Hanesan imi-nia konxiensia halalais tiha ona husi
Espiritu Santu, imi sai tiha ona buat ruma husi buat-aat pekadu nian, husi ninia podér, ninia kulpa, ninia morissusar; no imi hateke ba nia ho odiu. Imi sente katak pekadu haketak tiha ona imi husi Maromak, katak imi iha eskravidaun ba buat-aat nia podér. Imi luta maka’as atu halai-sees, imi rekoñese imi-nia ajuda-laek. Imi-nia motivu la kamoos; imi-nia fuan la moos. Imi haree katak imi-nia moris nakonu tiha ona ho egoista no pekadu. Imi iha laran-kaan atu hetan perdua, atu sai moos, atu hetan livre. Armonia ho Maromak, sai hanesan Ninia imajen— saida mak imi halo atu hetan ida-ne’e ne’e?
Ida-ne’e mak pás ne’ebé imi presiza—Lalehan nia perdaun, pás no domin iha klamar. Osan labele sosa nia, matenek labele hetan nia, sabedoria labele alkansa ba nia; imi nunka bele hein, husi imi-nia esforsu rasik, atu asegura nia. Maibé Maromak fó nia ba imi nu’udar prezenti ida, “Sein osan no sein folin.” Izaias50:1. Nia imi-nian karik imi hakarak maibé lolo imi-nia liman ba hodi kaer nia . Na’i dehan, “ Maske imi-nia pekadu sira mean hanesan eskarlate, sira sei sai mutin hanesan neve; maske sira sai mean hanesan karmezín, sira sei hanesan bibi mutin nia fulun.” Izaias1:18. “Fuan foun ida mós Ha’u sei fó ba imi, no espiritu foun ida Ha’u sei tau ba imi-nia laran.” Ezekiel 36:26.
Imi konfesa tiha ona imi-nia pekadu sira, no iha fuan tau sira dook. Imi rezolve tiha ona atu fó imi-nia-an ba Maromak. Agora ba Nia, no husu katak Nia sei hamoos imi-nia pekadu sira no fó fuan foun ida ba imi. Tuirmai fiar katak Nia halo ida-ne’e tanba Nia promesa tiha ona. Ida-ne’e mak lisaun ne’ebé Jezús hanorin tiha ona enkuantu Nia sei iha rai, nune’e prezenti ne’ebé Maromak promesa ba ita, ita tenki fiar mak ita simu, no nia ita-nian. Jezús kura ema husi sira-nia moras sira bainhira sira iha fiar ba Nia podér; Nia ajuda sira iha buat sira ne’ebé mak sira bele haree, hodi nune’e inspira sira ho konfiansa iha Nia kona-ba buat sira ida-ne’ebé sira labele haree—dirije sira atu fiar ba Nia podér atu perdua pekadu sira. Ida-ne’e nia hato’o ho klaru iha kura husi ema moras ho paralítiku: “Nune’e imi bele hatene katak ema nia Oan-mane iha podér iha rai atu perdua pekadu sira,(tuirmai Nia dehan tiha ba moras paralítiku,) hamriik, foti-sae ó-nia toba-fatin, no ba ó-nia uma.” Mateus 9:6. Nune’e mós João evanjelista dehan, ko’alia kona-ba Kristu nia milagre, “Sira ne’e hakerek nanis nune’e imi bele fiar katak Jezús mak Kristu, Maromak nia Oan-mane; no nune’e ho fiar imi bele iha moris liuhusi Ninia naran.” João 20:35.
Husi haktuir Bíblia simples kona-ba oinsa Jezús kura moras, ita bele aprende buat ruma oinsa atu bele fiar ba Nia ba perdaun pekadu sira nian. Mai ita fila ba istória husi ema paralitiku iha Betesda. Ema ne’ebé sofre kiak ne’e ajuda-laek; nia la uza tiha ona ninia isin-balun ba tinan tolunulu resin ualu. Maibé Jezús husu nia, “Hamriik, foti-sae ó-nia toba-fatin, no la’o.” Ema moras bele dehan tiha, “Na’i, karik Ita-boot halo ha’u isin-diak, ha’u sei halo tuir Ita-boot nia liafuan.” Maibé, lae, nia fiar Kristu nia liafuan, fiar katak nia hetan isin-diak ona, no nia halo esforsu ne’e dala ida; nia hakarak tiha atu la’o, no nia la’o duni. Nia halo asaun iha Kristu nia liafuan, no Maromak fó podér. Nia hetan kura. Iha maneira hanesan imi pekadór ida. Imi labele soi ba imi-nia pekadu pasadu sira; imi labele muda imi-nia fuan no halo imi-nia-an santu. Maibé Maromak promesa atu halo sira-ne’e hotu ba imi liu-husi Kristu. Imi fiar ba promesa ne’e. imi konfesa imi-nia pekadu sira no fó imi-nia-an ba
Maromak. Imi hakarak atu serbí Nia. Hanesan imi halo ida-ne’e ho serteza, Maromak sei kumpre Ninia liafuan ba imi. Karik imi fiar ba promesa,– fiar katak imi hetan perdua ona no hamoos ona,–Maromak fornese faktu ne’e; imi hetan kura, hanesan Kristu fó podér ba paralitiku atu la’o bainhira mane ne’e fiar katak nia hetan kura ona. Ida-ne’e sei akontese karik imi fiar ida-ne’e.
Keta hein atu sente katak imi hetan kura, maibé dehan, “Ha’u fiar ne’e; mak sai nune’e, laós tanba ha’u sente ne’e, maibé tanba Maromak promesa tiha ona.”
Jezús dehan, “Buat saida de’it mak imi hakarak, bainhira imi halo orasaun, fiar katak imi simu sira ona, no imi sei hetan sira.” Markus 11:24. Iha-ne’ebá iha kondisaun ba promesa ida-ne’e—katak ita halo orasaun tuir Maromak nia hakarak. Maibé ne’e Maromak nia hakarak mak hamoos ita husi pekadu, atu halo ita sai Ninia oan-sira, no habele ita atu hamoris moris santu. Ne’e duni ita bele husu ba bensan sira-ne’e, no fiar katak ita simu sira, no agradese Maromak katak ita simu ona sira. Ne’e ita-nia priviléjiu atu ba Jezús no hetan moos, no hamriik iha lei nia oin sein moe ka hanoinhikas. “ Tanba ne’e mak agora laiha kondenasaun ba sira ida-ne’ebé iha Kristu Jezús, ne’ebé laós la’o tuir isin, maibé tuir Espiritu.” Romanu 8:1.
Husi ne’e ba oin imi laós imi an nian; imi sosa tiha ona ho folin. “Imi la hetan soin ho buat koruptu sira, hanesan osan-mutin no osan-mean;… maibé ho Kristu nia raan folin-boot, hanesan bibi-oan sein aleza no sein noda.” 1 Pedro 1:18,19. Liu-husi asaun simple husi fiar ba Maromak, Espiritu Santu hamoris ona moris foun iha imi-nia fuan. Imi nu’udar labarik ne’ebé moris iha Maromak nia familia, no Nia hadomi imi hanesan Nia hadomi Ninia Oan-mane.
Agora mak imi fó tiha ona imi-nia-an ba Jezús, labele filafali, labele hasai imi-nia-an husi Nia, maibé loron ba loron dehan, “ ha’u Kristu nian; ha’u fó tiha ona ha’u-niaan ba Nia;” no husu ba Nia atu fó Ninia Espiritu ba imi no guarda imi ho Ninia grasa. Hanesan nune’e liu-husi fó imi-nia-an ba Maromak, no fiar ba Nia, katak imi sai Ninia oan, ne’e duni imi tenki moris iha Nia. Apóstolu dehan, “Hanesan imi simu tiha ona Kristu Jezús Maromak, ne’e duni imi la’o iha Nia.” Koloso 2:6.
Balu haree-ba atu sente katak sira tenki iha provasaun, no tenki komprova ba Maromak katak sira reforma ona, molok sira ezije Ninia bensan. Maibé sira bele ezije Maromak nia bensan agora kedas. Sira tenke iha Ninia grasa, Kristu nia Espiritu, atu ajuda sira-nia frakeza, selae sira labele reziste buat-aat. Jezús hadomi ita atu mai ba Nia hanesan ita duni, nakonu-pekadu, ajuda-laek, dependente. Ita bele mai ho ita-nia frakeza tomak, ita-nia beik, ita-nia nakonu-pekadu no monu ba Nia ain iha peniténsia. Ne’e Ninia glória atu haleu ita iha arma husi Ninia domin no atu taka ita-nia kanek, atu hamoos ita husi la kamoos hotu-hotu.
Iha-ne’e mak rihun ba rihun falla; sira la fiar katak Jezús perdua sira ho pesoál, ho individual. Sira la foti Maromak iha Ninia liafuan. Ne’e priviléjiu husi ema hotu ne’ebé kumpre ho kondisaun sira atu hatene ba sira-niaan katak perdaun ne’e ho livre hanaruk ba pekadu hotu. Hasai suspeita ne’e katak Maromak nia promesa sira laós signifika ba imi. Sira ne’e ba ema hotu ne’ebé halo tranzgresaun nia arrepende. Forsa no grasa fornese tiha ona liu-husi Kristu atu lori husi anju sira ne’ebé halo ministériu ba klamar hotu ne’ebé fiar, laiha ida mak pekadu-nakonu liu ne’ebé sira labele hetan forsa, kamoos, no justisa iha Jezús, ne’ebé mate ba sira. Nia hein dadaun atu kolu sira-nia hatais ne’ebé noda tiha ona no hafo’er ona husi pekadu, no fó hatais ba sira batina mutin justisa nian; Nia fó orden moris laós mate.
Maromak la hasoru ita hanesan ema finitu hasoru malu. Ninia hanoin ne’e hanoin sadi’a nian , domin, kompaixaun mamar. Nia dehan, “ Biar ema aat husik ninia dalan, no ema la justu husik ninia hanoin: no biar nia fila ba Na’i, no Nia sei iha laran-sadi’a ba nia; no ba ita-nia Maromak, basá Nia sei perdua ho abundante.” “ Ha’u hasai ona, imi-nia tranzgresaun sira hanesan kalohan mahar, no, imi-nia pekadu sira ne’ebé hanesan kalohan,.” Izaias55:7;44:22.
“Ha’u laiha prazér iha nia mate husi nia ne’ebé mate, Maromak hateten: tanba ne’e konverte imi-nia-an no moris.” Ezekiel 18:32. Satanás prontu atu na’ok bensan promesa sira husi Maromak. Nia dezeju atu foti nabilanfraku esperanza nian no raiu naroman nian hotu-hotu husi klamar: maibé imi tenki la permite nia atu halo ne’e. Keta se-tilun ba tentadór, maibé dehan, “Jezús mate tiha oan atu nune’e ha’u bele moris. Nia hadomi ha’u, no lakoi atu ha’u tenki mate. Ha’u iha Aman lalehan nakonu-kompaixaun; no maske ha’u viola ona nia domin, maske bensan sira ne’ebé Nia fó tiha ona ha’u halakon tiha ona, ha’u sei hamriik, no ba ha’u-nia Aman, no dehan, “ha’u pekadu ona kontra lalehan, no iha Itaboot nia oin, no ha’u merese tan atu bolu Ita-boot-nia oan: halo ha’u sai hanesan Ita-boot-nia serbídor.” Aiknanoik hateten ba imi oinsa sei simu ema lao-rai; “bainhira nia sei dook liu, ninia aman haree tiha nia, no iha kompaixaun, no halai, no hakuak nia, no rei nia.” Lucas 15:18-20.
Maibé maske ai-knanoik ida-ne’e, mamar no konafuan hanesan ne’e, ne’e espresa oitoan de’it kompaixaun infinitu husi Aman lalehan. Na’i deklara liuhusi Ninia profeta, “Ha’u hadomi tiha ona imi ho domin rohan-laek: tanba-ne’e ho laran-maluk Ha’u atrai imi.” Jeremias 31:3. Enkuantu pekadór sei dook husi Aman nia uma, gasta ninia sasán sira iha nasaun estrañu,
Aman nia fuan kaan ba nia; no kada hakarak atu fila hafanu tiha iha klamar atu fila ba Maromak lae ka lae hesuk husi Ninia Espiritu, solisita, suplika, atrai maklemok ba ninia Aman nia fuan domin nian.
Ho promesa riku Bíblia nian iha imi-nia oin, bele imi fó fatin ba dúvida? Bele imi fiar katak bainhira pekadór kiak laran-kaan atu fila fali, laran-kaan atu husik ninia pekadu sira, Maromak ho-hirus tahan ninia mai ba Ninia ain iha arrependimentu? Hadook husi hanoin sira hanesan ne’e! Laiha buat ida mak bele hakanek imi-nia klamar rasik liu fali atu diverte konseitu ida hanesan ne’e husi ita-nia Aman lalehan. Nia rejeita pekadu, maibé Nia hadomi pekadór, no Nia fó Nia-an iha ema liu-husi Kristu, nune’e sira hotu ne’ebé bele hetan salva no nakonu-bensan rohan-laek iha reinu glória. Dalen forsa liu no mamar liu oinsa bele uza tiha ona duké Nia hili tiha ona iha ida-ne’ebé atu espresa Ninia domin ba ita? Nia deklara, “bele feto ida haluha ninia oan ne’ebé moris husi nia, katak nia sei laiha kompaixaun ba oan husi ninia knotak? Maske sira bele haluha, Ha’u sei la haluha imi.” Izaias49:15.
Hateke ba leten, imi ne’ebé mak dúvida no nakdedar; basá Jezús moris atu halo intersesaun ba ita. Agradese Maromak ba prezenti husi Ninia Oan-mane doben no halo orasaun atu nune’e Nia labele mate ba imi saugati. Espiritu konvida imi ohin-loron. Mai ho iminia fuan tomak ba Jezús, no imi bele ezije Ninia bensan.Nu’udar imi lee promesa sira, hanoin sira ne’e espresaun husi domin no sadi’a liafuan lato’o atu hatete. Fuan boot husi domin infinitu mak dada hasoru pekadór ho kompaisaun laiha rohan. “ita iha sasoin liu-husi Ninia raan, perdaun pekadu sira nian.” Efesio 1:7. Sim, fiar de’it katak Maromak mak imi-nia ajuda. Nia hakarak atu restaura imajen moral iha ema. Hanesan imi besik ba Nia ho konfisaun no arrependimentu, Nia sei hakbesik ba imi ho laran-sadi’a no perdaun.