Ema horiuluk hariku ho podér nobre no neon balansu ho diak. Nia uluk perfeitu iha nia moris no iha armonia ho Maromak. Ninia hanoin sira moos, ninia objetivu sira santu. Maibé liu husi disobediénsia, ninia podér sira perverte tiha no egoismu foti domin nia fatin. Nia natureza sai fraku liu-husi tranzgresaun ne’ebé mak imposivel ba nia, iha nia forsa mesak hodi kontra hasoru buat aat. Nia uluk sai atan husi Satanás, no nia sei nafatin sai nune’e karik Maromak la sikat ho espesiál.
Ne’e tentador nia objevu atu habekan planu divinu iha kriasaun ema nian, no ense rai ho terus no sasobuk. No nia aponta buat aat hot-hotu nu’udar konsekuénsia husi Maromak nia serbisu kria ema. .”
Iha ninia estadu pekadu-laek, ema hari’i komuñaun ksolok ho Nia. “ iha Nia mak subar riku-soin sabedoria no koñesimentu.” Koloso 2:3. Maibé hafoin nia pekadu, nia labele hetan ona ksolok iha santidade, no nia buka atu subar iha Maromak nia prezensa. Ohin loron sei hanesan ne’e ba kondisaun fuan ne’ebé la hafoun. Ne’e la iha armonia ho Maromak, no la hetan ksolok iha komuñaun ho Nia. Pekadór la senti kontenti iha Maromak nia prezensa; nia sei ta’uk no hasubar-an husi dadulur moris santu sira. Karik permite nia atu tama lalehan, ne’e sei laiha ksolok ba nia. Espiritu husi domin la egoista ne’ebé mak ukun iha ine’ebá—iha ne’ebé fuan idaidak hatan ba fuan Domin Infinitu nian—sei la hetan simu iha ninia klamar. Ninia hanoin sira, ninia interese sira, ninia motivu sira sai diferente ba sira ne’ebé pekadu-laek hela iha ine’ebá. Nia bele sai nota la konkorda ho melodia lalehan nian. Lalehan sai fatin torturasaun ba nia; nia hakarak subar husi Nia ne’ebé naroman no sentru ba haksolok hotu. Ne’e laós dekretu arbiru iha parte Maromak nian ne’ebé esklui ema aat sira husi lalehan; sira hasai husi lalehan liu-husi sira nia ajusta-laek rasik ba ninia dadulur. Maromak nia glória ba sira sai fali ahi ne’ebé han-mohu. Sira hakarak simu destruisaun, nune’e sira bele subar husi Ninia oin ne’ebé mate tiha ona atu soi sira.
Ne’e impoisivél ba ita, ita-nia an, atu halai husi pekadu nia rai-luan-kuak iha ida-ne’ebé ita atu mout iha laran. Ita-nia fuan sira foer, no ita labele transforma sira.” Sé mak bele lori sai buat mós husi buat foer? Laiha ema ida”. Jó 14:4. “Isin-lolon nia hakarak mak inimigu kontra Maromak: tanba nia la sujeitu ba lei Maromak nian, nein sei labele duni.” Roma 8:7. Edukasaun, kultura, hala’o vontade, úmanu nia esforsu, sira hotu iha esfera asaun rasik, maibé iha kazu ne’e sira nia podér menus. Sira bele prodús koreksaun hahalok husi liur de’it maibé sira labele muda fuan; sira laiha kapasidade atu halo-moos bee-matan moris nian. Ne’e tenki iha podér ida serbisu iha laran, moris foun ida husi leten, molok ema bele muda husi pekadu ba santidade. Podér ne’e mak Kristu. Ninia grasa mesak mak bele halais fakuldade moris-laek klamar nian, no atrai ba Maromak, ba santidade.
Salvadór hateten,” exetu ema moris husi leten”- se lae nia sei la simu fuan foun ida, hakarak foun sira, objetivu no motivu sira ne’ebé lori ba moris foun, “nia labele haree reinu lalehan.” João 3:3. Idea ne’ebé mak presija de’it atu dezenvolve buat diak ne’ebé eziste iha ema husi natureza, ne’e bosok mate-lorik nian. “Ema natureza la komprende buat sira husi Maromak nia Espiritu, basá sira beik no labele hatene tanba sira haninu ho espirituál.” 1 Korinto 2:14. Keta hakfodak tanba Ha’u hatete ba imi, imi tenki moris foun fali.” João 3:7. Ne’e hakerek nanis kona-ba Kristu: “Iha Nia mak moris; no moris ne’e mak ema nia naroman.” João 1:4. –“naran mesak ne’ebé iha lalehan okos fó ba ema, iha nia mak tenki hetan salva.” Apóstolu 4:12.
Ne’e la to’o atu sente Maromak nia laran-maluk, atu haree laran-murak, laran-maus aman nian husi Ninia karakter. Ne’e la to’o atu rekoñese sabedoria no justisa husi Ninia lei, haree katak ne’e hari’i iha prinsipiu rohanlaek domin nian. Apóstolu Paulo haree sira ne’e hotu bainhira nia fota-liafuan “ha’u konsente ba lei katak nia diak.” “lei ne’e santu no mandamentu santu, justu no diak.” Maibé nia tusi, iha laran-moruk husi ninia klamar triste no lakon-neon , “ ha’u ema-isin nian, faan tiha ona ba pekadu.” Roma 7: 12-14,16. Nia laran-kaan ba kamoos, justisa, hodi ida ne’ebé iha nia-an, nia podér menus atu alkansa, no nia fota-liafuan-ho-tanis, “ha’u ema aat sé mak sei halivre ha’u husi isin-lolon mate idane’e?” Romano 7:24. Hanesan ne’e mak tanis ne’ebé mosu mai husi fuan todan sira iha rai hotu-hotu no iha tempu hotu-hotu. Maibé iha de’it resposta ida ba sira ne’e hotu, “haree ba Maromak nia bibi-oan, ida-ne’ebé kasu mundu nia pekadu.” João 1:29.
Ilas barak mak husi ida-ne’ebé Maromak nia Espiritu buka atu ilustra lialoos ida-ne’e no halo nia klaru ba klamar sira ne’ebé hakarak atu livre husi naha-todan kulpa nian. Bainhira Jakob hafoin ninia pekadu hodi habosok Essau, nia halai husi ninia aman nia uma, nia hela ho fuan tuku-tuku ho konxiénsia kulpa. Sente mesmesak no ema hotu hakribi nia, ketak tiha husi buat hotu ne’ebé halo nia moris folin, hanoin ida ne’ebé aas liu husi sira seluk hotu hanehan nia klamar mak tauk katak ninia pekadu hasai tiha nia husi Maromak, katak lalehan rejeita ona nia. Iha nia tristeza nia toba hodi deskansa iha rai tanan, foho-oan sira de’it mak haleu nia, no iha leten lalehan nabilan ho fitun sira. Bainhira nia toba tiha naroman estrañu mosu mai iha nia vizaun; no iha fatin tanan ne’ebé nia toba lalatak hanesan eskada ne’ebé husi rai to’o portaun lalehan, no iha eskada sira-ne’e nia leten anju sira tuun no sa’e; enkuantu glória husi leten nia rona lian divinu mensajen konfortu no esperanza. Hanesan ne’e halo Jakob hatene katak ida-ne’ebé halo satisfeitu ba nia presiza no larankaan husi ninia klamar—Salvadór ida. Ho ksolok no kontenti nia haree revela tiha ba nia dalan ida husi idane’ebé nia, pekadór ida, bele restaura atu iha komuñaun ho Maromak. Eskada místika iha ninia mehi reprezenta Jezús, mediu mesak de’it husi komunikasaun entre Maromak ho ema.
Ida-ne’e figura hanesan ba ida-ne’ebé Kristu refere iha nia dada-lia ho Natanael, bainhira Nia dehan, “ó sei haree lalehan nakloke, no anju sira husi Maromak tun no sae iha ema nia Oan-mane nia leten.” João 1:51. Iha apostazia, ema hadook nia-an husi Maromak; Rai haketak husi lalehan. Liu husi kuak-haketak ne’ebé iha sira leet, laiha komuñaun. Maibé liu husi Kristu, rai liga fali ho lalehan. Ho Ninia méritu rasik, Kristu lansa ponte ba kuak-haketak ida-ne’ebé pekadu halo tiha ona, nune’e anju sira ne’ebé halo miniteriu bele mantein komuñaun ho ema. Kristu halo uniaun ema monu ona iha ninia forsa-laek no tulun-laek ho Hun husi podér infinitu.
Maibé la vale mak ema nia mehi ba progesu, esforsu hotu hodi hasa’e umanidade la vale, karik sira ignora esperanza nia Hun ida no ajuda ba rasa ne’ebé monu. “prezente diak hotu-hotu no prezente perfeitu hotu-hotu” (Tiago 1:17) mai husi Maromak. Iha ne’ebá laiha karakter exelénsia loloos mak ketak husi Nia. No dalan mesak de’it ba Maromak mak Kristu. Nia hetete, “Ha’u mak dalan, lialoos no moris: laiha ema ida ba Aman karik la liu husi Ha’u.” João 14:6.
Maromak nia fuan hakarak ho laran manas tebetebes ba Ninia oan sira iha rai ho domin forsa liu duke mate. Hodi entrega Ninia Oan-mane, Nia fakar hotu ba ita lalehan tomak iha prezente ida. Salvadór ninia moris, mate no intersesaun, ministériu husi anju sira, defende husi espiritu, Aman serbisu iha leten no liu hotu-hotu, interese ne’ebé laiha fin husi moris iha lalehan nian,–hotu-hotu lista ona importansia husi ema nia sasoin.
Oh! Mai ita konsidera sakrifisiu maravillozu ne’ebé halo tiha ona ba ita! Mai ita koko hodi apresia serbisu no enerjia ne’ebé Lalehan dedika hodi reklama sira ne’ebé lakon ona, no lori sira fila fali ba Aman nia uma. Motivu forsa liu, no ajénsia nakonu ho forsa tebetebes, nunka lori ba operasaun; selu-kole exelente ba obra diak, ksolok lalehan nian, sosiedade husi anju sira, komuñaun no Maromak nia domin no Nia Oan Mane, hasae no hanaruk ba ita nia podér hotu-hotu husi sekulu eternidade nian– sira ne’e la kbiit insentivu sira no konrajen atu litik ita hodi fó fuan nia domin serbisu ba ita nia Kriadór no Maksoin?
No, iha parte seluk, Maromak nia julgamentu pronúnsia hasoru pekadu, retribusaun inevitavel, hamoe ita nia karakter, no destruisaun final ne’e aprezenta iha
Maromak nia liafuan atu aviza ita kontra servisu Satanás nian.
Ita la konsidera Maromak nia laran-sadi’a? Saida tan mak Nia bele halo? Mai ita tau ita-nia-an iha relasaun diak ba Nia ne’ebé hadomi tiha ona ita ho domin maravillozu. Mai ita tulun ita-nia-an liu husi meiu ne’ebé fornese ona ba ita atu ita bele transforma sai hanesan Ninia imajen, no restaura fali atu klibur ho anju sira ne’ebé serbí, atu armonia no komuñaun ho Aman no Oan-mane.