Barak, ho espesiál sira ne’ebé nurak iha moris Kristaun, dala ruma problema ho sujestaun husi setisizmu. Iha-ne’ebá iha Bíblia buat barak ida-ne’ebé sira labele esplika, ka mezmu komprende, no Satanás serbisu nune’e atu doko sira-nia fiar iha Eskritura sira hanesan revelasaun ida husi Maromak. Sira husu, “Oinsa mak Ha’u sei hatene dalan loos? Karik Bíblia ne’e Maromak nia liafuan duni, oinsa mak ha’u bele hetan livre husi dúvida sira-ne’e no laran-rurua sira?”
Maromak nunka husu ita atu fiar, sein fó evidénsia sufisiente iha ida-ne’ebé atu bazea ita-nia fiar. Ninia ezistensia, Ninia karakter, nakonu-lialoos husi Ninia liafuan, ne’e hotu-hotu estabelese ho testamuña ne’ebé apela ba ita-nia razaun; no testamuña ida-ne’e abundante. Maibé Maromak nunka hasai dúvida nia posibilidade. Ita-nia fiar tenke bazea ba iha evidénsia, laós demonztrasaun. Sira-ne’ebé mak hakarak atu dúvida iha oprtunidade; enkuantu sira-ne’ebé dezeju liu atu hatene lialoos sei hetan evidénsia barak liu iha idane’ebé atu bazea sira-nia fiar.
Ne’e imposivel ba neon finitu sira atu komprende tomak karakter ka serbisu sira husi Infinitu Ida. Ba intelektuál kro’at liu, neon ne’ebé hetan edukadu liu, nune’e Moris santu tenke mantein taka iha misteriu.
“Bele imi ho buka hetan Maromak? Bele imi to’o perfeisaun Podérozu nian? Ne’e aas hanesan lalehan; saida mak imi bele halo? Klean liu duké infernu; saida mak imi bele hetene? Jó 11:7,8.
Apostulu Paulo fota-liafuan, “O ema riku sira nia klean, tantu sabedoria no koñesimentu husi Maromak! Oinsa Ninia julgamentu sira buka-labelek, no Ninia dalan liu labelek!” Roma 11:33. Maibé maske “kalohan sira no nakukun haleu nia,” justisa no julgamentu mak fundasaun husi Ninia tronu.” Salmo 97:2, Ita bele konprende Ninia relasaun sira ho ita, no motivu sira ho ida-ne’ebé Nia hala’o, nune’e ita bele haninu domin laiha-limite no laran-sadi’a uniaun ho podér infinitu. Ita bele komprende barak husi Ninia objetivu sira hanesan ne’e ba ita-nia diak atu hatene; no liu hotu ida-ne’e ita sei tenki konfia liman ne’ebé mak Omnipotente, fuan ne’ebé nakonu ho domin.
Maromak nia liafuan, hanesan karakter husi ninia Autor divinu, apresente misteriu sira ne’ebé nunka atu bele hetan komprende tomak husi moris finitu sira. Pekadu tama ba mundu, inkarnasaun Kristu nian, inovasaun, resureisaun, no lisaun seluk barak ne’ebé aprezenta tiha ona iha Bíblia, ne’e misteriu klean liu atu esplika ba umanu nia hanoin, ka atu komprende tomak.
Maibé ita laiha razaun atu dúvida Maromak nia liafuan tanba ita labele komprende misteriu sira husi Ninia providensia. Iha mundu natural ita ho kontante haleu ho misteriu sira ne’ebé ita labele penetra. Mezmu forma simples moris nian aprezenta problema ida ne’ebé ema filozofia matenek liu mós podér-menus atu esplika. Iha ne’ebé de’it maravilla husi parte hotu liu ita-nia vizaun. Turmai ita sei sai hakfodak hodi verifika katak iha mundu espirituál mós iha-ne’ebá misteriu sira ne’ebé ita labele penetra? Difikuldade sira ne’e hela de’it iha frakeza no kloot husi umanu nia neon. Maromak fó tiha ona ba ita evidénsia sufisiente iha Eskritura sira husi sira-nia karakter divinu, no ita laós atu dúvida ba Ninia liafuan tanba ita la komprende misteriu sira hotu-hotu husi Ninia providénsia.
Apóstolu Pedro dehan katak iha Eskritura ne’ebá “buat sira defisil atu hetan komprende, mak sira ne’ebé lakoi aprende no fiar la metin……..ba sira-nia destruisaun rasik.” 2 Pedro 3:16. Difikuldade sira husi Eskritura litik tiha ona husi ema sétiku sira hanesan argumentu ida kontra Bíblia; maibé husi ne’e, sira foti evidénsia forsa ida husi ninia inspirasaun divinu. Karik ida-ne’e la kontein relatu husi Maromak maibé nune’e ida-ne’ebé ita bele komprende ho fasil; karik Ninia boot liu no majestade bele komprende ho neon finitu, tuirmai Bíblia sei la lori kredensia sala sira husi autoridade divina. Tema boboot no misteriu hetan aprezenta tenki inspira fiar iha nia hanesan Maromak nia liafuan.
Bíblia loke lialoos ho simplesidade ida no adaptasaun perfeita ida ba nesesidade sira no larankaan sira husi umanu nia fuan, ne’ebé halo hakfodak no hakmo’ok kultivasaun neon sira ne’ebé aas tebetebes, enkuantu ne’e habele ema ne’ebé haraik-an tebes no kultura-laek atu haninu dalan salvasaun nian. No maske espresa lialoos sira-ne’e ho simples kaer metin lisaun sira ne’ebé aas tebes, alkansa-dook tebes, ho infinitu tebes liu-hotu podér husi komprensaun umanu, nune’e ita-bele simu sira tanba de’it Maromak deklara ona sira. Ne’e duni planu sasoin ne’e nakloke ba ita, nune’e klamar hotu-hotu bele haree pasu sira nian atu foti iha arrependimentu ba Maromak no fiar ba ita-nia Na’i Jezús Kristu, atu bele hetan salva iha Maromak nia dalan apontadu; maibé iha lialoos sira nia okos, komprende tiha ho fasil liu, iha misteriu sira ne’ebé mak subar husi Ninia glória—misteriu sira ne’ebé mak domina podér neon iha ninia buka, maibé sei inspira makbukak sinseru ba lialoos ho respeitu-boot no fiar. Nia buka liu tan Bíblia, ninia konvikasaun sai klean liu katak ida-ne’e mak liafuan husi Maromak moris, no razaun umanu hakruuk iha majestade oin husi revelasaun divinu.
Atu rekoñese katak ita labele komprende tomak lialoos boot husi Bíblia ne’e atu admite de’it katak neon finitu ne’e la natoon atu komprende infinitu; ema ne’e, ho ninia limitadu, koñesimentu umanu, labele komprende objetivu sira husi Omnisiénsia.
Tanba sira labele penetra ninia misteriu sira hotu, sétiku no fiar-laek rejeita Maromak nia liafuan; no laós ema hotu ne’ebé profesa atu fiar Bíblia ne’e livre husi perigu iha pontu ida-ne’e. Apóstolu dehan, “ kuidadu, maun alin sira, keta-halo-bé iha imi ruma laran-aat ida fiar-laek nian, ho hadook-an husi Maromak moris.” Ebreu 3:12. Ne’e loos atu estuda ho besik liu hanorin
Bíblia nian no atu buka ba iha “buat klean husi Maromak” hanesan sira revela ona iha Eskritura sira. 1 Korinto 2:10. Enkuantu “buat segredu sira ne’e Maromak ita-nia Na’i nian,” “buat sira-ne’ebé revela ona ne’e ba ita nian.” Deutoronimo 29:29. Maibé ne’e Satanás nia serbisu atu estraga podér investigativu neon nian. Orgullu ida ne’e hetan kahur ho konsiderasaun lialoos Bíblia nian, nune’e ema sente la-pasiénsia no lakon karik sira labele esplika parte hotu-hotu husi Eskritura ba sira-nia satisfasaun. Ne’e umilla demais ba sira atu rekoñese katak sira la komprende liafuan inspiradu sira. Sira lakoi atu hein ho pasiénsia to’o Maromak sei haree ajusta atu revela lialoos ba sira. Sira senti katak sira-nia sabedoria umanu ajuda-laek ne’e sufisiente atu habele sira hodi komprende Eskritura sira, no falla atu halo idane’e, kuaze sira nega ninia autoridade. Ne’e loos katak teoria no doutrina barak ho famozu supoin deriva husi Bíblia ne’e laiha fundasaun iha ninia hanorin, no konserteza kontrariu ba objetivu tomak husi inspirasaun. Buat sira-ne’e sai tiha ona kauza husi dúvida no laranrurua ba neon barak. Sira laós, oinsa mós, bele-karga ba Maromak nia liafuan, maibé laiha ema ida mak perversaun husi ida-ne’e.
Karik ida-ne’e posivel ba moris kriatura sira atu to’o komprende tomak kona-ba Maromak no Ninia serbisu sira, tuirmai, to’o tiha ona pontu ida-ne’e, iha-ne’ebá ba sira sei laiha tan deskobre kona-ba lialoos, laiha krese iha koñesimentu, laiha tan dezenvolvimentu husi neon ka fuan. Maromak sei la sai aas liu tan; no ema, to’o tiha ona limite husi koñesimentu no susesu, sei para atu avansa. Mai ita agradese Maromak katak ne’e la mosu. Maromak ne’e infinitu; iha Nia mak “rikusoin hotu-hotu husi sabedoria no koñesimentu.” Koloso 2:3. No ba eternidade hotu-hotu ema bele nafatin buka, aprende nafatin no maibé nunka kole ho rikusoin husi Ninia sabedoria, Ninia laran-diak, no Ninia podér.
Maromak laran-metin katak maske iha moris ida-ne’e lialoos sira husi Ninia liafuan sei sai loke nafatin ba Ninia ema. Iha-ne’ebá iha dalan ida de’it iha ida-ne’ebé koñesimentu ida-ne’e bele hetan. Ita bele to’o ba komprensaun ida husi Maromak nia liafuan liu-husi de’it haleno husi Espiritu husi ida-ne’ebé liafuan ne’e fó tiha.
“Buat sira Maromak nian laiha ema ida mak hatene, maibé Espiritu husi Maromak;” “basá Espiritu buka buat hotu, sim, buat klean sira husi Maromak.” 1 Korinto 2:11, 10. No Salvadór nia promesa uluk ba Ninia maktuir sira mak, “bainhira Nia, Espiritu lialoos nian, ne’e mai, Nia sei dirije imi ba lialoos hotu-hotu….basá Nia sei simu husi Ha’u, no sei hatudu ne’e ba imi.” João 16:13,14.
Marromak dezeju ema atu hala’o ninia podér rasiosíniu sira; no estuda kona-ba Bíblia sei haforsa no hasae neon nu’udar estuda seluk labele. Maibé ita mak atu matan-moris husi trata razaun hanesan Maromak, ida-ne’ebé sujeitu ba frakeza no isin-fraku husi umanidade. Karik ita laiha Eskritura sira merak tiha ba ita-nia koprensaun, atu nune’e lialoos klaru tebes sei labele hetan komprende, ita tenki iha simplisidade no fiar husi labarik ki’ik oan ida, prontu atu aprende, no husu ajuda husi Espiritu Santu. Sensu ida husi podér no sabedoria Maromak nian, no husi ita-nia abilidade-laek atu komprende Ninia boboot, sei inspira ita ho haraik-an, no ita sei buka Ninia liafuan, nu’udar ita tama ba Ninia prezensa, ho nakonu sentimentu santu. Bainhira ita mai ba Bíblia, razaun tenki rekoñese autoridade superior ida ba nia-an, no fuan no intelektuál tenki hakruuk ba boot HA’U MAK.
Iha-ne’ebá buat barak mak parese difisil ka la-moos, ida-ne’ebé Maromak sei halo klaru no simples ba sirane’ebé mak buka komprensaun ida husi sira. Maibé sein mata-dalan husi Espiritu Santu ita sei sai ho-kontinua responsavél ba hadau Eskritura sira pekadu-interpreta sira. Iha-ne’ebá le’e barak husi Bíblia ne’ebé mak sein proveitu no iha kazu barak kanek positivu. Bainhira
Maromak nia liafuan ne’e loke sein respeitu-boot no sein orasaun; bainhira hanoin no afeisaun sira la hametin ba iha Maromak, ka iha aromnia ho Ninia hakarak, neon ne’e merak ho dúvida sira; no iha estuda Bíblia ne’e, setisizmu haforsa. Inimigu foti kontrola husi hanoin sira, no nia sujere interpretasaun sira ne’ebé laloos. Ihane’ebé de’it mak ema laiha iha liafuan no asaun buka atu sai armonia ho Maromak, tuirmai, sira bele aprende oinsa mós, sira ne’e responsavél ba sala iha sira komprensaun kona-ba Eskritura, no ida-ne’e la seguru atu konfia ba sira-nia esplikasaun. Sira-ne’ebé mak hateke ba Eskritura sira atu hetan la-koerénsia sira, laiha koñesimentu spiritual. Ho bobar vizaun sira sei haree kauza barak ba dúvida no fiar-laek iha buat sira ne’ebé mak klaru tebes no simples.
Sira bele hasubar, kauza reál husi dúvida no setisizmu, iha kazu barak liu mak domin ba pekadu.
Hanorin sira no limitasaun husi Maromak nia liafuan ne’e la hetan simu ba orgullu, fuan hadomi-pekadu, no sira ne’ebé lakoi atu obedese ninia rekerimentu sira ne’e pronto atu dúvida ninia autoridade. Atu bele to’o iha lialoos, ita tenki iha dezeju sinseru to hatene lialoos no hakarak husi fuan atu obedese ne’e. No sira hotu ne’ebé mai iha espritu ida-ne’e atu estuda kona-ba Bíblia sei hetan evidénsia abundante katak ne’e Maromak nia liafuan, no sira bele hetan komprensaun ida kona-ba ninia lialoos ne’ebé sei halo sira neon-nain ba salvasaun.
Kristu dehan tiha ona, “karik ema ruma hakarak atu halo Ninia hakarak, nia sei hatene husi hanorin.” João 7:17, Envezde atu halo pergunta no istori-malu kona-ba ida-ne’ebé imi la komprende, fó atensaun ba naroman ne’ebé nabilan ona imi-nia leten, no imi sei simu naroman boot liu. Ho Kristu nia grasa, performa dever hotu-hotu ne’ebé halo klaru tiha ona ba imi-nia komprensaun, no imi sei sai habele atu komprende no performa sira husi ida-ne’ebé imi agora iha dúvida.
Iha-ne’ebá iha evidénsia ne’ebé mak nakloke ba hotu-hotu, –edukadu aas tebes, no analfabetu tebes,-evidénsia husi esperiénsia. Maromak konvida ita atu aprova ba ita-nia-an sira realidade husi Ninia liafuan, lialoos husi Ninia promesa sira. Nia husu ita “koko no haree katak Maromak ne’e di’ak.” Salmo 34:8. Envezde depende ba iha ema seluk nia liafuan, ita mak atu koko ba ita-nia-an sira. Nia deklara, “Husu, no imi sei simu.” João 16:24. Ninia promesa sira sei hetan kumpre. Sira nunka hetan falla; sira nunka bele falla. No nu’udar ita dada besik ba Jezús, no haksolok iha Ninia domin nakonu nian, ita-nia dúvida no nakukun sei lakon husi Ninia prezensa.
Apóstolu Paulo dehan katak Maromak “halivre tiha ona ita husi podér nakukun nian, no hafila tiha ona ita ba iha reinu husi Ninia Oan-doben.” Koloso 1:13. No ema hotu-hotu ne’ebé liu tiha ona husi mate ba moris ne’e bele atu “konfirma katak Maromak ne’e loos.” João 3:33. Nia bele fó testamuña, “ha’u presiza tiha ona ajuda, no ha’u hetan nia iha Jezús. Hakarak hotu-hotu fornese tiha ona, ha’u nia klamar nia hamlaha satisfeitu ona; no agora Bíblia ba ha’u ne’e revelasaun Jezús Kristu nian. Imi husu tansá mak ha’u fiar iha Jezús? Tanba ba ha’u Nia ne’e Salvadór divinu. Tansá mak ha’u fiar Bíblia? Tanba ha’u hetan tiha ona nia mak sai Maromak nia lian ba ha’u-nia klamar.” Ita bele iha testamuña iha ita-nia-an katak Bíblia ne’e loos, katak Kristu mak Maromak nia Oan-mane. Ita hatene katak ita la tuir hanoin istória halimar ho matenek.
Pedro habarani ninia maun-alin sira atu “krese iha grasa, no iha koñesimentu kona-ba ita-nia Nai no
Salvadór Jezús Kristu.” 2 Pedro 3:18. Bainhira Maromak nia ema ne’e krese iha grasa, sira sei sai ho konstante hetan komprensaun klaru liu kona-ba Ninia liafuan. Sira sei haninu naroman foun no furak iha ninia lialoos segredu sira. Ida-ne’e loos tiha ona iha istória igreja nian iha tinan hotu-hotu. No nune’e ida-ne’e sei kontinua to’o finál. “Dalan ema loos nian mak hanesan naroman madrugada, ne’ebé mak haroman no haroman to’o loron ne’e perfeitu.” Proverbio 4:18.
Ho fiar ita-bele hateke husi ne’e ba oin no kaer Maromak nia kompromissu ba krese ida intelektuál nian, fakuldadu sira umanu nian uniaun ho divinu, no podér hotu-hotu klamar nian lori tiha ona ba kontatu direitu ho Hun naroman nia. Ita bele haksolok katak ida-ne’ebé mak halo ita laran-rurua iha Maromak nia providensia sira tuirmai sei halo sai klaru, buat sira ne’ebé defisil atu komprende sei hetan esplikasaun ida; no iha-ne’ebé itania neon finitu deskobre konfuzaun de’it no objetivu sira estragu, ita sei haree armonia perfeitu no furak tebes. “Agora ita haree liu-husi vidru ida, ho nakukun; maibé tuirmai oin ba oin: agora ha’u koñese sorin de’it; maibé tuirmai Ha’u sei koñese hanesan ha’u koñesidu tiha ona.” 1 Korinto 13:12.