Iha dalan barak iha ida-ne’ebé Maromak ne’e buka atu halo koñese Nia-an ba ita no lori ita ba iha komuñaun ho Nia. Natureza ko’alia ba ita sensu sira sein remata. Fuan nakloke sei hetan atrai ho domin no glória Maromak nian henesan revela tiha ona liu-husi serbisu sira husi Ninia liman. Tilun rona-nian sei rona no komprende Maromak nia komunikasaun liu-husi buat sira natureza nian. To’os matak, ai aas sira, ai-tubuk no ai-funan sira, kalohan ne’ebé liu, udan ne’ebé tún, sabak mota oan sira, glória sira husi lalehan, ko’alia ba ita-nia fuan sira, no konvida ita atu sai koñese malu tiha ho Nia ne’ebé halo sira ne’e hotu.
Ita-nia Salvadór futun Ninia lisaun folin-boot sira ho buat natureza sira. Ai sira, manu sira, ai-funan sira husi foho-leet, foho sira, bee lihun sira, no lalehan furak, hanesan ho insidente no ambiente husi moris loroloron, ne’e hotu-hotu liga ba liafuan sira husi lialoos, nune’e
Ninia lisaun sira bele dala barak fó hanoin fali ba ita-nia memoria, mezmu entre kuidadu okupadu husi serbisutodan husi ema nia moris.
Maromak hakarak atu Ninia oan-sira apresia Ninia serbisu sira no kontenti iha simples, furak liu ho idane’ebé Nia hafutar tiha ona ita-nia uma mundu nian. Nia mak domin-nain ba furak, no liu hotu atrativu liur-nian mak Nia hadomi karakter nia furak; Nia hakarak ita kuda kamoos no simplisidade, kabeer liu ai-funan sira husi.
Karik ita hakarak rona de’it, Maromak nia obra sei hanorin ita lisaun folin-boot husi obediénsia no konfiansa.
Husi fitun sira ne’ebé iha sira-nia dalan trajetu sira nakonu espasu, tuir husi sira-nia dalan apontadu tinan ba tinan, to’o iha átomu ki’ik liu, sasán sira natureza nian obedese Kriadór nia hakarak. No Maromak kuidadu buat hotu-hotu no sustenta buat hotu-hotu ne’ebé Nia kria ona. Nia ne’ebé mak kaer mundu konta-labelek liu-husi sukat-labelek, iha tempu hanesan tau-matan ba hakarak husi manu-llin kiik oan, ne’ebé hananu ninia knananuk haraik-an ho ta’uk. Bainhira ema la’o ba ninia serbisutodan loroloron, hanesan bainhira sira involve iha orasaun; bainhira sira toba iha kalan, no bainhira hadeer iha dadersaan; banhira ema riku halo festa iha ninia palasiu, ka bainhira ema kiak halibur ninia oan sira konaba hahán oitoan liu, ida-idak hetan tau-matan ho laranmaus husi Aman lalehan. Laiha matan been ne’ebé monu mak Maromak la nota. Laiha hamnasa ne’ebé Maromak la tau marka.
Karik ita hakarak fiar de’it ida ne’e, ansiedade la merese hotu-hotu sei sai fahe-malu. Ita-nia moris sei la ense-nakonu tan ho esperanza-laek hanesan agora; basá buat hotu, nia boot ka kiik, sei husik hotu iha Maromak nia liman, ne’ebé mak la hetan laran-taridu husi kuidadu ba buat barak tebetebes, ka nein domina ho sira-nia todan. Ita sei tuirmai haksolok ho deskansa ida klamar nian ida-ne’ebé ema barak kleur tiha ona la sente.
Hanesan imi-nia sensu sira kontenti iha atrativu furak husi rai, hanoin ba mundu ne’ebé atu mai, ne’e sei nunka hatene malisan husi pekadu no mate; iha-ne’ebé natureza nia oin sei hata’is lalatak husi malisan. Biar iminia imajinasaun imajina uma husi ema ne’ebé hetan salvasaun, no hanoin katak ita-ne’e sei sai gloriouzu liu duké imi-nia imajinasaun nabilan liu bele hahilas. Iha Iaromak nia prezenti oioin iha natureza ita haree maibé nakdeer mihis liu husi Ninia glória. Ne’e hakerek nanis, “matan seidauk haree, no tilun seidauk rona, no mós seidauk tama ema nia fuan, buat sira ne’ebé Maromak prepara ba sira ne’ebé hadomi Nia.” 1 Korinto 2:9.
Poeta no naturalista iha buat barak atu dehan konaba natureza, maibé ne’e Kristaun mak haksolok furak husi rai ho apresiasaun aas tebes, tanba nia rekoñese ninia Aman nia liman serbisu no sente Ninia domin iha ai-fuan, ai-oan, no ai sira. Laiha ema ida mak apresia tomak signifikansia husi foho no foho-leet, mota no tasi, ne’ebé la hateke ba sira nia leten hanesan espresaun husi Maromak nia domin ba ema.
Maromak ko’alia ba ita liu-husi ninia providénsia serbisu no liu-husi influénsia Ninia Espiritu nian iha fuan. Iha ita-nia sirkumstánsia sira no ambiente sira, iha mudansa loroloron hola fatin haleu ita, it abele hetan lisaun sira folin-boot karik ita-nia fuan loke de’it atu haree sira. Salmista, tapa tuir serbisu husi Maromak nia providénsia, dehan “ Rai ne’e nakonu ho Na’i nia diak.” “Sé mak matenek liu hodi observa buat sira ne’e hotu, to’o sira komprende kariñozu husi Na’i.” Salmo 33:5;107:43.
Maromak ko’alia ba ita iha Ninia liafuan. Iha-ne’e ita iha liña klaru liu revelasaun husi Ninia karakter, husi Ninia hasoru ho ema, no serbisu boot sasoin nian. ihane’e loke iha ita-nia oin istória husi patriarka sira, profeta sira no ema santu tuan sira seluk. Sira ne’e ema “sujeitu ba paixaun sira hanesan ita.” Tiago 5:17. Ita haree oinsa sira luta liu-husi deskorajen sira hanesan ita-nian rasik, oinsa sira monu iha tentasaun okos hanesan ita halo tiha ona, no sei foti fuan fila fali no manan liu-husi Maromak nia grasa; no, haree ba, ita hetan korajen iha ita-nia haka’as an tuir justisa. Hanesan ita lee husi esperiénsia folin-boot sira fó tiha ba sira, husi naroman, domin no bensan sira-nian atu goza, no husi serbisu sira halo liu-husi grasa fó ona ba sira, espiritu ne’ebé inspira ona sira hamoris ahi-lakan husi kompetisaun santa iha ita-nia fuan no dezeju ida atu sai hanesan sira iha karakter—hanesan sira atu la’o ho Maromak.
Jezús dehan tiha ona husi Eskritura Testamentu tuan,–no oinsa liu tan ida ne’e loos husi Foun,–“sira mak ida-ne’ebé fó testamuña kona-ba Ha’u,” Maksoin, iha Nia ita-nia esperanza sira husi moris roha-laek ne’e hetan sentru. João 5:39. Sim, Bíblia tomak ko’alia konaba Kristu. Husi rekorda dahuluk kriasaun nian—basá “sein Nia laiha buat ida mak mosu ne’ebé halo tiha ona”—ba promesa ikus, “Haree ba, Ha’u mai ho lalais,” ita mak lee dadaun husi Ninia serbisu sira no rona ba Ninia lian. João 1:3;Apokalipse 22:12. Karik imi sai koñese malu ona ho Salvadór, estuda Santa Eskritura sira.
Ense fuan tomak ho Maromak nia liafuan sira. Sira mak bee moris, halo la hamrook imi-nia hamrook tebes. Sira mak paun moris husi lalehan. Jezús deklara, “Exetu imi han isin husi ema nia Oan-mane, no hemu Ninia raan,imi laiha moris iha imi.” No esplika Nia-an ho dehan, “liafuan sira ne’ebé Ha’u ko’alia tiha ona ba imi, sira mak espiritu, no sira mak moris.” João 6:53,63. Itania isin-lolon harii husi saida mak ita han no hemu; no hanesan iha ekonómia natural, nune’e iha ekonómia espirituál: ne’e mak buat ne’ebé ita halo meditasaun ne’ebé sei fó ton no forsa ba ita-nia natureza espirituál.
Tema husi sasoin mak ida ne’ebé anju sira dezeju atu hateke ba laran; ne’e sei sai siensia no knananuk husi hetan sasoin liu-husi tinan remata-laek husi eternidade. Ne’e la merese husi hanoin ho kuidadu no estuda agora? Laran-sadi’a no domin infinitu husi Jezús, sakrifisiu halo ona iha ita-nia fatin, bolu ba seriu tebetebes no reflesaun solene. Ita tenki hela iha karakter husi ita-nia Maksoin doben no interseisor. Ita tenki medita misaun husi Nia ne’ebé mai tiha ona hodi salva Ninia ema husi sira-nia pekadu sira. Hanesan ita kontempla tema sira lalehan nian, ita-nia fiar no domin sei krese forsa liu no ita-nia orasaun sira sei bele simu liu tan ba Maromak, tanba sira sei sai kahur liu tan ho fiar no domin. Sira sei sai matenek no fervente. Ihane’ebá sei iha konfiansa konstante liu iha Jezús, no loroloron, moris esperiénsia iha Ninia podér atu salva ba ema hotu-hotu ne’ebé mai ba Maromak husi Nia.
Hanesan ita medita iha Salvadór nia perfeisaun, ita tenki hakarak atu hetan transforma no hafoun tomak ba imajen husi Ninia kamoos. Iha-ne’ebá sei iha hamlaha no hamrook ida husi klamar atu sai hanesan Nia ne’ebé ita adora. Ita-nia hanoin sira iha Kristu liu tan, ita sei ko’alia kona-ba Nia liu tan ba ema seluk no reprezenta Nia ba mundu.
Bíblia laós hakerek nanis ba ema eskolár de’it; iha kontrariu, ne’e uluk dezena tiha ba ema baibain. Lialoos boot nesesariu ba salvasaun ne’e halo tiha klaru hanesan loron-meiudia; no laiha ida mak sei pekadu no lakon sira-nia dalan exetu sira-ne’ebé tuir sira nia julgamentu rasik envezde husi revela ona ho klaru Maromak nia hakarak.
Ita tenki la foti testamuña husi ema ruma hanesan ba saida mak eskritura sira hanorin, maibé tenki estuda Maromak nia liafuan ba ita-nia-an. Karik ita autoriza ema atu halo ita-nia hanoin, ita sei iha enerjia kude’ik no abilidade sira namkurut. Podér nobre husi hanoin bele sai anaun husi ezersísiu menus iha tema sira merese husi sira-nia konsentrasaun hanesan atu lakon sira-nia abilidade atu kaer signika klean husi Maromak nia liafuan. Hanoin sei haluan karik ne’e uza iha tapa tuir relasaun husi liasaun sira Bíblia nian, kompara eskritura ho eskritura no buat espirituál ho espirituál.
Iha-ne’ebá laiha buat ida tan hetan kalkula atu haforsa intelektuál duké estuda husi eskritura sira. Laiha livru seluk mak maka’as atu hasa’e hanoin sira, atu fó forsa ba fakuldade sira, hanesan luan, nobilita lialoos sira husi Bíblia. Karik Maromak nia liafuan ne’e estuda tiha hanesan nia tenki sai, ema bele iha hanoin luan, nobilita ida husi karakter, no estabilidade ida husi objetivu dala ladún barak haree iha sira-nia tempu sira.
Maibé ne’ebá ne’e benefísiu oitoan de’it mak hetan husi lee eskritura sira ho ansi-an. Ema ida bele lee husi
Bíblia tomak maibé sei falla atu haree ninia furak ka komprende ninia kle’an no signifika subar. Trexu ida estuda tiha to’o ninia signifika ne’e klaru ba hanoin no ninia evidénsia relasaun ba planu salvasaun nian, ne’e valór liu duké lee-liu kapítulu barak ho laiha objetivu katebes iha vista no la hetan instrusaun pozitivu. Guarda imi nia Bíblia ho imi. Bainhira imi iha oportunidade, lee nia; tau versu sira iha imi nia hanoin. Mezmu enkuantu imi la’o hela iha dalan imi bele lee trexu ida no medita kona-ba nia, tuirmai tau nia iha imi-nia hanoin.
Ita labele hetan sabedoria sein atensaun sinseru no estuda akompaña ho nakonu-orasaun. Parte balu husi eskritura ne’e klaru liu duni atu labele hetan salakomprende, maibé iha-ne’ebá iha sira seluk ne’ebé nia signifika la bosok iha superfísie atu haree lalais.
Eskritura tenki kompara ho eskritura. Iha-ne’ebá tenki iha buka kuidadu no reflesaun akompaña ho orasaun. No estuda hanesan sei selu fali ho riku. Hanesan traballista deskobre uat husi metal folin-boot subar iha superfisie rai nia okos, nune’e nia ne’ebé ho tahan buka
Maromak nia liafuan hanesan ba rikusoin subar hetan lialoos sira husi valór aas tebetebes, ida-ne’ebé mak subar husi ema ne’ebé buka la kuidadu nia vista. Liafuan inspirasaun nian, medita iha fuan, sei sai hanesan mota suli husi bee matan moris nian.
Labele estuda Bíblia sein orasaun. Molok loke ninia pajina sira ita tenki husu haroman husi Espiritu Santu, no ne’e sei fó tiha. Bainhira Natanael mai ba Jezús, Salvadór fota-liafuan, “haree ema Izrael ida sinseru, iha nia laiha bosok!” Natanael dehan, “Ita-boot hatene ha’u hori-bainhira?” Jezús hatan, “molok Filipe bolu ita-boot, bainhira ita-boot iha ai-figeira okos, Ha’u haree ona itaboot.” João 1:47,48. No Jezús sei haree mós ita iha fatin segredu orasaun nian karik ita sei buka Nia ba naroman ne’ebé ita bele hatene saida mak lialoos. Anju sira husi mundu naroman nian sei hamutuk ho sira iha fuan haraik-an buka ba mata-dalan divinu.
Espiritu Santu hasae no fó glória ba Salvadór. Ne’e Ninia serbisu atu aprezenta Kristu, kamoos husi Ninia justisa, no salvasaun boot ne’ebé ita iha liu-husi Nia.
Jezús dehan, “Nia sei simu husi Ha’u, no sei hatudu ba imi.” João 16:14. Espiritu lialoos nian mak mestre efetivu mesak de’it husi lialoos divinu. Oinsa tenki Maromak estima rasa umanu, dezde Nia fó Ninia Oanmane atu mate ba sira no aponta Ninia Espiritu atu sai ema nia mestre no hatudu dalan konstante!