi mundu Kristaun halai sees husi dutrina Biblia.
La’os milagre barak mak Kristu ho disiplu sira halo? Salvador hakarak tebes atu rona orasaun nebe hasa’e ho fee, hanesan uluk Nia sei la’o iha ema sira leet. Natureza kopera ho sobrenatural. Ida ne’e parte husi planu Na’i Maromak nian hodi haraik garantia mai ita, nu’udar resposta ba orasaun ho fee, Nia sei la haraik milagre, se ita la husu husi Nia ho fee.
Setismu Kona ba Biblia
Dutrina sira nebe naksalak iha entre igreja sira halakon marka sira nebe Na’i Maromak nia lia fuan hatuur tiha ona. Balun kontinua eziste ho rejeitasaun lia loos balun. Enkuantu maioria ignora prinsipiu lia loos ida-ida, to’o sira rasik nakfilak sai infiel.
Erru husi teolojia popular lori ema monu ba iha setismu laran. Imposibel ba ema atu simu dutrina sira nebe hafoer sensu justisa, miserekordia, no virtude ema ida nian. Durante sensu sira ne’e reprezentadu nu’udar dutrina Biblia nian, ema sei rejeita atu aseita teolojia popular nu’udar lia fuan Na’i Maromak nian.
Lia fuan Na’i Maromak nian rekoinesidu ho deskonfiansa tanba reprova no kondena pekadu. Ema nebe lakohi obedese rekejitu lia fuan Na’i Maromak nian, sira esforsu atu duir tuun autoridade lia fuan Na’i Maromak nian. Ema barak nakfilak sai infiel hodi justifika sira nia ignoransia dever. Enkuantu sira seluk, gosta liu relaksa hodi atinji saida de’it mak rekere negaan hodi hetan reputasaun nu’udar sabedoria superior, atraves kritika Biblia.
Ema barak senti katak hamriik iha deskonfiansa, setismu, no infidelidade leten, nu’udar vertude ida. Maibe iha aperensia honestidade nia kotuk iha konfiansa no orguliu. Ema barak haksolok deskobre buat ruma iha Eskritura Sagrada hodi konfuza ema seluk sira hanoin. Balun fofoun kari konfuzaun ho razaun erru husi domin kontroversiu. Maibe hafoin konfuzaun sira ne’e ekspresa momoos ona deskonfiansa, sira unidu ho ema at.
Evidensia Nebe Sufisienti
Na’i Maromak haraik iha Nia futar lian laran, evidensia sufisienti sobre ninia karakter divinu. Maibe pensamentu limitadu ita ema, la adekuadu atu komprende didi’ak propozitu husi Na’i Maromak, nebe infinitu. ‘’tebes dunik, Ninia desizaun julgamentu no Ninia dalan pasadu sira, ita ema deskobre la hetan’’ Romanu 11:33. Maibe Ita bele haree oinsa domin infinitu no misrekordia sai unidu iha poder infinitu. Ita Aman iha lalehan sei revela ba ita buat barak nebe ita hakarak hatene; liu tan ida ne’e, ita tenki konfia metin Ninia Liman Nebe Onipotente, no Ninia Laran Nebe nakonu ho domin.
Na’i Maromak sei nunka hamoos razaun deskonfiansa. Ema hotu nebe buka fatin hodi tara sira nia duvida, sei hetan tara fatin. Maibe ba sira nebe rejeita obedese Nai Maromak, no hasees kada obejesaun, ba sira tara fatin sei la reveladu. Laran nebe la renovadu mak laran nebe funu hasoru Na’i Maromak. Enkuantu fee nebe inspira husi Espiritu Santu sei buras tuir oinsa ita kuidadu fee ne’e. Laiha ema ida mak bele sai forsa iha fee sein esforsu determinadu. Ema nebe permiti sira an rende ba Diabu, sira nia duvida sei real.
Sira nebe duvida no la fiar asuransia grasa Nai Maromak nian, desonra Kristu. Sira nu’udar aihuun la produtivu nebe taka helik loron matan ba ai-horis sira seluk, nune’e halo ai-horis sira seluk sai namlaik no mate iha lalatak perigoju nia Okos. Sira nia obra moris foo testamunia katak sira nunka para kontra Na’i Maromak nia grasa.
Sira nebe haka’as an ho onestu hakarak livre husi naha duvida, iha motivu ida. Katak, sira tau atensaun ba naroman nebe leno ona sira hodi bele simu naroman nebe boot liu, duke kestiona buat nebe sira la komprende.
Diabu bele aprezenta falsifikasaun nebe kuaze hanesan ho verdadeiru hodi lohi ninia tarjetu sira nebe koko hakarak evita sakrifisiu nebe lia loos ezije. Maibe ida-ne’e imposibel ba nia atu kaer metin klamar ida iha ninia poder okos enkuantu klamar refere iha dezeja boot no onestu, no la prekupa ho sakrifisiu atu hatene lia loos. Kristu mak lia loos, no ‘’Naroman. Naroman nebe foo roman ba ema ida-ida mai dadauk ona iha mundu.’’ ‘’See ema ruma hakarak halo tuir Na’i Maromak nia hakarak, nia sei hatene tuir, serake Ha’u nia dutrina ne’e mai husi Na’i Maromak, ka mai husi Ha’u an rasik.’’ João 1:9; 7:17.
Na’i Maromak permiti Ninia povu sira sai albu ba tentasaun nebe makaas la’os ‘atu Nia bele haksolok ho sira nia halerik. Nia permiti tanba tentasaun sira hanesan ne’e esensial tebes ba ninia povu sira nia vitoria final. Nia labele, satan nafatin sira husi tentasaun ho Ninia gloria rasik, basa objetivu husi tentasaun mak prepara sira hodi rezisti hasoru tentasaun at Diabu nian. Ema at ka demoniu labele empede Na’i Maromak nia prezensa husi Ninia povu sira leet se Ninia povu sira konsege konfesa no abandona sira nia pekadu no reklama Ninia promesa. Kada tentasaun, malorek ka segredu, bele hetan rezisti ho susesu, ‘’la’os ho kbiit, ka ho poder, maibe ho Ha’u nia espiritu, dehan Na’i Maromak universiu tomak.’’ Zacarias 4:6.
‘’See mak sei halo at imi, se imi sai maktuir nebe badinas halo buat di’ak?’’ 1 Pedro 3:13. Diabu konsiente tebes katak funu hasoru klamar fraku sira nebe hela iha Kristu, la’os funu babain ba tropa nakukun sira.
Tanba ne’e nia haka’as an dada dook soldadu krus sira husi sira nia fortifikasaun nebe forsa, enkuantu nia latan an subar iha embuskada, no pronto destroi ema hotu nebe mak barani tama iha ninia embuskada laran. Atraves konfiansa ba Na’i Maromak no obidiensia ba Ninia mandamentu mak bele halo ita seguru.
Laiha ema ida mak bele hetan salva iha loron ida ka iha oras ida sein halo orasaun. Harohan ba Na’i Maromak hodi hetan sabedoria komprende Ninia futar lian. Diabu mak badaen nebe gosta sita Eskritura, hatuur ninia interpretasaun rasik ba iha parte sira nebe nia espera sei halo ita sidi no monu. Ita tenki estuda ho laran hakraik an. Enkuantu ita tenki nafatin matan moris neon na’in hodi antisipa Diabu nia lasu. Ita tenki nafatin halo orasaun ho fee: ‘’Keta husik ami monu ba tentasaun.’’ Mateus 6:13.