Dutrina imortalidade natural, ba dahuluk emprestadu husi filosofia pagan no liu husi apostasia maka’as nebe akontese sub-subar no nafatin mantein iha Fiar Kristaun nian, ikus mai konsege troka lia loos, nebe hatete “ema mate la hatene buat ida.” Ekleziaste 9:5. Ema barak fiar katak espiritu ema mate nian mak, “espiritu sira nebe hala’o hela ministeiru sagradu i hetan orden husi Na’i Maromak hodi servi ema sira nebe mak sei hetan salvasaun” Ebreu 1:14. Fiar nebe dehan, ema mate nia espiritu sempre mai servi ema moris, ne’e so prepara de’it dalan ba espiritualismu modernu. Se ema mate sira hetan koinesementu privilejiu luan liu fali ho saida mak sira koinese antes sira mate, tanba saa sira la fila fali mai iha mundu hodi hanorin ema moris sira? Se espiritu ema mate nian bele semo besik iha sira nia maluk nebe sei moris iha mundu, tanba saa espiritu sira ne’e labele komunika diretamente de’it ho sira? Oinsa mak ema sira nebe fiar katak ema mate sei nafatin iha konsiensia nu’udar umana, bele rejeita fali ‘’naroman divinu’’ nian nebe komunika ona husi espiritu glorifikadu sira?
Ida ne’e mak kanal ida nebe konsideradu sagradu i sai nu’udar Diabu nia fatin serbisu. Anju sira nebe uluk monu tuun husi lalehan agora mosu no nakfilak an sai mesanjeiru espiritu mundu nian.
Diabu iha poder atu halo nia an hodi hasara aperansia ema mate nian iha ema nia oin. Buat falsu nebe perfeitu, sempre reprodus ho diferensia nebe maravelozu (furak). Ema barak hetan komfortu ho serteza katak ema sira nebe uluk sira hadomi agora moris goja loos iha lalehan. Sira gosta liu see tilun hodi rona ‘’espiritu at sira lohi no dutrina Diabu sira nia’’ sein deskonfia ba perigu sira nebe tuir mai. 1 Timotio 4:1.
Sira mos afirma katak ema nebe mate ho kondisaun la preparadu no hakoi ona iha rate laran, sei moris haksolok no hetan fatin aas iha lalehan. Vizitante finzidu husi mundu espiritu at nian dala ruma bele hato’o atensaun habosok nebe mak sira prova dehan koretu. No wainhira espiritu at sira ne’e manan ona sira nia konfiansa, espiritu sira ne’e sei aprezenta dutrina sira nebe mak bele mos estraga Eskritura. Faktu hatete katak, ho hato’o de’it lia loos balun no halo prediksaun ituan ba akontesementu iha futuru, halo sira nia aparensia hetan konfiansa husi ema no ema aseita ho sira nia dutrina falsu. Sira tau sees Na’i Maromak nia ukun fuan, no despreza Espiritu grasa nian. Espiritu at sira ne’e nega Kristu nia divindade no kompara i konsedera Na’i Kriador nia level hanesan ho sira nia- an.
Alein sira nia desepsaun dala barak mosu hanesan manifestasaun real, sira mos bele marka ekzibisaun poder sobrenatural, nu’udar obra direta anju at sira nian. Ema barak fiar espiritualismu nu’udar imposture (ema nebe hasara i halo nia an sai hanesan ho ema seluk hodi lohi ema). Maibe wainhira sira hasoru manifestasaun sira nebe sira rasik konsidera, nu’udar poder sobrenatural nian, sira sei hetan lohi husi espiritu at sira ne’e i sira sei aseita espiritualismu hirak ne’e nu’udar poder boot husi Na’i Maromak.
Ho Diabu nia tulun, Firão ninia ema majiku sira falsifika Na’i Maromak nia serbisu. Haree iha Ezodu 7:10-12. Paulo foo testamunia katak Na’i Maromak nia fila fali mai ba dala rua sei akontese uluk ho “Diabu nia serbisu liu husi poder hotu, sinal no bosok oin-oin hodi lohi ema sira nebe lakohi lia loos.” 2 Tesalonia 2:9,10. Apostlu João mos deklara, katak: ”Diabu sei halo sinal admiravel boot-boot, inklui hatuun ahi tuun husi lalehan mai iha mundu leten iha ema nia oin, hodi lohi ema sira iha mundu ho sinal milagre siknifikante sira nebe mak nia halo ho poder nebe nia iha.” Apokalipse 13:13,14. Ida ne’e la’os lohi bain-bain, para ema bele siik. Basa, ema barak sei hetan lohi ho milagre sira nebe mak Diabu ninia ajenti sira halo.
Apelu atu Sai Matenek
Ba ema sira nebe kesi metin tiha ona ho kultura no lulik, Diabu mos aprezenta ba sira espiritualismu nebe hetok lulik no matenek liu tan tuir ninia aspeitu. Nia gosta kria moris nebe luxu no pazajen nebe halo laran monu, no asaun sira nebe dezeinadu domin no kariade. Nune nia bele diriji ema barak atu hetan orguliu boot ho sira ninia sabedoria enkuantu iha sira nia laran rasik despreza Aman Eternu.
Diabu lohi ema hanesan uluk nia lohai Eva iha jardin Eden, liu husi ambisaun ho emosaun ksolok ba hahii an. Nia deklara ba Eva “O sei sai hanesan ho maromak, hatene buat di’ak no buat at.” Jenesis 3:5. Espiritualismu hanorin “katak ema mak kriatura nebe iha progressaun …. Ba iha Aman Maromak.” No: “julgamentu sei sai loos se julgamentu ne’e halo rasik baa an …. Tronu mak iha o nia an rasik.” No hanorin seluk tan deklara, katak: “Kada kriatura nebe justu no perfeitu bele sai nu’udar Kristu.’’
Nune’e mak Diabu troka Na’i Maromak nia ukun fuan nebe nu’udar regra uniku julgamentu nian, ho fali natureza ema pekador nian. Substituisaun ida-ne’e sai hanesan progresu boot ida, nebe mak la sae maibe tuun liu. Ema nunka sei bele hamriik aas liu fali ninia estandarte pureza no bondande nian. Se ema importa nia an rasik ba mehi ida nebe nia presija atinji iha futuru, nia nunka sei atinji ba buat ruma nebe aas liu. Wainhira konfia no importa an rasik, dalan sei tuun. Basa Na’i Maromak nia grasa de’it mak iha poder atu tane aas ema.
Apelu Ba Prazer Domin Nian
Atu hamania-an, hadomi prazer no iha sensualidade, espiritualismu aprezenta inflitrasaun nebe la duun kaber. Iha ninia forma nebe brutu liu ema hetan buat nebe mak armonia ho sira ninia tendensia. Diabu marka kada pekadu nebe mak sempre komete husi kada individu, no tau matan hodi hein atu nune opurtunidade nebe mak nia la espera labele satisfas ema nia tendensia ne’e rasik. Nia tenta ema liu husi intempransia hodi hafraku fiziku, mental, no poder moral. Nia destroi ema rihun ba rihun liu husi hamania induljensia hodi harahun natureza hotu ho brutu. Atu halo kompleta ninia serbisu, espiritu at sira ne’e deklara katak; “koinesementu verdadeiru hatuur ema iha lei hotu nia leten”; katak ‘’tantu saida de’it, ema sempre loos”; katak ‘’Na’i Maromak la kondena’’; katak ‘’ pekadu sira hotu …. innosente.’’ Wainhira ema hotu fiar katak dezeju mak aas liu fali lei, Liberdade mak lisensan, no fiar katak ema de’it mak responsabiliza ba nia an rasik, see mak atu bele husu tuir tan katak korupsaun ezisti ona iha parte hotu-hotu? Ema barak mak ho korajen haksolok aseita sujestaun induljensia nia bisu-bisu. Diabu dasa ema rihun ba rihun nebe mak konfesa nu’udar tuir Kristu ba iha nia redi laran.
Maibe Na’i Maromak haraik naroman sufisiente atu deskobre Diabu ninia lasu. Fundasaun husi espiritualismu mak halo funu hasoru Eskritura. Biblia deklara katak ema mate la hatene buat ida, basa sira nia hanoin laiha ona; sira la sai parte ona ba ema moris nia haksolok no triste
Komuniaun Proibidu
Liu tan ne’e, Na’i Maromak mos bandu komunikasaun nebe finzidu ho espiritu sira nebe mate ona. Sobre ‘’espiritu familiar sira,’’ nebe konsederadu nu’udar vizitante husi mundu seluk, Biblia deklara, ‘’espiritu sira ne’e mak espiritu at sira.’’ Haree iha livru Numerus 25:1-3; Salmo 106:28; 1 Korintu 10:20; Apokalipse 16:14. Tratamentu ho espiritu at sira, proibidu (hetan bandu) ho penalidade (kastigu) mortal. Levitiku 19:31; 20:27. Mesmu nune spiritualismu konsege ona dalan tama liu husi sirkulasaun iha sientifiku, invazaun ba iha igreja, no hetan favor iha korpu lesgislativu sira, ate to’o mos iha tribunal liurai nian. Lohi boot ida-ne’e hamoris no hamosu fila fali infiltrasaun foun husi Diabu nebe uluk hetan tiha ona kondenasaun.
Nu’udar reprezentante husi ema nebe hanesan kriasaun ki’ik liu iha lalehan, Diabu hato’o ba mundu katak, ‘’La problema imi atu fiar Na’i Maromak ka la fiar, la problema imi atu fiar Biblia ka la fiar, naran katak imi tenki moris abontade tuir imi nia prazer; lalehan mak imi nia uma dadauuk imi hela ne’e.’’ Enkuantu Na’i Maromak nia lia fuan hatete: ‘’Susar ba sira nebe mak bolu buat at ne’e di’ak, no buat di’ak ne’e at; nebe mak halo nakukun nakfilak sai naroman, no naroman nakfilak sai nakukun.’’ Isaias 5:20.
Biblia Reprezentada Nu’udar Fiksaun
Apostlu sira, nebe monu iha espiritu at sira lasu, Diabu uza i manobra sira hodi kontra hasoru buat nebe uluk sira rasik hakerek ona iha mundu. Diabu halo mundu rekoinese Biblia hanesan livru fiksaun (istoria mamuk) nebe adekuadu tebes ho rasa otas labarik ki’ik sira, i konsedradu Eskritura nu’udar istoria tuan ida. Livru (Biblia) nebe atu julga nia (Diabu) hamutuk ho ninia maktuir sira nia tau tiha iha fatin helik; Maksoin mundu nian nia halo sai henesan ema bainbain. No ema sira fiar iha manisfestasaun spiritual koko hamosu influensia katak laiha milagrozu iha Maksoin nia moris. Sira deklara katak, sira nia milagre, boot no soe dook liu Kristu nia serbisu.
Espiritualismu agora assume an nu’udar ema Kristaun. Maibe ninia hanorin sira nia labele hetan nega no subar. Ninia forma ba ohin loron mak desepsaun perigu no Kabeer. I Ohin loron nia rekoinese simu Kristu no Biblia. Maibe nia interpreta Biblia tuir de’it maneira nebe bele foo prazer ema sira nebe lakohi hafoun hikas sira laran. Domin nebe nu’udar atributu principal Na’i Maromak nian, nia hatuun to’o sai nu’udar sentimentalismu fraku ida. Denunsiasaun Na’i Maromak nian hasoru pekadu, no Ninia lei santu sira, Diabu hadook husi ema nia haree. Istoria mamuuk nebe inventadu, kauza ema rejeita Biblia nebe nu’udar fundasaun uniku ba ema nia fiar. Kristu verdedeiramente hetan nega hanesan uluk, mesmu nune, laiha lohi ruma mak hetan iha Nia an.
Ema itoan de’it mak iha konsepsaun justu sobre lohi espiritualismu nian. Enkuantu ema barak liu husi haka’as an deskobre konsepsaun refere hodi satisfas sira nia koriozidade. Sira nia an sei hafalun ho sentimentu tauk basa sira rende no hanoin liu ba iha espiritulismu nia kontrola. Liu husi sira nia ekspidisaun no eksplorasaun ba iha rai proibidu sira, destroidor (Diabu) ezerse ninia poder maka’as ba sira liu fali sira nia vontade rasik. Nia finzi husik sira hetan konsolasaun atu nune sira bele entrega sira nia hanoin ba iha ninia diresaun, ho nune nia bele domina kompletu sira an. Laiha tan buat ida mak bele sai nu’udar resposta ba iha orasaun nebe loloos, ekzetu poder Na’i Maromak nian de’it nebe mak bele liberta klamar sira. Ema hotu nebe ho intensionalmente hakarak valoriza pekadu nebe koinesidu, siknifika sira kunbida hela tentasaun Diabu nian. Sira haketak an husi Na’i Maromak ho Ninia anju sira nia kuidadu. Ho nune sira laiha defeza.
“Wainhira sira atu dehan ba imi, buka tok ema sira nebe familiar ho espiritu sira, no matan dook sira nebe mak bele haree no siik ho murmura; la’os povu ida tenki buka sira nia Maromak, kona ba ema nebe moris no ema nebe mate?” Enkuantu “kona ba ukun fuan no testamonia: se sira koalia la tuir lia fuan sira ne’e, ne’e siknifika katak iha sira laiha naroman. Isaias 8:19,20.
Se ema sira ho laran, hakarak simu duni lia loos kona ba natureza umana no estadu ema mate nian, sira sei hare hetan katak Diabu nia poder ho ninia bosok maravilozu horik hela iha espiritualismu nia laran. Maibe ema barak mak taka matan ba naroman lia loos nian, nune mak Diabu homan nia lasu ba sira. “tanba sira la simu no hadomi lia loos, nebe mak bele salva sira,” tanba ne’e “Na’i Maromak sei husik sira monu ba iha hanorin falsu nebe forti, ho nune sira sei fiar ba iha lia bosok.’’ 2 Tesalonia 2:10, 11.
Sira nebe rejeita espiritualismu ofende Diabu ho nia anju sira. Diabu sei la produs rai sentimu ida ekzetu hetan tulun husi mesanjeiru selestial sira. Agora ne’e nia bele sita Eskritura hanesan mos iha tempu uluk Kristu nian, no nia sei bobar ninia hanorin. Ba ema sira nebe hakarak tuba iha tempu perigu ne’e nia laran tenki entende didi’ak testimunia Eskritura.
Entende Eskritura
Espiritu demoniu nebe hatudu nia ilas hanesan ho parenti ka maluk nebe mate, sei atrai ita nia simpatia ho kaber, liu husi milagri nebe sira halo. Ita tenki tuba metin hodi rezisti espiritu at sira ne’e ho lia loos Biblia nian, katak, ema mate la hatene buat ida basa ilas sira hatudu an ne’e mak espiritu demoniu sira.
Ema hotu nebe ninia fee la bazea iha lia fuan Na’i Maromak nian, sira sei hetan lohi i Diabu sei halakon sira. Diabu sempre “serbisu ho lohi nebe injustisa,’’ no ninia lohi hetok krese ba bebeik. Enkuantu sira nebe buka kuinesementu husi lia loos no purifika sira klamar atraves obidiensia sei hetan defeza seguru iha Maromak lia loos nian. Na’i Maksoin sei haruka kada anju husi lalehan mai proteje Ninia ema sira, duke Nia husik ninia ema sira nebe fiar Nia, lakon iha Diabu nia atakasaun.
Ema pekador nebe konsola an ho serteza katak, sei laiha kastigu ba sira se sira abandona lia loos nebe lalehan oferese nu’udar defeza ba iha loron susar, siknifika sira aseita lohi husi Diabu nebe mak nu’udar espiritualismu finjidu nebe hanorin lia bosok.
Ema trosa-dor sira kontinua koalia at deklarasaun Eskritura nebe koalia sobre planu salvasaun no planu retribusaun ba ema nebe simu no rejeita lia lia loos. Sira halo influensia hodi kontra domin boot nebe haraik ona ba iha ema sira nebe hanoin kloot, fraku, no fiar iha istoria mamuuk, atu labele obedese requerementu ukun fuan Na’i Maromak nian. Wainhira sira entrega an nakonu ba iha tentador, sira sei sai intimu no ida de’it ho tentador no sei hetan dirizaun husi ninia espirritu, ho nune sira laiha dezeju ruma atu kore an husi tentador nia lasu sira.
Fundamentu obra Diabu nian hatuur tiha ona liu husi asuransia nebe mak haraik tiha ona ba Eva iha to’os Eden: ”Imi sertamente sei la mate.” “Wainhira imi han ai-fuan ne’e, imi nia matan sei nakloke, no imi sei sai hanesan ho maromak, hatene buat di’ak no at.’’ Jenesis 3:4, 5. Ninia obra boot lohi nian sei alkansa kompletu iha tempu restu ikus nian. Profeta dehan: “Ha’u haree espiritu at tolu hanesan manduku sira; … Sira mak espiritu demoniu nian, halo milagre, nebe mak ba iha liurai rai klaran no mundu tomak sira oin, hodi halibur sira ba iha batalia (funu) iha loron boot Na’i Maromak Poderozu nian.” Apokalipse 16:13, 14.
Ekzetu sira nebe hetan kuidadu ho Na’i Maromak nia poder liu husi fee iha Ninia lia fuan. Diabu sei dasa mundu tomak tama ba iha hanorin bosok nia lasu. Ema nebe monu lalais Ba iha seguransa ida nebe fatal, sei hadeer hias hodi simu Na’i Maromak nia siak nebe mak Na’i Maromak rasik mak sei turuk.