Natureza no Revelsaun fó testamuña hanesan konaba Maromak nia Domin. Ita-nia Aman iha Lalehan mak hun ba moris, Sabedoria, no haksolok nian. Hateke ba buat furak no kapa’as natureza nian. Hanoin kona-ba sira nia adaptasaun maravilloza ba nesesidade sira no haksolok, la’ós ba ema nian de’it, maibé ba moris kriatura sira hotu-hotu. Loro-matan no udan ne’ebé fó haksolok no fó fresku ba rai, foho-oan sira, tasi sira no rai tetuk sira, hotu-hotu ko’alia Kriadór nia domin ba ita. Ne’e mak Maromak ne’ebé fornese nesesidade loroloron nian ba Ninia kritura hotu-hotu. Hanesan iha liafuan furak sira husi Salmista.
“Matan hotu-hotu hein iha Ita-boot; no Ita-boot fó sira sira-nia hahán iha nia tempu. Ita-boot mak loke Ita-boot nia liman, no fó satisfeitu ba dezeju husi buat moris hotu-hotu.” Salmo 145:15,16.
Maromak halo ema ho-perfeitu, Santu, no kontenti; no rai justu ,bainhira nia mai husi Kriadór nia liman la lori estragu ka malisan mahon nian. Ne’e tranzgresaun ba Maromak nia Lei— Lei domin nian— ne’ebé lori sofrimentu no mate. Maske iha sofrimentu klaran ne’ebé rezulta husi pekadu, Maromak nia domin revela nafatin. Ne’e hakerek nanis katak Maromak fó malisan ba rai tan de’it ema. Genesis 3: 17. Ai-tarak no kardu–difikuldade sira no provasaun sira ne’ebé halo ninia moris nakonu ho serbisu-maka’as no kuidadu– ne’ebé aponta tiha ba ninia diak nu’udar parte ida husi treinamentu nesesáriu iha Maromak nia planu hodi hasa’e ninia ruina no moe ne’ebé pekadu lori tiha ona mai. Mundu ne’e, mezmu monu ona, ne’e la sofre hotu no terus hotu. Iha natureza rasik nu’udar mensajen esperanza no konfortu. Ihane’ebá aifunan sira iha tardu sira nia leten no ai-tarak taka ho ai-funan-roza sira.
“Maromak mak Domin” ne’e hakerek nanis iha kada abertura natubu leten, iha kada duut matak leten . Manu furak sira ense ár ho sira-nia knananuk haksolok, aifunan mamar koloridu iha sira-nia perfeisaun hamorin ár, ai sira ne’ebé aas husi floresta ho sira nia tahan matak sira– hotu-hotu fó testamuña ba laran-maus, kuidadu aman nian husi ita-nia Maromak no ba Nia dejezu atu halo Ninia oan-sira kontenti.
Maromak nia liafuan revela Ninia karakter. Ninia Anrasik deklara tiha ona Ninia domin rohan-laek no sadi’a. Bainhira Moizes halo orasaun” hatudu Ita-boot nia Glória mai ha’u”, Maromak hatan “ Ha’u sei halo Ha’u-nia larandiak hotu la’o-liu iha ita-boot-nia oin” Exodu 33:18-19. Ida-ne’e mak Ninia Glória. Maromak la’o iha Moizes nia oin hodi dehan, “ Na’I, Na’I, Maromak, laran-sadi’a no nakonu grasa, pasiénsia, no buras iha laran-diak no Lialoos, hatudu laran-sadi’a ba ema rihun ba rihun, perdua injustisa, tranzgresaun no pekadu.” Exodu 34:6-7. Nia ne’e “la hirus lalais, no nakonu ho larandiak,” “ tanba Nia kontenti iha laran-sadi’a.” Jonas 4:2; Miqueia 7:18.
Maromak kesi tiha ona ita-nia fuan ba Nia ho sinál konta-labelek iha lalehan no iha rai. Liu-husi buat sira natureza nian, klean no mamar tebes lasu rai nian ne’ebe ema nia fuan bele imajina, Nia buka tiha ona atu revela Nia-an ba ita. Maibé sira-ne’e seidauk reprezenta Ninia domin ho perfeitu. Maske evidénsia sira ne’e hotuhotu fó-tiha-ona, di’ak nia inimigu hadelek ema nia hanoin, atu nune’e sira hateke ba Maromak ho ta’uk; sira hanoin ba Nia nu’udar hirus no perdua-laek. Satanás dirije ema atu imajina Maromak iha atributu ne’ebé la iha justisa ,–Juiz ne’ebé toos, maldozu no kreditór hois. Nia imajina Kriadór hanesan ema ne’ebé hateke ho matan jelozu hodi haninu ema nia kulpabilidade no pekadu sira, nune’e Nia bele tau julgamentu ba iha sira nia leten. Idane’e atu hasai nakukun nia mahon, liu-husi revela Maromak nia domin infinitu ba mundu, tanba ne’e mak Jezús mai hodi hela iha ema nia leet.
Maromak nia Oan-mane mai iha husi lalehan atu halo manifesta Aman.” Laiha ema ida mak haree tiha ona Maromak iha tempu ne’ebe de’it; Oan-mane mesak de’it, ida ne’ebé iha Aman nia sorin kuana, Nia mak deklara ona Nia” João 1:18. “La iha ema ida mak koñese Aman maibé Oan-mane de’it no ema sira ne’ebé koñese
Nia liu husi Oan-mane ne’ebe hakarak deklara.” Mateus 11:27. Bainhira dixipulu ida husu,” Hatudu Aman ba ami,” Jezús hatan, “ Ha’u hela kleur ona ho imi maibé ita-boot seidauk koñese Ha’u, Filipe? nia ne’ebé hare haree Ha’u haree tiha ona Aman; maibé ita-boot sei dehan hatudu Aman ba ami?” João 14:8,9.
Deskreve Ninia misaun iha mundu, Jezús hateten Na’i “ordena ona Ha’u atu haklaken evanjelu ba ema kiak; Nia haruka ona Ha’u atu kura ema ne’ebé lakonneon, atu haklaken libertasaun ba prizioneiru sira, no rekupera matan-delek hodi haree, no fó liderdade ba sira ne’ebé iha opressaun okos”. Lucas 4:18. Ida-ne’e mak Ninia serbisu. Nia ba hodi halo diak no kura sira-hotu ne’ebé mak hetan opresaun husi Satanás. Iha-ne’ebá aldeia sira tomak laiha halerik ida moras nian iha uma ruma, basá Nia lao-liu husi sira no kura sira nia moras hotu. Ninia serbisu fó evidénsia ba Ninia ordenasaun divinu. Domin, Laran-sadi’a no kompaixaun ne’e revela iha asaun hotu-hotu husi Ninia moris; Ninia fuan fó-sai simpatia ba ema nia oan sira. Nia foti ema nia natureza, nune’e Nia bele alkansa ema nia nesesidade. Ema kiak liu no haraik-an liu la tauk atu hakbesik ba Nia. To’o labarik kiik-oan mós sira hetan atrai ba Nia. Sira hadomi atu sa’e Ninia ain-tuur no hateke ba Ninia oin mamar, laran-murak ho domin.
Jezús la halakon liafuan ida husi lialoos, maibé Nia sempre hato’o ho domin. Nia ezerse ho taktu no nakonu ho neon, atensaun ho laran-diak no konsidera ema. Nia nunka toos, nunka hato’o liafuan ne’ebé la nesesariu ba ema, nunka fó laran-moras ba klamar ne’ebé sinsitivu. Nia la dezaprova ema nia frakeza. Nia hato’o lialoos, maibé sempre ho domin. Nia denúnsia laran-makerek, fiar-laek, no injustisa; maibé matan-been iha nia lian bainhira Nia hato’o Nia siak ne’ebé halo ema nia larankanek. Nia tanis ba Jeruzalem, sidade ne’ebé Nia hadomi, maibé rejeita rejeita hodi simu Nia, ne’ebé mak dalan,lialoos no moris. Sira rejeita ona Nia, nu’udar Salvadór, maibé Nia hateke ba sira ho sadi’a no laranmaus. Ninia moris nakonu ho nega-an no nakonu ho tau-matan ba ema sira seluk. Klamar hotu-hotu folinboot iha nia matan. Enkuantu Nia lori Nia-an ho dignidade divinu, Nia hakruk ho laran-maus ba membru idaidak husi familia Maromak nian. Iha ema hotu-hotu Nia haree klamar ne’ebé monu, ne’e mak Ninia misaun atu salva.
Kristu nia karakter hanesan ne’e mak hetan revela iha Ninia moris. Ida-ne’e mak Maromak nia karakter. Ne’e husi Aman nia fuan mak hamosu kompaisaun divinu, ne’ebé manifesta iha Kristu, suli ba ema nia oan sira. Jezús, laran-maus, Salvadór kompasivu, Maromak manifesta iha isin-lolon. 1 Tim 3:16
Ne’e atu soi ita tanba ne’e Jezús moris, terus no mate. Nia sai ema ne’ebé terus atu ita bele sai partisipante ba haksolok rohan-laek nian. Maromak fólisensa ba Nia Oan-mane doben, nakonu ho grasa no lialoos, mai husi mundu ne’ebé labele deskreve nia Glória ba mundu estragu no frustra ho pekadu, nakukun ho mate nia mahon no malisan. Nia fó-lisensa ba Nia atu husik Ninia fatin nakonu-domin ho adorasaun husi anju sira, hodi sofre moe, insulta, haraik-an, odíu, no mate.
”Kastigu ne’ebé ita lori atu hetan dame iha Nia leten; no husi Ninia kanek ita hetan isin diak.” Izaiah 55:5 Hateke ba Nia iha dezertu, iha Getsemani, iha kruz leten! Maromak nia Oan-mane ne’ebée tadan-laek foti ba Niaan naha-todan pekadu nian. Nia ne’ebé uluk Ida ho
Maromak sente ba Nia klamar separasaun terrivel ne’ebé pekadu kauza entre Maromak ho ema. Hois husi Ninia ibun tanis laran-terus, “ Ha’u nia Maromak, Ha’u nia Maromak, tansá mak Ita-boot husik Ha’u?” Mateus 27:46. Ne’e pekadu nia naha-todan, sensasaun husi ninia terrivel boboot, husi ninia separasaun klamar husi Maromak- ne’e mak uluk harahun Maromak nia Oanmane nia fuan.
Maibé sakrifisiu boot ida ne’e laós halo atu bele iha Aman nia fuan kria domin ida ba ema, laós atu halo Nia iha hakarak atu salva. Lae, lae! “Maromak hadomi tebes mundu tanba ne’e Nia fó Nia Oan-mane mesak.” Joao 3:16. Aman hadomi ita, laós tanba fó-tulun boot, maibé Nia fornese fó-tulun tanba Nia hadomi ita. Kristu nu’udar meiu husi ida-ne’ebé Nia bele hatún Nia domin infinitu ba mundu ne’ebé monu-ona. “ Maromak uluk iha Kristu atu hadame mundu ba Nia-an.” 2 Korinto 5:19. Maromak sofre ho Nia Oan-mane. Iha sofrimentu Getsemani, mate iha Kalvariu, fuan husi Domin Infinitu selu folin husi ita-nia sasoin.
Jezús hateten, “ho nune’e , Ha’u-nia Aman hadomi Ha’u, tanba Ha’u fó Ha’u-nia moris, nune’e Ha’u bele foti nia fali.” João 10:17. Ne’e mak, Ha’u-nia Aman hadomi tebes imi ne’ebe sei hadomi liu Ha’u hodi fó Ha’u-nia moris atu soi imi. Sai imi-nia Substitui no garantia, husi entrega Ha’u-nia moris, hodi foti imi-nia frakeza sira no tranzgresaun sira, Ha’u sai hadomi liu ba Ha’u-nia Aman; basá ho Ha’u-nia sakrifisiu Maromak bele sai justu no mezmu tempu,” Justifikadór ba ema ne’ebé iha fiar ba Jezús.” Roma 3:26.
Laiha-ema-ida maibé Maromak nia Oan-mane bele akaba ita-nia sasoin; basá Nia de’it ne’ebé iha Aman nia sorin-kuana mak bele fó-sai. Nia de’it ne’ebé hatene domin nia altura no profundu husi Maromak mak bele manifesta. Laiha buat ida menus husi sakrifisiu infinitu halo husi Kristu konforme ba ema ne’ebé monu ona bele espresa Aman nia domin ba umanidade lakon ona.
“Maromak hadomi tebes mundu, nune’e Nia fó Nia Oan-mane mesak.” Joao 3:16. Nia fó laós atu hela iha ema nia leet de’it, atu lori sira nia pekadu sira, no mate ba sira-nia sakrifisiu, Nia (Aman) fó Nia (Kristu) ba rasa ne’ebé monu ona. Kristu atu identifika Nia-an ho interese no nesesidade umanidade nian. Nia ne’ebé uluk hamutuk ho Maromak liga Nia-an ho ema nia oan sira liu-husi tali-kesi ne’ebé nunka kotu. Jezús ne’e “la-moe hodi bolu sira maun alin;” Ebreu 2:1. Nia mak ita-nia sakrifisiu, ita-nia Advogadu, ita-nia Maun, lori ita-nia forma úmanu hodi aprezenta iha Aman nia tronu, no liuhusi sekulu eternu sira, ida ho rasa ne’ebé Nia Maromak nia Oan-mane soi ona–Sira ne’e hotu atu nune’e bele hasa’e ema husi sobun no kastigu husi pekadu, nune’e nia bele refleta Maromak nia domin, no partisipa iha ksolok santidade nian.
Folin selu ona ba ita-nia sasoin, sakrifisiu infinitu husi ita-nia Aman lalehan ne’ebé fó Ninia Oan-mane hodi mate ba ita, fó tiha ba ita konseitu aas kona-ba ita bele atu sai saida liu-husi Kristu. Bainhira apóstolu inspiradu João haree aas, klean no luan husi Aman nia domin ba rasa ne’ebé lakon, nia uluk nakonu adorasaun no reverénsia; no, nia falla atu hetan lian aproriadu idane’ebé atu espresa boot liu no mamar liu domin ida-ne’e, nia bolu ba mundu atu atensaun ba ne’e. “haree domin boot oinsa mak Aman haraik ona ba ita, nune’e bolu tiha ita nu’udarMaromak nia oan sira.” 1 João 3:1. Valór sá mak iha ema nia leten! Liu-husi tranzgresaun , ema nia oan sira sujeitu ba Satanás. Liu-husi fiar iha Kristu nia sakrifisiu espiatóriu, Adaun nia oan sira bele sai Maromak nia oan sira. Liu-husi assume natureza umanu, Kristu hasa’e umanidade. Ema monu ona koloka iha pozisaun ne’ebé, liu-husi ligasaun ho Kristu sira bele sai loloos merese ho naran “Maromak nia oan sira.”
Domin hanesan ne’e sein paralelu. Aman laleha nia oan-sira! Promesa folin-boot! Tema ba meditasaun profundu liu! Maromak nia domin ne’ebé labele kompara ba mundu la hadomi Nia! Hanoin ida ne’e iha ezerse podér ukun klamar, no lori neon ba dadur laran ba Maromak nia hakarak. Ita estuda liu-tan karakter divinu iha naroman husi kruz, ita haree liutan laran-sadi’a , laran-maus, no perdaun kahur ho justu no justisa, no klaru liu tan ita haninu domin ida nia evidénsia suralabelek ne’ebé mak infinitu, no laran-maus sadi’a liu fali inan ida nia simpatia iha ninia oan ne’ebe gosta kontra.