Povu Na’i Maromak nian hetan diriji ba iha Eskritura nu’udar sira nia salvaguarda hasoru poder lohi espiritu nakukun nian. Diabu uza maneira hotu nebe possible hodi prevene ema hetan koinesementu Biblia. Kada reavivamentu serbisu Na’i Maromak nian, Diabu sempre fanu aktividade sira nebe mak intensivu no interesante. Ninia luta final hasoru Kristu ho Kristu ninia maktuir sira sei nakloke iha ita oin ho imediatamente. Kuaze loloos de’it, se wainhira ida falsu halo ninia ilas hanesan ho Ida Loos ninia ilas, atee to’o imposibel tebes atu detekta hodi hatene sira nia diferensia, ekzetu Biblia.
Sira nebe haka’as an atu obedese Na’i Maromak ninia mandamentu tomak sei hetan sadik no desprezasaun. Atu hasoru tentasaun, sira tenki etende didi’ak uluk lai Na’i Maromak ninia hakarak hanesan ida nebe hatete tiha ona iha Ninia futar lian katak, ‘’sira bele de’it hasa’e onra ba Na’i Maromak, se sira iha entendimentu nebe loos kona ba karakter, governansia, no objetivu Na’i Maromak nian, atu sira bele obedese iha moris loron-loron.’’ Laiha ema ida mak bele manan tentasaun, ekzetu sira nebe fortifika sira nia hanoin ho lia loos Biblia nian. Basa sira ne’e mak sei tuba iha konflitu boot ikus nian.
Molok akontese krusifikasaun, Maksoin avizu tiha ona ba Ninia eskolante sira katak Nia sei hetan pena mate no mos hetan moris hias. Iha momentu Nia koalia avizu ne’e, Anju sira mai kuda kedas avizu ne’e iha eskolante sira nia hanoin no laran. Maibe eskolante sira la kuida didi’ak no soe tiha de’it avizu ne’e husi sira nia hanoin no laran. Nune’e, wainhira Na’i Jesus ninia mate akontese, sira nia hanoin, laran, no esperansa sai rahun, tanba ignora tiha ona avizu refere, hanesan fali antes neba Na’i Jesus nunka hato’o avizu ruma ba sira. Nune’e mos hanesan ho tempu ohin loron, profesia kona ba futuru nakloke momoos tiha ona iha ita nia oin nu’udar avizu ida ba ita antes profesia sira ne’e akontese. Maibe ema barak laiha entendementu nebe resin kona ba lia loos importante sira ne’e. Sei di’ak liu se lia loos sira ne’e nunka revela ba sira, duke depois reveladu, sira abandon no lakohi rona tuir hodi kuidadu avizu ne’e ho prepara an antes avizu ne’e akontese sai realidade.
Wainhira Na’i Maromak haruka avizu ruma, Nia rekere atu kada ema nebe abensoadu ho komprendesaun atu kuida no hafurak Ninia lia menon refere. Julgamentu nebe hatauk tebes ba adorasaun animal fuik no ninia estatua (haree iha Apokalipse 14:9-11) loloos ne’e diriji ema hotu hodi estuda kona ba saida los mak marka husi besta ne’e no oinsa atu hasees an husi nia. Maibe ema barak liu mak lakohi lia loos Biblia nian, basa lia loos ne’e interompe sira nia laran ninia hakarak nebe pekadu. Diabu fornese poder lohi nian ne’e ema sira gosta. ‘’lisaun ida-ne’e desponivel iha livru Kontroversia Boot, kapitulu 38.’’
Maibe Na’i Maromak sei iha povu ida, nebe mak mantein iha Biblia, no ho Biblia de’it, basa Biblia mak padraun uniku husi dutrina no fundasaun ba reformasaun hotu-hotu. Idea ema edukadu, konkluzaun sientifika, desizaun konselu igreja, no lian maioria sira – laiha ida mak konsederadu nu’udar evidensia ba ou kontra dutrina saida de’it. Ita tenki ezije “Nune’e mak Na’i Maromak nia futar lian, ”Diabu diriji ema hodi buka padre no professor teolojia hodi sai nu’udar sira nia mistura (mata dalan), duke sira buka rasik Biblia ba sira-an. Liu husi kontrola lider sira, Diabu bele influensia ema barak. Wainhira Kristu mai, ema babain sei rona Nia ho laran haksolok. Enkuantu ulun boot aserdosiu (amu lulik sira) no lider ukun na’in sira aljema rasik sira an iha sira nia presentimentu laran hodi rejeita evedensia kona ba Kristu ninia Mesianidade. ‘’Tanba sa mak bele sai hanesan ne’e’’ Ema sira husu, ‘’Ita nia ukun na’in no eskriba edukadu sira, la fiar fali Na’i Jesus?’’ Mestri hanesan sira ne’e, mak lidera nasaun Judeu rejeita sira nia Maksoin rasik.
Tane Aas Autoridade Umana
Kristu iha vizaun profetiku kona ba knar atu tane aas autoridade umana nian hodi ukun konsiensia, nebe mak sai nu’udar malisan ida nebe terivel (hatauk tebes klamar) iha era hotu. Ninia avizu atu ema keta tuir nai ulun delek sira eskrita hanesan avizu ida ba iha jerasaun nebe tuir mai.
Igreja Roma iha direitu ba iha kleru sira hodi interpreta Eskritura Sagrada. Mesmu reformasaun foo Eskritura Sagrada ba iha ema hotu, maibe prinsipiu nebe hanesan nebe hetan defende husi Roma prevene ema barak iha igreja protestante sira hodi buka Biblia ba sira an rasik. Sira hetan hanorin hodi aseita dutrina nebe interpreta ona husi igreja. Ema rihun ba rihun la brani aseita kompletu saida de’it, tantu hanorin simplis ruma iha Eskritura Sagrada laran, nebe kontrari ho sira nia fiar.
Ema barak mak pronto entrega sira nia klamar ba iha nai lulik sira. Sira kuaze la senti an katak sira hakat liu leet tiha ona hanorin Maksoin nian. Maibe serake ministru (serbidor sira iha uma kreda) sira labele sala? Oinsa ita bele akredita orientasaun sira nian ekzetu ita hatene husi Na’i Maromak nia futar lia katak sira mak lori naroman? Menus korajen moral halo ema barak banati tuir ema edukadu sira, no sira dezapontadu iha erru laran. Sira haree lia loos ba de’it tempu ida-ne’e iha Biblia laran no senti poder Espiritu Santu mai iha pregasaun nia laran, maibe sira husik ema kleru sira diriji sira fila kotuk ba naroman.
Diabu asegura ema barak liu husi kesi sira ho tali domin nian ba iha sira nebe mak sai inimigu Kristu. Dependesia nebe kesi iha unidade ida-ne’e posibiliza inan-aman, oan, feen-lain sira nia klamar, no sosiais nebe hela iha diabu sira nia poder okos laiha aten brani atu obedese sira nia dever fiar nian.
Ema barak mak reklama katak la importante ho saida mak ema ida fiar, se nia moris loos. Maibe moris hetan forma husi fee. Se lia loos iha alkansa laran no ita abandona nune’e de’it, ita kuaze rejeita lia loos no hili nakukun duke naroman.
Deskoinesementu la’os razaun ba ema atu komete erru ka pekadu, se wainhira kada opurtunidade atu hatene Na’i Maromak ninia hakarak nakloke hela. Iha mane ida halo viajen no para iha dalan kurzamentu nebe iha sinal diresaun lubun ida, hodi indika dalan ida-idak ninia destinisaun. Se nia ignora ninia sinal diresaun no la’o tuir fali dalan nebe de’it mak nia konsidera hanesan dalan nebe loos, parese nia loos, maibe iha posibelidade boot nia sei hetan ninia an iha dalan nebe sala.
Dever Nebe Prinsipal No Aas Liu
La sufisienti, se wainhira ema iha de’it hanoin di’ak, ka hala’o buat ruma nebe konsederadu loos, husi ema ida, ka hala’o dever ruma nebe hato’o husi padre nu’udar buat loos. Nia tenki deskobre didi’ak Biblia ba iha nia an rasik. Nia tenki iha grafiku nebe hatudu kada sinais dalan iha viazen ba lalehan, no nia labele siik saida de’it.
Ida ne’e mak dever prinsipal no aas liu husi kada kriasaun rasional hodi estuda husi Eskritura Sagrada, saida mak lia loos ne’e, no tuir mai la’o iha naroman laran no apoiu ema seluk hodi banati tuir lia loos nia ezemplu. Ita tenki forma ita nia idea ba ita an rasik hanesan mos oinsa ita tenki hatan ba ita nia an rasik iha Na’i Maromak nia futar oin.
Ema edukadu sira, ho sabedoria finzidu nebe boot, foo hanorin katak Eskritua Sagrada iha segredu, siknifikasaun espiritual nebe la mosu iha linguajen nebe mak uza iha dadaun ne’e. Ema sira ne’e mestri falsu. Linguazen Biblia nian tenki esplika tuir ninia siknifikasaun nebe klaru, ekzetu se uza ho simblu ka pintura. Se ema hakarak simu Biblia wainhira lee, siknifika serbisu ida sei finaliza, no sei lori ema rihun ba rihun ba iha lubun Kristu nian nebe mak dadaun ne’e la’o sala dalan hela iha hanorin falsu nia laran.
Eskritura Sagradu dala barak hetan abandona husi ema edukadu sira nu’udar buat ida nebe mak la importante, nakonu ho konsolasaun ba ema nebe hetan hanorin ona iha eskola Kristu nian. Entendementu kona ba lia loos Biblia nian la depende liu ba kbiit intelektual nian nebe ema uza hodi deskobre, maibe depende ba objetivu uniku, husi dejezu verdadeiru kona ba lia loos.
Rezultadu Husi abandona Orasaun No Estuda Biblia
Ita sei labele estuda Biblia sein halo orasaun. So Espiritu Santu de’it mak bele halo ita senti importantansia husi asuntu sira nebe fasil atu entende, no prevene ita husi lia loos nebe defisil atu entende. Anju selestial prepara ema nia laran hodi entende Na’i Maromak nia futar lia. Ho nune’e ema sei fasinadu (nafunan) ho Ninia futar lia nebe furak, no hetan forsa liu husi ninia promesa sira. Tentasaun dala berak hetok maka’as ba bebeik i difisil atu tahan hasoru basa ema nebe hetan tentasaun labele lembra promesa Na’i Maromak nian ho fasil, no la hasoru Diabu ho kilat Sagradu Eskritura. Maibe anju sira sempre haleu ema nebe mak hakarak hetan hanorin, hodi tulun sira lembra fila fali lia loos nebe presija.
‘’Nia sei hanorin imi kona ba buat hotu, no lori buat hotu ba iha imi nia hanoin, saida de’it mak ha’u hatete ona ba imi.’’ João 14:26. Maibe hanorin Kristu nian antes ne’e tenki rai iha ita nia kakutak atu nune’e Espiritu Na’i Maromak nian lori tama ba iha ita nia hanoin iha tempu perigu.
Ema nia destinu iha mundu kuaze desidido ona. Maktuir Kristu ida-idak tenki husu ho seriu: ‘’Na’i, saida mak ha’u tenkk halo?” Apostolu 9:6. Ita agora tenki buka esperensia nebe klean no moris kona ba Na’i Maromak. Ita labele iha tan tempu atu lakon. Ita iha hela rai enkantada (ksolok) demoniu nian. Keta dukur, hein na’in Na’i Maromak nian!
Ema barak mak kongratula sira an rasik ba asaun erru nebe mak sira la halo. La nato’on atu dehan katak sira mak ai-huun nebe iha Na’i Maromak nia to’os laran. Sira tenki foo fuan. Iha livru sira iha lalehan sira rejistadu sai nu’udar lastru ba (tatodan) rai. Maske sira ignora misrekordia Na’i Maromak nian no abuzu Ninia grasa, maibe domin nebe pasensi wain nafatin husu ho hamaus.
Iha tempu bailoron-manas ita labele nota hetan diferensia ruma entre ai-kakeu huun ho aihuun sira seluk; maibe wainhira iha tempu malirin, ai-kakeu huun sira nafatin laiha mudansa enkuantu ai-huun sira seluk, sira nia tahan hahuu monu. Husik ba opozisaun ne’e mosu, husik ba intoleransia eziste, husik ba perseguisaun akontese, nune’e ema laran sorin no laran makerek sira produs sira nia fiar nebe mamu’uk; maibe ema Kristaun verdadeiru sei hamriik tuba metin, ho fee maka’as no esperansa nebe naroman liu fali loron prosperidade sira.
‘’nia sei sai hanesan ho ai-huun nebe kuda iha bee ninin, nebe mak ninia abut sira daet ba iha bee dalan, nia sei la sente manas wainhira iha tempu manas, basa ninia tahan sei sai matak; no sei la sente taridu iha tempu bailoron, no mos sei la para atu foo fuan.’’ Jeremias 17:8.