Promesa Kristu nia mai ba dala rua hodi halo kompleta knaar boot redensaun mak esensia husi Eskritura Sagrada. Husi Eden, oan sira nebe iha fee hein tiha ona Kristu ninia mai nebe prometidu hodi lori sira ba fila fali Paradisu nebe lakon tiha ona.
Enos, jerasaun dahituk husi sira nebe hela iha Eden, nebe mak durante sekulu 3 la’o hamutuk ho Na’i Maromak, deklara, ‘’Haree ba, Na’i Maromak mai ho Ninia ema santu rihun sanulu, hodi halo julgamentu ba ema hotu.’’ Judas 14:15. Jó iha kalan sofrimentu halerik, ‘’Ha’u hatene katak ha’u nia Maksoin ne’e moris, no katak Nia sei hamriik iha mundu leten iha loron ikus ….. iha ha’u nia isin ha’u sei haree Na’i Maromak: nebe mak ha’u rasik sei haree, no ha’u nia matan rasik mak sei haree, la’os ho ema seluk nia matan.’’ Jó 19:25-27. Poeta ho profeta sira iha Biblia nanis kedas hanoin tiha ona kona ba Kristu nia mai liu husi lia fuan nebe mak lakan nabilan. ‘’Biar ba lalehan haksolok, no rai klaran haksolok …. Iha Na’i Maromai nia futar oin: tanba Nia mai, tanba Nia mai hodi tesi lia ba rai klaran: nia sei julga mundu ho lia loos, no ema ho Ninia lia loos.’’ Salmo 96:11-13.
Isaias hatete: ‘’iha loron nebea sei katak sai, loloos ne’e, ida-ne’e mak ita nia Maromak; ita hein hela Nia, no Nia sei salve ita: ida-ne’e mak Na’i Maromak; Ita hein hela nia, ita sei kontenti no haksolok iha Ninia salvasaun.’’ Isaias 25:9.
Maksoin konsola Ninia eskolante sira ho garantia katak Nia sei mai fila fali: ‘’Iha Ha’u aman nia uma iha fatin barak atu hela …. Ha’u ba hodi prepara fatin ida ba imi, no se Ha’u ba …… Ha’u sei mai fali, hodi simu imi mai iha Ha’u an rasik.’’Oan Mane sei mai iha Ninia gloria laran, no anju santu hotu-hotu mai hamutuk ho Nia, no Nia sei tuur iha Ninia tronu gloria leten: no nasauan hotu-hotu sei halibur hamutuk iha Ninia oin.‘’ Joao 14:2,3; Mateus 25:31,32.
Anju sira hato’o repete ba eskolante sira promesa kona ba Ninia mai fila fali: ‘’Jesus nebe hanesan ne’e, nebe hiit an husi imi hodi ba lalehan, sei mai ho maneira nebe hanesan, hanesan nebe imi haree dadauk Nia ba lalehan.’’ Apostolu 1:11. No apostolu Paulo foo sasin: ‘’Na’i Maromak Nia rasik sei tuun husi lalehan ho haklalak-haksolok, ho lian arcanjo, no hamutuk ho trombeta Na’i Maromak nian.’’ 1 Tesalonia 4:16. Profeta husi Patmus hatete:’’Haree ba Nia mai hamutuk ho kalohan sira; no matan ida-idak sei haree Nia.’’ Roma 1:7.
Poder at nebe nafatin kontinua dadauk ne’e sei hetan tohar: ‘’Liurai ba mundu ida-ne’e’’ sei sai liurai ba ita nia Maromak, ba Niniia Kristu; no Nia sei ukun husi oin ba oin nafatin.‘’ Apokalipse 11:15. Na’i Maromak sei halo lia loos no louvar buras iha nasaun hotu nia oin.’’ Isaias 61:11.
Tuir mai reinu Messias nian nebe nakonu ho dame sei estabilisidu: Na’i Maromak sei foo ksolok Siaun: Nia sei foo kmaan ba Siaun nia fatin sira nebe rahun, Nia sei halo Siaun nia rai fuik sira sai hanesan jardin Eden, no halo rai henek maran sira sai Na’i Maromak nia jardin.’’ Isaias 51:3.
Na’i Maromak ninia mai sai esperansa boot ba Ninia maktuir verdadeiru sira iha erra hotu. Iha sofrimentu no perseguesaun nia leet, ‘’Na’i Maromak nebe boot no ita nia Salvador Jesus Kristu ninia hatudu an’’ mak sai nu’udar ‘’esperansa ksolok’’. Tito 2:13. Apostulu Paulo indika ba moris hias nebe sei akontese iha Salvador ninia mai, wainhira ema mate iha Kristu hetan moris hias, no hamutuk ho sira nebe moris sei hetan hiit hodi hasoru ho Na’i Maromak iha Kalohan leten. ‘’No nune’e mak,’’ nia hatete, ita sei hamutuk nafatin ho Na’i Maomak. Tanba ne’e foo aten brani ba malu ba ho lia fuan sira ne’e.’’ 1 Tesalonia 4: 17, 18.
Iha Patmus eskolante nebe hetan hadomi liu, rona promesa, ‘’Tebes, Ha’u sei mai kedas,’’ no ninia resposta halo lian iha orasaun igreja nian, ‘’ Se nune, mai ba, Na’i Jesus.’’ Apokalipse 22:20.
Husi kadeia rai okos, husi palku no tore (nebe tara ka oho ema) leten, no iha dadur nia laran, iha neba mak ema santu no martir sira fo sasin kona ba lia loos, husi sekulu ba sekulu sira tuun hodi haklaken sira nia fee no esperansa. Tanba ‘’serteza ho Ninia moris hias pesoal, nu’udar konsikuensia husi sira nia moris hias rasik iha tempu Ninia mai, ba objetivu ida-ne’e.’’ Ema ida husi ema Kristaun sira ne’e, ‘’odiu mortalidade, no realidade sira iha mortalidade nia leten.‘’ Ema weldensia konserva mos fiar nebe hanesan. Wycliffe, Luther, Calvin, Knox, Ridley, no Baxter’’ sira haree ba Na’i Maromak ninia mai ho fee. Ida ne’e mak esperansa igreja apostuliku nian nu’udar, ‘’igreja nebe iha rai henek maran,’’ no iha reformasaun.
Profesia la profetiza de’it maniera no objetivu Kristu ninia mai ba dala rua, maibe hatudu mos sinal-sinal nebe mak liu husi sinal sira ne’e ema bele hatene bainhira mak tempu ne’e besik to’o ona mai. “Sei mosu sinal sira iha loron-matan, no iha fulan, no iha fitun sira.,” Lucas 21:25. ‘’Loron-matan sei sai nakukun, no fulan sei la foo ninia naroman, no fitun sira iha lalehan sei monu, no poder sira iha lalehan sei nakdoko. Hafoin ne’e, sira sei haree Oan Mane mai iha kalohan laran nakonu ho poder no gloria nebe boot.’’ Marcos 13:24-26. Revelador deskrebe katak sinal primeiru sei mosu uluk mai antes Kristu mai ba dala rua: ‘’Sei akontese rai nakdoko nebe maka’as; no loron matan sai metan nakukun hanesan fuk karon, no fulan sai hanesan ran. Apokalipse 6:12.
Maksoin profetiza estadu nebe nakonu ho degradasaun nebe sei akontese molok Nia mai ba dala rua. Ba sira nebe moris iha tempu ida-ne’e, Kristu foo konseilu: ‘’Kuidadu imi an ba, atu imi laran labele karegadu ho festa no hemu lanu, no mos prekupasaun mundu nian, atu nune loron Na’i Maromak nian keta monu ba imi sein imi hatene.’’ ‘’nafatin matan moris neon na’in, no nafatin halo orasaun, atu imi bele konsederadu marese hetan salva husi dezastre hotu nebe sei mak akontese ne’e, hodi hamriik metin iha Oan Mane nia futar oin. Lucas 21:34, 36.
Xamada Hodi Prepara
Atu nafatin lembra kona ba loron boot ida ne’e, Na’i Maromak nia futar lian bolu ema hotu atu buka Ninia oin liu husi arependementu:
“Na’i nia loron mai, besik dadauk ona. Santifika Jejun ida, no konvoka asembleia solene ida, halibur ema hotu, santifika kongregasaun sira, halibur ansiaun sira, halibur labarik ki’ik sira …. No husik nai lulik sira, no servidor ministeiru Na’i Maromak nian tanis iha entre beranda no altar nia leet” ‘Fila mai Ha’u ho imi laran tomak, ho jejun, tanis no lutu: no haree didi’ak imi an no prepara ba povu ida hodi hamriik iha Na’i Maromak nia loron, tenki finaliza uluk serbisu boot reformasaun nian. Iha Ninia misrekordia Nia sei haruka mensajen hodi hafanu ema sira nebe konfesa Nia, Nune Nia bele lidera sira atu prepara Ninia mai.
- Haree Daniel T. Taylor, Ukun Kristu nian iha Rai Klaran: ka, Igreja nia lian iha tempu hotu, p. 33.
*Iha livru kompletu, Kontroversia Boot, lee na’in sira sei hetan istoria sobrs ema waldenses no Reformador Protestante sira Seluk.
Avizu ida-ne’e mostradu iha livru Apokalipse 14. Tuir mai iha mensajen tripla nebe mak reprezentadu hanesan ho ida nebe mak hato’o husi kriatura selestial sira, no haktuir imediatamenete kedas ho Oan Mane Ninia mai hodi halibur ‘’koileta iha rai klaran.’’ Profeta ne’e haree anju ida semo iha lalehan nia leet, lori ho Evanjellu rohan laek hodi haklaken ba ema sira nebe hela iha mundu, no ba kada nasaun, suku, no lian ida-ida, no ema sira hatete ho lian maka’as, hantauk ba Na’i Maromak, no hahii ba Nia; basa tempu Ninia julgamentu to’o tiha ona no adora ba Nia nebe mak halo ona lalehan, no rai, no tasi no bee matan hotu.
Mensajen ida-ne’e mak parte husi ‘’Evanjellu rohan laek.’’ Na’i Maromak foo konfiansa ba iha ema atu hala’o knaar haklaken nian. Anju santu sira sei diriji, maibe proklamasaun Evanjellu sei hala’o husi Kristu nia atan sira iha rai klaran.
Perigu Wainhira Rejeita Xamada Evanjellu
Destruisaun Jeruzalem sai avizu seriu ida ba ema hotu nebe mak reziste pedidu misrekordia selestial. Profesia Maksoin kona ba julgamentu Jeruzalem nian sei hakonu ho kumprimentu seluk. Iha destinu sidade nebe mak eskoiluidu ita haree kondenasaun ba mundu nebe mak reziste tiha ona Na’i Maromak ninia misrekordia no sama Ninia ukun fuan sira. Nakukun mak sai rekorde mizeria ema nian nebe mak hetan asisti husi mundu. Akontesementu terivel ida-ne’e mak rezultadu husi rejeita autoridade lalehan. Maibe paisajen nebe nakukun liu mak iha revelasaun kona ba akontesementu iha futuru. Wainhira Na’i Maromak nia Espiritu sira nebe tahan hela anin matan hat ne’e hetan dada sai husi sira nia knaar, laiha tan ona buat ida mak atu bele tahan tan luxuria nia rabenta no Diabu nia siak, mundu sei haree la hanesan ho uluk no akontesementu neba sei akontese nunka akontese iha antes, basa ida-ne’e mak rezultadu husi Diabu nia governansia.
Iha tempu neba, hanesan mos iha destruisaun Jeruzalem nian antes, Na’i Maromak ninia povu sei hetan Liberdade. Haree Isaias 4:3; Mateus 24:30,31. Kristu sei mai bad ala rua hodi halibur Ninia povu nebe foo laran ba Nia. ‘’Iha momentu neba suku hotu iha rai klaran sei tanis, no sira sei haree Oan Mane mai iha kalohan nia leten ho poder no gloria nebe boot. Nia sei haruka Ninia anju sira ho lian trombeta nian nebe boot, no sira sei halibur hamutuk Ninia ema nebe nia hili ona husi anin matan hat, husi mundu nia rohan ida ba to’o fali iha rohan ida seluk. Biar ba ema kuidadu atu nune’e sira la abandona Kristu nia lia fuan. Hanesan Nia foo avizu ba Ninia eskolante kona ba destruisaun Jeruzalem, atu sira bele halai subar, nune’emos Nia aviza ba mundu kona ba loron destruisaun final.
- Atu hetan esplikasaun detailadu sobre mensajen ida-ne’e no sira nebe mak hahuu ona haklaken mensajen ne’e, bele haree iha Kontroversia Boot, kapitulu 17 no 18, no kapitulu sira seluk nebe k madezenvolve asuntu tuir mai.
(55) Ema hotu hakarak halai husi malisan siak nebe sei mai. ‘’Sei mosu sinal sira iha lalehan, iha fulan, no iha fitun sira; ho susar boot sei akonteseba ba nasaun sira iha rai klaran.’’ Lucas 21:25, haree mos iha Mateus 24:29, Marcos 13:24-26; Apokalipse 6:12-17. Lia fuan ‘’Tanba ne’e matan moris neon na’in ba’’ mak lia fuan konseilu Kristu nian. Marcos 13:35. Sira nebe mak la abandona avizu refere sei la moris iha nakukun laran.
Mundu la prontu liu atu respeitu mensajen refere iha tempu ida-ne’e, se kompara ho ema Judeu sira nebe uluk simu avizu Maksoin nian kona ba destruisaun Jeruzalem. Se posibel, loron Na’i Maromak nian sei monu ba ema at sira ho inkonsiente. Wainhira moris la’o iha ronde ida nebe laiha mudansa; wainhira ema mout iha prazer, negosiu, buka osan, wainhira lider relizioju magnifika progresu mundu nian, no ema sira hetan haleu ho seguransa falsu – nune, nu’udar naok naok iha kalan boot iha fatin hela ida nebe laiha guarda, nune mos destruisaun nebe derepenti sei monu mai ba iha ema at sira no ema nebe la prepara no kuidadu an. ‘sira sei la konsege halai.’’ Haree iha Tesalonia 5:2-5.
Diabu Koko Atu Kuida Ema Iha Ninia Poder laran
Liu husi pekadu boot rua, klamar immortalidade no sakralidade loron domingu, Diabu sei diriji ema barak ba iha ninia lohi okos. Nia mak uluk hatuur fondasaun espiritual, nia mos mak ikus kria uniaun simpatia ho Roma.
Liu husi espiritualismu, Diabu mosu hanesan rasa onorabel, kura moras, aprezenta sistema fiar relijiaun ida nebe foun, enkuantu iha tempu hanesan nia lidera ema barak ba iha destruisaun. Desobediensia harahun razaun; prazer sensual, no konflitu nebe haktuir ho ran fakar. funu nebe estimula induljensia at husi klamar, dasa ninia vitima sira nia eternidade mout iha hahalok at no ran fakar. Ida ne’e mak objetivu Diabu nia hodi provoka nasaun sira hodi halo funu, tanba ho dalan hanesan ne’e nia bele bolanti ema nia preparasaun atu hamriik iha loron Na’i Maromak nian.
Diabu estuda tiha ona segredu natureza nian, no nia uza nia poder hotu hodi kontrola elementu sira hotu nebe mak Na’i Maromak permiti. Na’i Maromak proteje Ninia kriatura sira husi destroidor. Maibe mundu Kristaun nian hatudu tiha ona insultu ba Ninia lei, nune’e Nia sei halo saida mak nia deklara ona katak Nia sei – hasai Ninia protesaun husi sira nebe mak rebela hasoru Ninia ukun fuan no ubriga ema seluk atu halo buat nebe hanaesan mos. Diabu kontrola ema hotu nebe la hetan guarda espesial husi Na’i Maromak. Nia sei foo favor no prospera ba ema balun, hodi kontinua hala’o ninia planu, no sei lori problema boot ba iha ema seluk, no halo ema fiar katak Na’i Maromak mak kastigu sira.
Enkuantu mosu mai hanesan mediku nebe maka’as hodi kura moras at sira, Diabu mos sei lori surtu moras no dezastre ba to’o iha sidade-sidade hodi hamenus populasaun no harahun sidade sira. Sei iha asidente iha tasi no rai maran, iha konflagrasaun (ahi-han), liu husi tornado nebe siak no anin boot ho udan jeilu-fatuk, siklone, inundasaun, anin maka’as, tasi sae, no rai nakdoko, Diabu uza ninia poder oin rihun ida. Nia sei dasa mohu ai-horis tasak nebe atu koileta, no agrikultura, nune bele kria hamlaha hodi rezullta susar boot. Nia sei hafoer anin hodi oho ema, nune’e ema rihun ba rihun sei mate.
Lohi-dor boot ne’e sei konvense ema hodi tau todan husi sira nia problema ne’e bai ha ema sira nebe iha obediensia ba iha ukun fuan Na’i Maromak nebe sai nu’udar avizu eternu ba sira nebe kontra. Sei deklaradu katak ema insulta Na’i Maromak atraves kontra loron domingu, katak pekadu ida-ne’e mak lori malisan nebe mak sei labele para to’o observansia loron domingu tenki obrigatori ho forsadu estritamente. ‘’Sira nebe mak harahun homenajen ba loron Domingu prevene hela restorasaun prazer no properidade selestial.’’ Ho nune akuzasaun obrigatoriu nebe uluk indikadu ba Na’i Maromak nia atan sira sei repete fila falli. ‘’Wainhira Acab haree Elias, .… Acab hatete ba nia, serake O mak hasusar Israel? 1 Reis 18:17,18.
Sira nebe mak respeitu Sabadu Biblia nian sei hetan kondena nu’udar inimigu ba lei no orden, harahun limite moral sosiedade, kauza anarkia no koruptu, no hamonu julgamnetu Na’i Maromak nian iha rai klaran. Sira sei akuzadu ho razaun anti governu. Pastor sira nebe la kumpri dever ukun fuan selestial nian, sei marka prezensa iha palpitu, husu ema hotu atu iha obrigasaun hodi obedese ba autoridade sivil. Iha sala legeslativu, no tribunal, kumpridor ukun fuan selestial sira sei hetan kondena. Kores falsu ida sei foo sira nia lia fuan iha akuzasaun ka desizaun hotu; konstrusaun at sei hatuur ba iha tribunal no legaslativu sira nia motivu.
Na’i ulun igreja ho estadu sei sai uniaun ida hodi lobi ka obriga ema hotu atu foo onra ba loron domingu. Atee to’o Amerika nebe koinesidu hanesan estadu livre, ninia ukun na’in no kriador lei sira sei rende ba ezijensia no demanda popular hodi estabelese lei ida nebe mak sei foo onra bai ha loron domingu. Liberdade konsiensia nebe mak sakrifika tiha ona sakrifisiu nebe boot sei la hetan tan ona omenajen. Iha konflitu nebe sei mai ita sei haree lia fuan ezemplu profeta nian, ‘’Dragaun ne’e siak hasoru feto ne’e, no ba halo funu hasoru feto ninia jerasaun restu, nebe mak halo tuir ukun fuan Na’i Maromak nian, iha testamunia kona ba Jesus Kristu. Apokalipse 12:17.
Na’i Maromak nia atan sira, sira nia oin nabilan ho santidade santu, sei muda lalais husi fatin ida ba fali fatin seluk hodi haklaken mensajen husi lalehan. Milagre sei akontese, ema moras sei hetan kura. Diabu mos sei serbisu ho ninia masonik nebe bosok, atee to’o hatuun ahi husi lalehan. Apokalipse 13:13. Ida ne’e mak maneira Diabu nian hodi diriji populasaun iha mundu hamriik hasoru Na’i Maromak.
Mensajen ne’e sei la hato’o sai liu husi argumentu bain-bain maibe, liu husi konfiansa klean ba Espiritu Na’i Maromak nian. Argumentu sira ne’e deklarado tiha ona, i ninia publikasaun foo tiha ona ninia influensia, maibe barak mak hetan impede hodi entende didi’ak lia loos ho kompletu. Ohin loron lia loos bele haree hetan ona ho klaramente. Relasaun familia, relasaun igreja la bale ona atu priense rekejitu sai nu’udar Na’i Maromak ninia oan nebe onestu iha ohin loron ne’e. Maske korpu organizasaun sira ne’e unidu hasoru lia loos, ema barak lubun boot nafatin desidi sira nia prinsipiu hodi tuba matin iha Na’i Maromak nia parte.
Sira nebe obedese ukun fuan Na’i Maromak nian sei konsederadu nu’udar autor ba konflitu no ran nebe nakfakar, nebe hatauk tebes, nebe hakonu mundu ho asidente.
Poder nebe marka prezensa iha avizu ikus nia sei halo ema at hirus, no Diabu sei fanu espiritu odiu, hodi halo persegisaun hasoru ema hotu nebe simu ona mensajen ne’e.
Fee Nebe Dura
Tempu susar no terus iha ita nia oin sei persija fee nebe mak bele satan kole, atrazu, no hamlaha, fee nebe sei la mohu maske hetan tenta ho maka’as. Jaco nia vitoria mak evidensia husi poder orasaun nebe urjenti. Ema hotu nebe kaer metin Na’i Maromak ninia promesa, hanesan ho Jaco halo, sei susesu mos hanesan Jaco nebe susesu. Baku malu ho Na’i Maromak ema itoan de’it mak hatene saida mak baku malu ne’e! Wainhira laloran dezapointementu ataka ema nebe harohan, ema ituan tebes mak kaer metin ba promesa Na’i Maromak sira nian ho fee.
Paisajen nebe terivel tebes husi karakter sobrenatural sei demonstra sai ho imediatamente iha lalehan, nu’udar sinal poder Diabu, kriador masonik nian. Espiritu Diabu nian sei ba iha ‘’liurai sira iha rai klaran’’ no ba iha mundu tomak, hodi ansi nai ulun sira ne’e atu sai unidu ho Diabu iha Diabu ninia luta ikus nian hasoru governansia lalehan nian. Ema sira sei mosu mai halo sira an finji hanesan ho Kristu rasik. Sira sei halo milagre kurativu no rekoinese katak sira iha revelasaun husi lalehan nebe mak kontrari ho Eskritura Sagrada.
Asaun Koroasaun Falsu
Hanesan asaun kulminasaun drama boot lohi nian, Diabu rasik sei halo nia an hanesan ho Kristu. Igreja Kleur tiha ona haree Maksoin ninia mai hanesan konsumsaun (perfeisaun) husi igreja nia esperansa. Agora lohi-dor boot ne’e sei hatudu ninia performasaun katak Kristu mai tiha ona. Diabu sei manifesta nia an hanesan kriatura boot ho nia naroman nebe nabilan, kuaze paresidu ho ilas Na’i Maromak nia Oan Mane iha Apokalipse. Apokalipse 1: 13-15.
Gloria nebe haleu nia, insuperavel (nunka bele atu kompara) ho saida de’it mak matan mortal nunka haree. Rona lian triunfu (manan) haklalak, ‘’Kristu mai ona!’’ Ema hotu hakneak iha ninia oin. Nia hiit ninia liman no foo bensa sira. ninia lian kaber, maibe nakonu ho melodia. Ho lian misrekordia nia aprezenta lia loos balun selestial nebe hanesan ho Maksoin hato’o. Nia kura moras, no tuir mai, iha ninia karakter nebe mak asumidu (hasara hanesan loloos) Kristu, nia afirma katak nia muda tiha ona loron Sabadu ba iha loron domingu. Nia hatete katak sira nebe mak hasantu loron dahituk (loron Sabadu) blasfema (hatuun at) nia naran. Ida ne’e ilusaun nebe todan tebes no kuaze domina kompletu. Ema barak mak sei mout ba iha ninia majika, enkuantu hatete, ida-ne’e mak ‘’poder boot husi Na’i Maromak.’’ Apostulu 8:10.
Na’i Maromak Nia Povu Sei La Hetan Lohi
Maibe povu Na’i Maromak nian sei la hetan lohi. Hanorin lohi husi kristu falsu ida-ne’e la akordu (hanesan) ho Eskritura Sagrada. Ninia bensaun nia hato’o ba iha adorador besta (animal fuik) ho ninia estatua, nu’udar klase nebe mak ba nia Biblia deklara katak Na’i Maromak nia siak nebe la kahur sei fakar tuun ba sira. Diabu la hetan permisaun atu hasara tuir maneira husi Kristu ninia mai, Basa Maksoin avizu nanis tiha ona ba ninia povu kona ba oinsa Diabu nia lohi ba iha pontu ida-ne’e. ‘’Kristu falsu no profeta falsu sira sei mosu mai, no sira sei hatudu sinal-sinal no milagre sira nebe boot; ho asaun sira hanesan ne’e, se posibel, sira sei lohi mos ema eskoilidu sira ….. se sira dehan bai mi, haree ba, nia iha hela rai henek maran; keta sai ba haree: haree ba, nia iha fatin segredu ida; keta fiar. Basa hanesan naroman nebe mai husi loro sae, no nabilan to’o loro monu; nune mak Oan Mane ninia mai sei akontese .’’ Mateus 24:24-27. Haree mos iha Mateus 25:31; Apokalipse 1:7; 1 Tesalonia 4:16, 17. Kristu ninia mai, laiha posibilidade falsifikasaun. Tanba mundu tomak sei haree.
So estudante Sagrada Eskritura nebe badinas de’it mak simu tiha ona domin ba lia loos nebe mak protejidu sira husi ilusaun forte nebe dadur hela mundu. Ho testamunia Biblia nian ne’e, sei detekta lohi-dor nebe mak disfarse (hasubar an). Serake povu Na’i Maromak ohin loron hamriik metin loos iha Na’i Maromak nia futar lian, nune mak sira lakohi rende ba iha evidensia sentidu sira nian? Serake iha krize hanesan ne’e sira sei nafatin kaer metin Biblia, no so Biblia de’it?