Liu-husi natureza no revelasaun, liu-husi Ninia providénsia, no ho influénsia husi Ninia Espiritu, Maromak ko’alia ba ita. Maibé sira-ne’e la to’o; ita presiza mós tau ita-nia fuan sira ba Nia. Atu ita bele iha moris espirituál no enerjia, ita tenki iha relasaun atuál ho ita-nia Aman lalehan. Ita-nia hanoin sira bele dirije ba Nia; ita bele medita ba Ninia serbisu sira, Ninia laransadi’a sira, Ninia bensan sira; maibé ida-ne’e laós, iha sensu nakonu liu, komuñaun ho Nia. Atu komuñaun ho Maromak ita tenki iha buat ruma atu ko’alia ba Nia konaba ita-nia moris atuál.
Orasaun mak loke fuan ba Maromak hanesan ba belun ida. Laós katak ne’e presiza atu halo Maromak hatene ita, maibé atu habele ita hodi simu Nia. Orasaun laós lori tún Maromak ba ita, maibé lori sae ita ba Nia.
Bainhira Jezús sei iha rai leten, Nia hanorin Ninia dixipilu sira oinsa atu halo orasaun. Nia dirije sira atu aprezenta sira-nia presiza loro-loron nian ba iha Maromak oin, no soe sira-nia terus ba iha Nia. No garantia Nia fó ba sira katak sira-nia pedidu sira sei rona, garantia hanesan sei fó mós ba ita.
Jezús Nia-an, enkuantu Nia hela iha ema-nia leet, dala barak halo orasaun. Ita-nia Salvadór identifika Niaan ho ita-nia presiza no frakeza, no nune’e Nia sai tiha husudór ida, hahusukdór ida, buka husi Ninia Aman fornesimentu fresku husi forsa, nune’e Nia bele preparaan nafatin ba devér no prova. Nia mak ita nia ezemplu iha buat hotu-hotu. Nia mak Maun ida iha ita nia frakeza sira, “iha pontu hotu-hotu hetan tentasaun hanesan ita;” maibé nu’udar pekadu-laek ida Ninia natureza hadookan husi buat; Nia tahan luta no tortura husi klamar iha mundu ida pekadu nian. Ninia umanidade halo orasaun nesesidade ida no privilejiu ida. Nia hetan konfortu no ksolok iha komuñaun ho Ninia Aman. No karik Salvadór ema nian, Maromak nia Oan-mane, sente orasaun nia presiza, oinsa tan mak tenki ita ema fraku, nakonupekadu mortal sira sente presija liu sinseru, orasaun konstante nian.
Ita-nia Aman lalehan hein atu haraik Ninia bensan tomak ba iha ita leten. Ne’e ita-nia privilejiu atu hemu ho livre iha bee-matan husi domin laiha limite. Admira oinsa, ita halo orasaun oitoan liu!Maromak ne’e prontu no hakarak atu rona orasaun sinseru husi Ninia oan sira nia haraik an liu, ho sira ne’e hotu ne’ebá iha manifesta laran-rurua barak iha ita-nia parte atu fó-hatene ita-nia presiza ba Maromak. Saida mak anju sira husi lalehan hanoin ba moris umanu kiak ajuda-laek, ne’ebé sujeitu ba tentasaun, bainhira Maromak nia fuan husi domin infinitu hanoin-tebes hasoru ba sira, prontu atu fó ba sira liu fali sira bele husu no hanoin, maibé sira halo orasaun oitoan liu no iha fi’ar ki’ik liu? Anju sira hadomi atu hakruuk iha Maromak nia oin; sira hadomi atu besik Nia. Sira konsidera komuñaun ho Maromak hanesan sira-nia ksolok aas liu; maibé oan-sira husi mundu, presiza ajuda barak liu ne’ebé Maromak mesak de’it mak bele fó, haree-hanesan satisfeitu atu la’o sein naroman husi Ninia Espiritu, kompañia husi Ninia prezensa.
Nakukun husi buat aat ida taka sira ne’ebé mak ignora atu halo orasaun. Murmura tentasaun sira husi inimigu dada sira ba pekadu ; no ne’e hotu tanba sira la utiliza privilejiu sira ne’ebé Maromak fó tiha ona ba sira iha promesa divinu husi orasaun. Tan sá mak Maromak nia oan-mane-sira no oan-feto-sira tenki sai laran-rurua atu halo orasaun, bainhira orasaun mak xave liman fiar nian atu loke armazen lalehan nian, iha ne’ebé rai rikusoin rekursu laiha limite husi Omnipoténsia? Sein orasaun la-remata no badinas tau-matan ita iha perigu husi krese kuidadu-laek no sees husi dalan loos. Inimigu buka ho kontinua atu taka dalan ba laran-sadi’a fatin, nune’e ita labele ho pedidu sinseru no fiar hetan grasa no podér atu reziste tentasaun.
Iha-ne’ebá iha kondisaun sira loos iha ida-ne’ebé ita bele hein katak Maromak sei rona no hatan ita-nia orasaun sira. Ida husi dahuluk sira-ne’e nian mak ita sente ita-nia presiza ajuda husi Nia. Nia promesa tiha ona, “Ha’u sei hatuun bee ba iha nia ne’ebé mak hamrook, no bee-sae iha rai maran.” Izaias 44:3. Sira ne’ebé mak hamlaha no hamrook ba justisa, ne’ebé hanoin-tebes ba Maromak, bele serteza katak sira sei ense-nakonu tiha. Fuan tenki loke ba Espiritu nia influénsia, se lae Maromak nia bensan lebele simu.
Ita-nia presiza boot ne’e rasik argumentu ida no defende ho ko’alia kabeer iha ita-nia importansia. Maibé ita tenki buka Nai mak Nia halo sira-ne’e hotu ba ita. Nia dehan, “husu, no ne’e sei fó ba imi.” No “Nia ne’ebé la tahan Nia Oan-mane rasik, miabe entrega Nia ba ita hotu, oinsa mak Nia la ho fó buat hotu ba ita ne’ebé hamutuk ho Nia?” Mateus 7:7; Romano 8:32.
Karik ita konsidera injustisa iha ita-nia fuan sira, karik ita namlele ba pekadu ruma ita hatene, Na’i sei la rona ita; maibé orasaun husi penitente, klamar laran-triste tanba pekadu ne’e sempre simu. Bainhira laloos hotuhotu ne’e haloos tiha, ita bele fiar katak Maromak sei hatan ita-nia pedidu sira. Ita-nia meritu rasik sei nunka rekomenda ita ba Maromak nia favór; ne’e Jezús nia merese mak sei salva ita, Ninia raan ne’ebé sei hamoos tiha ita; maibé ita iha serbisu atu halo iha konforma ho kondisaun sira husi sasimuk.
Elementu seluk husi kbi’it orasaun nian mak fiar. “nia ne’ebé mai ba Maromak tenki fiar katak Nia iha, no katak Nia mak ema ne’ebé selu-kole ba sira ne’ebé buka Nia ho badinas.” Ebreu 11:6. Jezús hateten ba Nia dixipulu sira, “Saida de’it mak imi hakarak, bainhira imi halo orasaun, fiar katak imi simu sira ona, no imi sei hetan sira.” Marcos 11:24. Ita fiar Nia iha Ninia liafuan ka?
Garantia ne’e luan no laiha limite, no Nia mak fiarmetin ne’ebé promesa ona. Bainhira ita la simu ba buat ne’ebé ita husu ba iha tempu ne’ebá ita husu, ita sei fiar ba katak Maromak rona no katak Nia sei hatan ita-nia orasaun sira. Ita halo sala liu no haree-badak katak ita dala ruma husu ba buat sira ne’ebé sei la sai bensan ba ita, no ita-nia Aman lalehan ho domin hatan ita-nia orasaun sira hodi fó ba ita ida-ne’ebé sei sai ba ita-nia diak aas—katak ida-ne’e ita-nia-an sira sei hakarak karik ho vizaun haleno divinu nian ita bele haree buat hotuhotu nu’udar sira iha tebes. Bainhira ita-nia orasaun haree-hanesan la hetan hatan, ita tenki kaer metin ba promesa; basá tempu hatan nian sei mai duni, no ita sei simu bensan ita presiza liu. Maibé atu ezije katak orasaun sei sempre hatan iha meiu ne’e duni no ba buat partikular ne’ebé ita hakarak, ne’e prezordenasaun. Maromak ne’e matenek demais atu sala, no diak demais atu lakohi fó buat diak ruma ba sira ne’ebé la’o iha laranmoos. Tuirmai keta tauk atu konfia, maske imi la haree hatan kedas ba imi-nia orasaun sira. Sadere ba Ninia promesa klaru, “Husu, no ne’e sei fó ba imi.”
Karik ita foti konsellu ho ita-nia dúvida sira no tau sira, ka koko atu rezolve buat hotu ne’ebé ita labele haree ho klaru, molok ita iha fiar, laran-taridu sira sei aumenta de’it no haklean. Maibé karik ita mai ba
Maromak, sente ajuda-laek no dependenti, hanesa ita duni, no iha haraik-an, konfia iha fiar fó hatene ita-nia presiza ba Nia ne’ebé koñesimentu infinitu, ne’ebé haree buat hotu iha kriasaun, no ne’ebé mak ukun buat hotuhotu ho Ninia hakarak no liafuan, Nia bele no sei atende ba ita-nia tanis, no sei husik lampu naroman iha ita-nia fuan laran. Liu-husi orasaun sinseru ita hetan lori ba iha ligasaun ho Infinitu nia neon. Ita bele laiha evidénsia notavel iha tempu ne’ebé ita-nia Maksoin nia oin ne’e hakruuk ba ita iha kompaixaun no domin, maibé ida-ne’e reál hanesan ne’e. Ita bele la senti Ninia kaer-kona haree-belek, maibé Ninia liman ne’e iha leten ho domin no sadi’a laran-maus.
Bainhira ita-mai atu husu laran-sadi’a no bensan husi Maromak, ita tenki iha espiritu domin no perdaun nian iha ita-nia fuan sira. Oinsa ita bele halo orasaun, “Perdua ami-nia ofensa sira, hanesan ami perdua ema sira ne’ebé halo ofensa ba ami,” maibé sei haburas espiritu perdua-laek ida? Mateus 6:12. Karik ita hein itania orasaun rasik atu bele hetan rona ita tenki perdua ema seluk ho maneira hanesan no sasukat hanesan nu’udar ita hein atu hetan perdua.
Badinas iha orasaun halo tiha ona kondisaun ida simu nian. Ita tenki halo orasaun nafatin karik ita hakarak atu krese iha fiar no esperiénsia. Ita ne’e atu sai “instantaneu iha orasaun,” atu “ kontinua iha orasaun, no iha matan-moris hanesan ho fó agradesimentu.” Roma
12:12; Koloso 4:2. Pedro habarani fiar-nain sira atu sai “neon-nain, no matan-moris iha orasaun.” 1 Pedro 4:7. Paulo hesi, “iha buat hotu-hotu liu-husi orasaun no pedidu ho fó-agradesimentu, biar imi-nia pedidu bele halo Maromak hatene.” Filipe 4:6. Judas dehan “ Maibé imi, doben, halo orasaun iha Espiritu Santu, guarda iminia-an iha Maromak nia domin.” Judas 1:20,21.
Orasaun remata-laek ne’e uniaun kotu-laek husi klamar ho Maromak, nune’e moris husi Maromak suli ba iha ita-nia moris; no husi ita-nia moris, kamoos no santidade suli fila ba Maromak.
Iha-ne’eba iha nesesidade ba badinas iha orasaun; biar laiha buat ida hakahik imi. Halo esforsu hotu-hotu atu nafatin loke komunikasaun entre Jezús ho imi-nia klamar rasik. Buka oportunidade hotu-hotu atu ba iha fatin ne’ebé baibain halo orasaun. Sira ne’ebé mak buka duni ba komuñaun ho Maromak sei hetan iha enkontru orasaun, fiar-metin atu hala’o sira-nia dever, sinseru no ansi atu hetan benefísiu hotu-hotu ne’ebé sira bele hetan. Sira sei hadi’a oportunidade hotu-hotu husi tau sira-nia-an iha ne’ebé sira bele simu raiu naroman nian sira husi lalehan.
Ita tenki halo orasaun iha sirkulu familia, no liu-liu ita tenki labele ignora orasaun segredu, basá ida-ne’e mak klamar nia moris. Ne’e imposivel ba klamar atu buras enkuantu orasaun ne’e ignora tiha. Orasaun familia ka publiku de’it ne’e la sufisiente. Iha mesmesak biar klamar nakloke ba Maromak nia matan inspesiona.
Orasaun segredu ne’e sei hetan rona de’it husi Maromak rona-orasaun nian. Laiha tilun kuriouzu mak atu simu naha-todan husi pedidu sira hanesan ne’e. Iha orasaun segredu klamar livre husi influénsia ambiente sira, livre husi laran-nakali. Ho kalma, maibé ho laran-manas , ne’e sei alkansa ba Maromak. Hakarak mamar no permanente sei sai influénsia nalora husi Nia ne’ebé haree iha segredu, Ninia tilun ne’e loke atu rona orasaun hasae husi fuan. Ho kalma, fiar simples klamar harii komuñaun ho Maromak no halibur ba nia-an raiu sira husi naroman divinu atu haforsa no sustenta nia iha konflitu ho Satanás. Maromak mak ita-nia torre forsa nian.
Halo orasaun iha imi-nia fatin-takan, no nu’udar imi ba iha imi-nia serbisu loro-loron biar imi-nia fuan dala barak hasae ba Maromak.
Uluk hanesan ne’e mak Enoque la’o ho Maromak. Orasaun nonok sira-ne’e sae hanesan insensu folin-boot iha tronu grasa nia oin. Satanás labele manan nia ne’ebé fuan hela metin iha Maromak.
Iha-ne’ebá laiha tempu ka fatin iha ida-ne’ebé la aproporiadu atu hasae ita-nia pedidu ba Maromak. Ihane’ebá laiha buat ida mak bele prevene ita husi hasae ita-nia fuan sira iha espiritu orasaun sinseru nian. Iha ema lubun boot husi dalan, iha transaksaun komersiál nia klaran, it abele lori sae ita-nia pedidu ba Maromak no husu ba mata-dalan divinu, hanesan Neemias halo bainhira nia husu ninia pedidu iha Liurai Artaxerxes nia oin. Fatin-takan husi komuñaun bele hetan iha iha ne’ebé de’it mak ita iha. Ita tenki iha odamatan fuan nian ho-kontinua loke no ita-nia konvite ba leten katak Jezús bele mai no hela hanesan bainaka ida lalehan nian iha klamar.
Maske iha-ne’ebá bele atmosfera noda no koruptu ona haleu ita, ita la presiza atu dada-iis ninia miasmas
(venenu husi rai), maibé bele moris iha ár moos husi lalehan. Ita bele taka odamatan hotu-hotu ba imanjinasaun sira la kamoos no hanoin sira la santu ho hasae klamar ba iha Maromak nia prezensa liu-husi orasaun sinseru. Sira-ne’ebé mak nia fuan sira loke atu simu suporta no bensan husi Maromak sei la’o iha atmosfera ida santu liu duké mundu nian no sei komuñaun konstante ho lalehan.
Ita tenki iha vista klaru liu husi Jezús no nakonu komprensaun husi valór realidade rohan-laek nian.
Santidade nia furak mak atu ense fuan sira husi Maromak nia oan-sira; no nune’e ida-ne’e bele remata tiha, ita tenki buka revelasaun divinu husi buat sira lalehan nian.
Biar klamar ne’e dada sai no ba leten, nune’e
Maromak bele fó iis ida husi atmosfera lalehan nian ba ita. Ita bele lori ita-nia-an besik liu ba Maromak nune’e iha tentasaun la espera hotu-hotu ita-nia hanoin sira sei fila ba Nia hanesan ho natural ai-funan fila ba loromatan.
Guarda imi-nia hakarak sira, imi-nia ksolok, imi-nia susar sira, imi-nia kuidadu sira, no imi-nia ta’uk sira iha Maromak oin. Imi labele hatodan Nia; imi labele hafraku nia. Nia ne’ebé bele konta imi-nia fuk sira husi imi-nia ulun ne’e la diferente ba hakarak husi Ninia oan sira.
“Na’i ne’e kompaixaun tebes, no maus laran-sadi’a.” Tiago 5:11. Ninia fuan domin nian ne’e kaer-kona husi ita-nia susar sira no mós ho ita-nia hahesuk husi sira. Entrega hotu ba Nia buat hotu ne’ebé halo laran-rurua ba neon. Laiha buat ida mak boot demais ba Nia atu rezolve, basá Nia kaer tomak mundu sira, Nia ukun asuntu hotu-hotu husi universe. Laiha buat ida preokupa ita-nia pás mak kiik demais ba Nia atu nota. Laiha kapitulu iha ita-nia esperiénsia mak nakukun demais ba Nia atu lee; laiha laran-rurua mak difisil demais ba Nia atu rezolve. Laiha kalamidade bele monu ba kiik liu husi Ninia oan sira, no ansiedade haterus klamar, laiha ksolok kontenti, laiha orasaun sinseru halai-sees husi ibun, husi ida-ne’ebé ita-nia Aman lalehan nian ne’e la observa, ka iha ida-ne’ebé Nia la foti interese kedas. “Nia kura tiha ona fuan moras, no falun sira-nia kanek sira.” Salmo 147:3. Relasaun sira entre Maromak no klamar ida-idak ne’e hanesan momoos no nakonu maske iha-ne’ebá laiha klamar seluk iha rai leten atu fahe Ninia tau-matan, laós klamar seluk ba sé Nia fó Ninia Oan-mane doben.
Jezús dehan, “imi sei husu iha Ha’u-nia naran: no Ha’u la dehan ba imi, katak Ha’u sei halo orasan ba imi ba Aman: basá Aman Nia-an rasik hadomi imi.” Ha’u hili tiha ona imi:….katak saida de’it mak imi husu ba Aman iha Ha’u-nia naran, Ni abele fó ba imi.” João 16:26,27;
15:16. Maibé atu halo orasaun iha Jezús nia naran ne’e buat ida liu fali temi de’it husi naran ne’e iha hahú no remata husi orasaun ida. Ida-ne’e atu halo orasaun iha neon no Espiritu husi Jezús enkuantu ita fiar Ninia promesa sira, sadere ba Ninia grasa, no hala’o Ninia serbisu sira.
Maromak la hakarak atu ita ruma sai eremita ka monje sira no hakdook husi mundu atu dedika ita-nia-an ba asaun sira adorasaun nian. Moris tenki sai hanesan Kristu nia moris—entre foho no ema barak. Nia ne’ebé la halo buat ida maibé halo orasaun lakleur sei para halo orasaun, ka Ninia orasaun sira sei sai rotina formal ida. Bainhira ema lori sai sira-nia-an husi moris sosiál, dook husi ambiente dever Kristaun no lori kruz;bainhira sira para atu serbisu ho sinseru ba Señor, ne’ebé serbisu tiha ona ho sinseru ba sira, sira lakon obejtivu esensiál orasaun nian no laiha insentivu ba devosaun. Sira-nia orasaun sai pesoál no egoista. Sira labele halo orasaun kona-ba hakarak husi umanidade ka harii Kristu nia reinu, husu forsa ba serbisu nian.
Ita sustenta lakon ida bainhira ita ignora privilejiu husi asosia hamutuk atu haforsa no fó korajen ba malu iha Maromak nia serbisu. Lialoos husi Ninia liafuan lakon sira-nia kapás no importansia iha ita-nia neon sira. Itania fuan sira para atu hetan haroman no fanun tiha ho sira-nia influénsia hasantu, no ita fila-kotuk iha espiritualidade. Iha ita-nia asosiasaun nu’udar Kristaun sira ita lakon barak liu-husi menus simpatia ba malu. Nia ne’ebé taka nia-an ba nia-an ne’e la kompleta pozisaun ne’ebé Maromak dezena ba nia. Kultivasaun apropriadu husi elementu sosiál sira iha ita-nia natureza lori ita ba simpatia ho ema seluk no ne’e meiu ida husi dezelvolvimentu no forsa ba ita iha Maromak nia serbisu.
Karik Kristaun sira sei asosia hamutuk ko’alia ba malu kona-ba Maromak nia domin no kona-ba lialoos folin-boot sasoin nian, sira-nia fuan rasik sei hetan fresku no sira sei halo fresku ba malu. Loroloron ita bele aprende liu tan kona-ba ita-nia Aman lalehan, hetan esperiénsia fresku husi Ninia grasa; tuirmai ita sei iha dezeju atu ko’alia kona-ba Ninia domin; no hanesan ita halo ida-ne’e, ita-nia fuan rasik sei hamanas no hetan korajen. Karik ita hanoin no ko’alia barak liu kona-ba Jezús, no an menus, ita sei iha Ninia prezensa liu tan.
Karik ita hanoin de’it ba Maromak hanesan dala barak ita iha evidénsia husi Ninia tau-matan ba ita, ita tenki rai Nia nafatin iha ita-nia hanoin sira no tenki kontenti atu ko’alia bona-ba Nia. Ita ko’alia kona-ba sasán sira temporariu tanba ita iha interese iha sira. Ita ko’alia kona-ba ita-nia belun sira tanba ita hadomi sira; ita-nia ksolok sira no ita-nia susar sira ne’e kesi tiha ho sira. Maibé ita iha razaun ho infinitu boot liu atu hadomi Maromak duké atu hadomi ita-nia belun sira husi rai nian; ida-ne’e tenki sai buat natural liu iha mundu atu halo Nia dahuluk iha ita nia hanoin hotu-hotu, atu ko’alia kona-ba Ninia laran-diak no hato’o kona-ba Ninia podér. Prezente riku sira ne’ebé Nia haraik ona ba ita ne’e la ho intensaun atu absorve ita-nia hanoin sira no hadomi liu nune’e ita sei laiha buat ida atu fó ba Maromak; sira-ne’e ho konstante atu fó-hanoin ba ita kona-ba Nia no atu kesi ita ho talin domin nian no gratidaun ba ita-nia Benfeitór lalehan nian. Ita hela besik demais ba raikraik husi rai. Mai ita hasae ita-nia matan ba odamatan nakloke husi santuariu iha leten, iha-ne’ebé naroman husi Maromak nia glória nabilan iha Kristu nia oin, ne’ebé “mak bele mós atu salva sira ho kompletu ne’ebé mai ba Maromak liu-husi Nia.” Ebreu 7:25.
Ita presiza hahi’i Maromak liu tan “ba Ninia larandiak, no ba Ninia serbisu kapás sira ba ema nia oansira.” Salmo 107:8. Ita-nia lala’ok devosaun sira tenki la konsiste tomak iha husu no simu. Mai ita laós atu hanoin nafatin husi ita-nia hakarak sira no nunka husi benefísiu sira ita simu. Ita labele halo orasaun ruma demais liu, maibé ita rezerva husi fó agradesimentu. Ita mak simuna’in ba Maromak nia laran-sadi’a sira, maibé ita sei espresa gratidaun oitoan liu, ita hahi’i Nia oitoan liu ba saida mak Nia halo tiha ona ba ita.
Iha tempu antigu Na’i husu ema Izrael, bainhira sira enkontru hamutuk ba Ninia serbisu, “Imi sei han iha Na’i imi nia Maromak nia oin, no imi sei haksolok iha buat hotu ne’ebé imi tau imi-nia liman iha leten, imi no imi-nia familia sira, iha-ne’ebé Na’I imi-nia Maromak bensa tiha ona imi.” Deuteronimo 12:7. Ida-ne’ebé halo ba Maromak nia glória tenki halo ho nakonu haksolok, ho knananuk sira hahi’i nian no fó-agradesimentu, laós ho tristeza no oin-kraik.
Ita-nia Maromak ne’e laran-maus ida, Aman nakonu laran-sadi’a, Ninia serbisu tenki la hateke ba hanesan fuan-triste, ezersísiu halo neon-susar. Ne’e tenki sai prazér ida atu adora Na’i no atu hola parte iha Ninia serbisu. Maromak sei laiha Ninia oan sira, ba sé salvasaun boot tebes ne’e prepara tiha ona, halo asaun hanesan harik Nia ema toos ida , mandadór. Nia mak sira-nia belun diak liu; no bainhira sira adora Nia, Nia espera atu hamutuk ho sira, atu bensa no fó konfortu ba sira, ense sira-nia fuan ho ksolok no domin. Maromak dezeju Ninia oan sira atu foti konfortu iha Ninia serbisu no atu hetan prazér liu duké susar iha Ninia serbisu. Nia dezeju katak sira ne’ebé mai hodi adora Nia sei lori sai hamutuk ho sira hanoin folin-boot husi Ninia kuidadu no domin, nune’e sira bele hetan kontenti iha serbisu hotuhotu moris loroloron nian, nune’e sira bele iha grasa atu hasoru ho onestu no fiar-metin iha buat hotu.
Ita tenke halibur besik kruz. Kristu no Nia krusifikasaun mak tenki sai tema kontemplasaun nian, dada-lia nian, no ita-nia emosaun ksolok liu nian. Ita tenki rai iha ita nia hanoin bensan hotu-hotu ne’ebé ita simu husi Maromak, bainhira ita rekoñese Ninia domin boot ita tenki dezeju atu konfia buat hotu ba liman ne’ebé uluk prega iha kruz ba ita.
Klamar bele sae besik liu lalehan ho liras hahi’i nian. Maromak ne’e hetan adorasaun ho knananuk no muzika iha tribunál leten, no nu’udar espresa ita-nia gratidaun ita hakbesik ba adorasaun husi uma-na’in lalehan nian. “nia ne’ebé mak fó hahi’i Maromak fó glória.” Salmo 50:23. Mai ita ho onra haksolok iha ita-nia Kriadór oin, ho “fó-agradesimentu, no lian melodia nian.” Izaias51:3.