Maromak nia oan sira ne’e bolu tiha atu sai Kristu nia reprezentante sira, hodi hatudu ba oin Na’I nia laran-diak no laran-sadi’a. Hanesan revela tiha ona kona-ba karakter loloos husi Aman, nune’e mak ita atu revela Kristu ba mundu ida ne’ebé la hatene Ninia lara-maus, domin kompaixaun. Jezús dehan “hanesan Ita-boot haruka ona Ha’u ba mundu, hanesan mós Ha’u haruka ona sira ba mundu.” “Ha’u iha sira, no Ita-boot iha Ha’u; … nune’e mundu bele hatene katak Ita-boot haruka tiha Ha’u.” João 17:18,23. Apóstolu Paulo dehan ba Jezús nia dixipulu sira, “Imi mak hetan deklara ho manifesta atu sai surat Kristu nian, koñesidu no hetan lee husi ema hotu-hotu,” 2 Korinto 3:2,3. Iha kada ema husi Ninia oan sira, Jezús haruka surat ba mundu. Karik imi mak Kristu nia maktuir, Nia haruka liu-husi imi surak ida ba familia, aldeia, luron, no iha-ne’ebé imi hela. Jezús, hela iha imi, dezeju atu ko’alia ba fuan sira husi sira ne’ebé la koñese malu ho Nia. Dala ruma sira la lee Bíblia, ka la rona lian ne’ebé ko’alia ba sira iha ninia pajina sira; sira la haree Maromak nia domin liu-husi Ninia serbisu sira. Maibé karik imi mak Jezús nia reprezentante loloos ida, ne’e bele katak liu-husi imi sira bele hetan dirije atu komprende buat ruma husi Ninia laran-diak no manan sira atu hadomi no serbí Nia.
Kristaun sira mak postu sira ne’ebé lori naroman iha dalan ba lalehan. Sira mak refleta ba mundu lampu naroman nabilan iha sira husi Kristu. Sira-nia moris no karakter tenki hanesan nune’e liu-husi sira ema seluk sei hetan konseitu Kristu nian husi Ninia serbisu.
Karik ita reprezenta Kristu, ita sei halo Ninia serbisu mosu atrativu, Hanesan mak ne’e duni. Kristaun sira ne’ebé halibur oin-kraik no triste ba sira-nia klamar sira, murmuriu no halerik, ne’e hatudu ba ema seluk reprezentasaun falsu husi Kristu no moris Kristaun falsu. Sira fó impresaun ne’ebé Maromak la kontente-ho atu iha Ninia oan sira kontenti, no iha ida-ne’e sira lori testamuña falsu kontra ita-nia Aman lalehan.
Satanás ne’e kontenti bainhira nia bele dirije
Maromak nia oan sira atu fiar-laek no dezesperadu. Nia (Satanás) kontenti atu haree ita la konfia Maromak, dúvida Ninia hakarak no podér atu salva ita. Nia (Satanás) hadomi atu halo ita senti katak Na’i sei halo aat ba ita ho Ninia providénsia sira. Ne’e Satanás nia serbisu mak atu reprezenta Na’i hanesan menus iha kompaixaun no sadi’a. Nia hato’o lialoos sala kona-ba Nia. Nia ense imajinasaun ho idea falsu sira kona-ba Maromak; no envezde tau neon iha lialoos konsidera ba ita-nia Aman lalehan, ita moos dala barak hametin ita-nia neon sira iha reprezentasaun laloos husi Satanás no la onra Maromak liu-husi la konfia Nia no murmura kontra Nia. Satanás nafatin buka halo moris relijiozu sai oinkraik ida. Nia dezeju atu ita hanoin katak ne’e serbisutodan no difisil; no bainhira Kristaun iha ninia moris rasik aprezenta kona-ba vista relijiaun ida ne’e, nia rasik, liuhusi ninia fiar-laek, apoiu Satanás nia bosok.
Barak la’o liu-husi dalan moris nian, hanoin dala barak ba sira-nia sala no fallansu sira no lakonesperanza sira, no sira-nia fuan ne’e nakonu ho susar no deskorajen. Enkuantu ha’u uluk sei iha Europa, iha irmã ida ne’ebé halo tiha ona ida-ne’e, ne’ebé uluk iha neon-susar tebetebes, nune’e hakerek ba ha’u, husu liafuan balu koranjen nian. Kalan hafoin ha’u lee ninia surat ha’u mehi katak ha’u iha to’os ida, no ema ne’ebé haree-hanesan na’in ba to’os ne’e dirije ha’u liu ninia dalan sira. Ha’u halibur ai-fuanan sira no goza sira-nia morin, bainhira irmã ida-ne’e, la’o ona iha ha’u-nia sorin, bolu ha’u-nia atensaun ba duut-tarak balu ne’ebé hanetik ninia dalan. Iha-ne’ebá nia terus no susar. Nia laós la’o iha dalan, tuir mata-dalan, maibé nia la’o entre duut-tarak sira no ai-tarak sira. “Oh,”Nia susar, “ne’e laós sadi’a ida katak to’os furak ne’e hetan estraga ho aitarak sira?” Entaun mata-dalan dehan, “husik aitarak mesak de’it, basá sira sei hakanek de’it ita-boot. Halibur ai-funan roza sira, liriu sira, no kravu sira.”
Iha-ne’ebá la iha pontu nabilan balu iha imi-nia esperiénsia? Imi seidauk iha momentu folin-boot balun bainhira imi-nia fuan nakdedar ho ksolok iha resposta ba Espiritu Maromak nian? Bainhira imi hateke ba kapítulu sira iha imi-nia esperiénsia moris imi la hetan pajina gostun balu? Maromak nia promesa sira ne’e, la hanesan ai-funan sira morin, krese iha imi-nia dalan ninin iha ne’ebé de’it? Imi la husik sira-nia furak no mamar ense imi-nia fuan ho ksolok?
Duut-tarak sira no ai-tarak sei hakenek no hasusar imi de’it; no karik imi halibur buat sira-ne’e de’it, no aprezenta sira ba ema seluk, laós imi ka, aleinde insulta Maromak nia laran-di’ak ho imi-nia-an, hadook sira haleu imi husi la’o iha dalan moris nian?
Ne’e la matenek atu halibur hamutuk memória lagostun hotu-hotu husi moris pasadu ida,– ninia injustisa sira no dezesperadu sira,–atu ko’alia kona-ba sira no laran-susar kona-ba sira to’o ita hetan domina ho deskorajen. Klamar deskoraja ida ne’e hetan ensenakonu ho nakukun, taka naroman Maromak nian husi ninia klamar rasik no soe lalatak ida iha ema-seluk nia dalan.
Agradese Maromak ba ilás nabilan ida-ne’ebé Nia aprezenta ona ba ita. Mai ita halibur hamutuk garantia bensan sira husi Ninia domin, nune’e ita bele hokontinua hateke ba sira: Maromak nia Oan-mane husi Ninia Aman nia tronu, hatais Ninia divinidade ho umanidae, nune’e Nia bele salva ema husi podér Satanás nian; Ninia triunfante iha ita-nia fatin loke lalehan ba ema, revela ba vizaun umanu nia matan prezensa kehan iha-ne’ebé Divinidade manifesta Ninia glória; rasa monu ona hasae tiha husi ku’ak ruina nian ba iha ida-ne’ebé pekadu hamout, no lori filafali ba iha ligasaun ho Maromak infinitu, no reziste teste divinu liuhusi fiar iha ita-nia Maksoin, hatais tiha justisa Kristu nian, no manarak tiha ba Ninia tronu—sira-ne’e mak ilás sira ida-ne’ebé Maromak hakarak kontempla tiha.
Bainhira ita haree-hanesan atu dúvida Maromak nia domin no la konfia Ninia promesa sira ita la onra Nia no halo triste Ninia Espiritu Santu. Oinsa mak inan ida sente karik ninia oan sira ne’e ho-konstante murmura ba nia, ne’e nia la hakarak ba sira nia diak, bainhira ninia esforsu moris nian tomak ba sira nia moris diak no atu fó konfortu ba sira? Supoin sira tenki dúvida ninia domin; ida-ne’e sei harahun ninia fuan. Oinsa mak inan-aman ruma sente bainhira hetan trata hanesan ne’e husi ninia oan sira? No oinsa mak ita-nia Aman lalehan konsidera ita bainhira ita la konfia Ninia domin, ida-ne’ebé dirije Nia atu fó Ninia Oa-mane mesak nune’e it abele iha moris?
Apostolu hakerek, “Nia ne’ebé la tahan Ninia Oan-mane rasik, maibé entrega Nia ba ita hotu, oinsa tan mak Nia la fó mós buat hotu ba ita ne’ebe hamutuk ho Nia ho gratuita?” Roma 8:32. No maibé ema barak, ho sira nia asaun sira, karik laós iha liafuan, mak dehan, “Maromak la hatete ida-ne’e ba ha’u. Dala ruma Nia hadomi ema seluk, maibé Nia la hadomi ha’u.”
Sira-ne’e hotu-hotu estraga imi-nia klamar rasik; basá liafuan dúvida nian hotu-hotu imi hato’o ne’e konvida Satanás nia tentasaun sira; ida-ne’e haforsa tendénsia iha imi atu dúvida, no ida-ne’e hado’ok imi husi anju sira ne’ebé halo ministériu. Bainhira Satanás tenta imi, labele husik ko’alia sai liafuan dúvida ida ka liafuan nakukun. Karik imi hili atu loke odamatan ba ninia sujestaun sira, imi-nia neon sei ense-nakonu ho la konfia no pergunta rebelde sira. Karik imi ko’alia sai imi-nia sentimentu sira, dúvida hotu-hotu imi espresa laós halo reasaun de’it iha imi-nia-an, maibé ida ne’e fini ida ne’ebé sei jermina no fó fuan iha ema seluk nia moris, no ida-ne’e bele sai imposivel atu hamate influénsia husi imi-nia liafuan sira. Imi-an rasik dala ruma bele rekupera husi momentu tentasaun nian no husi lasu Satanás nian, maibé sira seluk ne’ebé hetan nakdoko tiha ona ho iminia influénsia dala ruma sei labele halai-sees husi fiarlaek ne’ebé imi sujere ona. Importante oinsa katak ita ko’alia de’it buat sira ne’ebé sei fó forsa espirituál no moris!
Anju sira atensaun dadaun atu rona relatóriu saida mak imi lori ba mundu kona-ba imi-nia Señor lalehan. Biar imi-nia dada-lia ne’e kona-ba Nia ne’ebé moris atu halo intersesaun ba imi iha Aman nia oin. Bainhira imi kaer liman ho belun ida, biar hahi’i ba Maromak iha iminia ibun no iha imi-nia fuan. Ida-ne’e sei atrai ninia hanoin sira ba Jezús.
Ema hotu-hotu iha provasaun sira; susar ne’ebé difisil atu lori, tentasaun difisil atu reziste. Labele hatete imi-nia problema sira ba imi-nia maluk mortal sira, maibé lori buat hotu-hotu ba Maromak iha orasaun. Halo idane’e regulamentu ida nunka atu hatete sai liafuan ida dúvida nian ka deskorajen. Imi bele halo barak atu haroman ema seluk nia moris no haforsa sira nia esforsu, ho liafuan sira esperanza nian no haksolok santu.
Iha-ne’ebá klamar brani barak mak hetan hanehan liu ho tentasaun, kuaze prontu atu dezmaia iha konflitu ho an no ho podér buat aat nian. Keta deskoraja ema ida hanesan iha ninia luta maka’as. Halo kontenti nia ho aten-brani, liafuan sira nakonu-esperanza ne’ebé sei dudu nia iha ninia dalan. Nune’e Kristu nia naroman bele haroman husi imi. “Laiha ida husi ita mak atu moris ba nia-an.” Roma 14:7. Ho ita-nia influénsia la konxiente ema seluk bele hetan korajen no forsa, ka sira bele hetan deskorajen, no halai husi Kristu no lialoos.
Iha-ne’ebá barak mak iha idea laloos kona-ba Kristu nia moris no karakter. Sira hanoin katak Nia uluk la iha manas no kondiasaun nakonu roman, katak Nia uluk laran-aat, laran-toos, no menus ksolok. Iha kazu barak esperiénsia relijiaun tomak mak hakór ho vista nakukun sira-ne’e.
Ne’e dala barak dehan katak Jezús tanis, maibé nunka hatene Nia hamnasa. Ita-nia Salvadór ne’e Ema tristeza tebetebes, no toman ona ho tristeza, basá Nia loke Ninia fuan ba ema hotu-hotu nia susar sira. Maibé maske Ninia moris ne’e nega-an no hamahon ho moras no kuidadu, Ninia espiritu la hetan hanehan. Ninia oin la mosu espresaun husi tristeza no halerik, maibé nafatin nakonu ho pás no hakmatek ida. Ninia fuan ne’e beematan moris nian, no iha-ne’ebé de’it Nia ba Nia lori deskansu no pás, haksolok no kontenti.
Ita-nia Salvadór ne’e sériu ho klean no ho intensu sinseru, maibé nunka oin-kraik no laran-kraik. Moris husi sira-ne’ebé imita Nia sei nakonu ho objetivu sinseru; sira sei iha sensu klean husi responsabilidade pesoál. Kuidau-laek sei hetan hanehan; iha-ne’ebá sei laiha kontente rame-rame, laiha komiku respeitu-laek; maibé Jezús nia relijiaun fó pás hanesan mota ida. Ne’e la hamate naroman ksolok nian; ne’e la hafreun kontentinakonu no la taka kalohan ba loro-matan, oin hamnasa. Kristu la mai hetan serbí maibé atu serbí; no bainhira Ninia domin domina iha fuan, ita sei tuir Ninia ezemplu.
Bainhira ita husik predomina liu iha ita-nia neon asaun laran-aat no la justu sira husi ema seluk, ne’e imposivel ba ita atu hadomi sira hanesan Kristu hadomi tiha ona ita; maibé karik ita-nia hanoin sira hametin iha domin estraordinária no Kristu nia sadi’a ba ita, espiritu hanesan sei suli ba ema seluk. Ita tenki hadomi no respeita malu, maske kulpa sira no imperfeisaun sira ne’ebé ita tenki haree. Haraik-an no la-konfia-an tenki kultiva tiha, no laran-maus ne’ebé pasiénsia hasoru ema seluk nia kulpa sira. Ida-ne’e sei hamate egoismu kloot hotu-hotu no halo ita fuan nakloke no laran-luak.
Salmista dehan, “Konfia ba Na’i, no halo diak; nune’e imi-sei hela iha rai, no tebes duni imi sei hetan hahán.” Salmo 37:3. “Konfia iha Maromak.” Kada loron iha nia naha-todan sira, nia kuidadu no nia laran-rurua; no bainhira ita hasoru ita prontu tebes atu ko’alia kona-ba ita-nia difikuldade no provasaun sira. Mete susar barak mak empresta, iha ta’uk barak mak haburas, hanesan ansiedade todan barak mak espresa tiha, ne’ebé ida bele supoin ita laiha sadi’a, domin Salvadór prontu atu rona ita-nia pedidu hotu-hotu no atu sai ba ita ajuda prezente iha nesesidade tempu hotu-hotu nian .
Balun dala barak ta’uk, no susar la ho razaun. Loroloron sira hetan haleu ho sinál domin Maromak nian; loroloron sira goza dadaun ho rahun-diak husi Ninia providénsia; maibé sira hateke liu de’it prezenti bensan sira-ne’e. Sira-nia hanoin ho kontinua hametin iha buat ruma dezagradavel ida-ne’ebé bele halo sira ta’uk; ka difikuldade balun bele eziste duni ida-ne’ebé, maske ki’ik, hadelek sira nia-matan hasoru buat barak ne’ebé merese atu fó-agradese. Difikuldade oioin sira hasoru, envezde lori sira ba Maromak, hun mesak de’it ba sira-nia ajuda, haketak sira husi Nia tanba sira fanu deskansu-laek no halerik.
Ita loos tan ne’e atu sai fiar-laek ka? Tansá ita tenki sai agradese-laek no nakonu konfia-laek? Jezús mak ita-nia belun; lalehan tomak interese ba ita-nia rahundiak. Ita tenki la autoriza laran-rurua no laran-lametin moris loroloron nian atu hasusar neon no hamosu ta’uk. Karik ita halo ita sempre iha buat ruma atu hahirus no hakole. Ita tenki la haburas laran-lametin ne’ebé mak hasusar neon no hakole ita, maibé la ajuda ita prevene provasaun sira.
Imi bele sai laran-rurua iha komersiu; imi-nia perspetiva sira bele krese nakukun ba nakukun, no imi hetan ameasa ho falidu; maibé labele sai deskoraja; entrega hotu imi-nia susar ba Maromak, no mantein kalma no nakonu-kontenti. Halo orasaun ba sabedoria atu manaje imi-nia asuntu sira ho neon-moris, no nune’e bele prevene lakon no dezastre. Halo buat hotu ne’ebé imi bele iha imi-nia parte atu lori rezultadu favorável. Jezús promose tiha oan Ninia ajuda, maibé laós ketak husi ita-nia esforsu. Bainhira, sadere ba ita-nia Ajudadór, imi halo hotu ona buat-hotu ne’ebé imi bele, simu rezultadu ho kontenti.
Ne’e laós Maromak nia hakarak katak Ninia ema sira tenki hatodan ho kuidadu. Maibé ita-nia Na’i la bosok ita. Nia la dehan ba ita, “Keta ta’uk; iha-ne’ebá laiha perigu sira iha imi-nia dalan.” Nia hatene iha-ne’ebá provasaun no perigu sira, no Nia sinseru hamutuk ho ita. Nia la propoin atu foti Ninia ema sai husi mundu pekadu no aat nian, maibé Nia indika ba refujiu-nunka-falla. Ninia orasaun ba Ninia dixipulu sira mak, “ Ha’u la halo orasaun atu Ita-boot tenki hasai sira husi mundu, maibé Ita-boot tenki hasai sira husi buat aat.” Nia dehan, “Iha mundu imi sei iha susar boot: maibé kontenti ba; Ha’u manan ona mundu,” João 17:15, 16:33.
Iha Ninia sermaun iha Foho leten, Kristu hanorin
Ninia dixipulu sira lisaun folin-boot sira tuir nesesidade konfia ba Maromak nian. Lisaun sira ne’e designa atu enkoraja Maromak nia oan sira husi tinan ba tinan, no sira tún mai tiha ona iha ita-nia tempu nakonu ho instrusaun no konfortu. Salvadór aponta tiha Ninia maktuir sira ba manu sira iha ár hanesan sira hananu sira-nia knananuk hahi’i nian. La hatodan ho hanoin kuidadu nian, basá “Sira la kuda no sira la kuu.” Maibé Aman boot fornese ba sira nia presiza sira. Salvadór husu, “Imi la diak liu fali sira?” Mateus 6:26. Fornesedor boot ba ema no balada sira loke Ninia hanoin no fornese ba Ninia kriatura sira hotu. Manu sira lalehan nian ne’e la inferior ba Ninia kuidadu. Nia la tau hahán ba sira nia ibun, maibé Nia halo bukae ba sira-nia presiza sira. Sira tenki halibur musan sira ne’ebe Nia kari ona ba sira. Sira tenki prepara materiál sira ba sira-nia knuuk kiik sira. Sira tenki fó-han ba sira-nia oan sira. Sira ba hala’o serbisu ho hananu, basá “imi-nia Aman lalehan fó-han sira.” No “imi laós diak liu fali sira ka?” Imi laós, nu’udar matenek, adora-na’in espirituál, valór liu duké manu sira ár nian? ita-nia Autór moris nian, Konservadór ba ita-nia moris, Ida ne’ebé mak forma tiha ita iha Ninia imajen divinu rasik, fornese ba ita-nia nesesidade sira ka lae karik ita konfia de’it ba Nia?
Kristu indika Ninia dixipulu sira ba ai-fuanan sira iha to’os, krese iha riku naburas no naroman oitoan iha
Ninia furak simples ida-ne’ebé Aman lalehan fó tiha ona ba sira, hanesan espresaun ida husi Ninia domin ba ema. Nia dehan, “Konsidera ai-funan líriu husi to’os, oinsa sira krese.” Furak no simplisidade husi ai-funan naturál sira-ne’e liu fali Salomaun nia glória. Roupa furak tebetebes prodús husi arte nia abilidade labele hamosu komparasaun ho grasa naturál no furak nabilan ai-funan nian husi Maromak nia kriasaun. Jezús husu, “Karik Maromak fó-hatais duut sira iha to’os, ida-ne’ebé ohin iha, no aban sei soe ba ahi laran, Nia sei la-fó hatais imi liu tan, O imi ne’ebé fiar kiik?” Mateus 6:28,30. Karik Maromak, Artista divinu, fó ba i-funan simples sira ne’ebé mohu iha loron ida sira-nia mamar no kór oioin sira, kuidadu boot liu oinsa mak Nia sei iha ba ema ne’ebé hetan kria iha Ninia imajen rasik? Kristu nia lisaun ida-ne’e mak haksi’ak ba laran-lametin sira, laranrurua no dúvida husi fuan fiar-menus sira.
Na’i hakarak Ninia oan-mane sira no oan-feto sira kontenti, nakonu-pás, no obediente. Jezús dehan, “Ha’u nia pás Ha’u fó ba imi: la hanesan mundu fó, Ha’u fó ba imi. Keta husik imi-nia fuan sai susar, no keta husik nia sai ta’uk.” “Buat sira ne’e Ha’u ko’alia tiha ona ba imi, nune’e Ha’u nia ksolok bele nafatin iha imi, no nune’e imi-nia ksolok bele sai nakonu.” João 14:27; 15:11.
Kontenti ne’ebé mak buka husi motivu egoista, liur husi dalan dever ninian, ne’e moras-balansu, larantaridu, no la nafatin; ne’e mate tiha, no klamar ensenakonu ho mes-mesak no terus; maibé iha iha-ne’ebá ksolok no satisfasaun iha serbisu Maromak nian; Kristaun ne’e la husik atu la’o iha dalan sira laloos; nia ne’e la husik atu fuan-dodok saugati de’it no dezesperdau sira. Karik ita laiha prazér sira husi moris ida-ne’e ita sei bele nafain senti nakonu-kontenti hodi hateke ba moris atu mai.
Maibé maske iha Kristaun sira bele iha ksolok komuñaun ho Kristu; sira bele iha naroman husi Ninia domin, konfortu perpétua husi Ninia prezensa. Kada pasu hotu iha moris bele lori ita besik liu ba Jezús, bele fó esperiénsia klean liu ba ita husi Ninia domin, no lori ita pasu ida besik liu ba uma bensan pás nian. Tan ne’e mai ita la soe dook ita-nia konfiansa, maibé iha garantia metin ba, metin liu fali uluk. “ To’o agora Maromak ajuda tiha ona ita,” no Nia sei ajuda ita to’o finál. 1 Samuel 7:12. Mai ita hateke koluna monumentu, fó hanoin filafali kona-ba saida Maromak halo tiha ona atu fó konfortu ba ita no atu salva ita husi destruidór nia liman. Mai ita guarda fresku iha ita-nia memoria laran-maus sadi’a hotu-hotu ne’ebé Maromak hatudu tiha ona ba ita,– matan been sira Nia hamoos tiha ona, moras Nia kura ona, no laran-lametin sira hasai tiha ona, ta’uk sira Nia duni tiha ona, hakarak sira fornese tiha ona, bensan sira haraik ona,–tan ne’e haforsa ita-nia-an sira basá buat hotu ne’ebé iha ita-nia oin, liu-husi restu ita-nia pergrinasaun nian.
Ita labele hateke ba laran-rurua foun sira iha konflitu ne’ebé mai, maibé ita bele hateke ba saida mak pasadu nian mós, hanesan ho saida mak atu mai, no dehan, “To’o agora Na’i ajuda tiha ona ita.” “Hanesan imi-nia loron sira, nune’e mós imi-nia forsa sei sai.” Deuteronimo 33:25. Provasaun sei la liu forsa ne’ebé sei fó ba ita atu lori nia. Ne’e duni mai ita foti sae ita-nia serbisu hanesan iha ne’ebé de’it ita hetan, fiar ba katak saida de’it mak bele mai, forsa natoon ba provasaun ne’e sei fó.
No la kleur tan portaun lalehan nian sei nakloke atu simu Maromak nia oan sira, no husi Liurai glória nia ibun bensan sei monu ba sira nia tilun hanesan muzika furak tebetebes, “Mai, imi ne’ebé hetan bensa husi Ha’u-nia Aman, erda reinu ne’ebé prepara tiha ona ba imi husi fundasaun mundu nian.” Mateus 25:34.
Tuirmai ne’ebé mak hetan sasoin sei hetan bemvindu ba uma ne’ebé mak Jezús prepara ba sira. Ihane’ebá sira-nia maluk sira laós ema aat sira husi rai, bosok-teen sira, idolatria sira, la kamoos, no fiar-laek; maibé sira sei asosia ho sira-ne’ebé mak manan ona Satanás no liu-husi grasa divinu hetan forma tiha ona sira-nia karakter sira perfeitu. Tendénsia nakonu-pekadu hotu-hotu, imperfeisaun hotu-hotu, ne’ebé hasusar sira iha-ne’e hasai tiha ona husi Kristu nia raan, no exelénsia no nabilan husi Ninia glória, liu fali nabilan husi loromatan, sei fó ba sira. No furak morál, perfeisaun husi Ninia karakter, haroman liu-husi sira, ho valór ne’ebé kompara-labelek liu fali glória liur-nian ida-ne’e. Sira mak sein kulpa iha tronu boot mutin nia oin, fahe dignidade no privilejiu sira husi anju sira.
Iha vista husi eransa gloriozu ne’ebé bele sai ninian, “Saida mak ema ida sei fó hodi troka ba ninia klamar?”
Mateus 16:26. Nia bele kiak, maibé nia soi iha nia-an rikusoin no dignidade ne’ebé mundu nunka bele fó. Klamar hetan sasoin no hamoos husi pekadu, ho ninia podér nobre hotu-hotu dedika ba Maromak nia serbisu, ne’e valór aas tebes; no iha-ne’e ksolok iha lalehan iha
Maromak nia prezensa no anju santu sira, iha klamar hetan sasoin nia leten, ksolok ne’ebé mak espresa iha knananuk santu triunfu nian.