“Karik ema ruma iha Kristu, nia kriatura foun ida: buat tuan sira liu tiha ona; haree ba, buat hotu-hotu sai foun.” 2 Korinto 5:17.
Ema ida labele hato’o tempu ka fatin ezatu, ka trasu korrente hotu-hotu husi sirkunstánsia iha prosesu konversaun nian; maibé ida-ne’e la prova katak nian la konverte. Kristu dehan ba Nikodemos, “anin hu’u ba ne’ebé nia hakarak, no ita-boot rona nia lian, maibé la hatene nia mai husi ne’ebé, nein nia ba ne’ebé: nune’e mak sira hotu ne’ebé moris husi Espiritu.” João 3:8. Hanesan anin, ida-ne’ebé haree-labelek, maibé efeitu sira husi ida-ne’ebé haree no sente momoos, mak
Maromak nia Espiritu iha Ninia serbisu iha ema-nia fuan. Katak podér hafoun fali, ida-ne’ebé laiha umanu nia matan bele haree, hamoris moris foun ida iha klamar; ne’e kria moris foun ida iha Maromak nia imajen. Enkuantu Espiritu nia serbisu ne’e nonok no labele haree, ninia efeitu sira manifesta. Karik fuan hafoun tiha ona husi Maromak nia Espiritu, moris sei lori testamuña ba faktu ne’e. Enkuantu ita labele halo buat ruma atu muda ita-nia fuan ka atu lori ita-nia-an ba armonia ho Maromak; enkuantu ita tenki labele konfia tomak ba itania-an sira ka ita-nia serbisu diak sira, ita-nia moris sira sei revela Maromak nia grasa hela iha ita laran.
Mudansa sei bele hetan iha karakter, abitu sira, aktividade sira. Diferensa sei sai klaru no deside tiha entre saida mak sira uluk no saida mak sira ohin. Karakter ne’e revela tiha, laós ho obra diak sira okaziaun de’it no hahalok ladiak sira okaziaun de’it, maibé ho tendensia husi liafuan abituál sira no asaun sira.
Ne’e loos katak iha ne’ebá bele iha koreksaun ida liur-nian husi komportamentu sein hafoun husi Kristu nia podér. Domin influénsia nian no dezeju ba ema seluk nia apresiasaun bele prodús moris ordenenada-diak.
Respeitu-an bele dirije ita atu hadook buat-aat nia kamosuk. Fuan egoista bele performa asaun laran-luak sira. Husi meiu saida, mak tuirmai, sei determina ita iha sé-nia sorin?
Fuan ne’e sé nian? Ho sé mak iha ita-nia hanoin sira? Ba sé mak ita hadomi atu konversa? Sé nian mak ita-nia afeisaun morna sira no ita-nia enerjia diak liu? karik ita Kristu nian, ita-nia hanoin sira hamutuk ho Nia, no ita-nia hanoin midar tebetebes ne’e Ninian. Hotu-hotu ne’ebé ita iha no nu’udar ita ne’e konsagra tiha ba Nia.
Ita laran-kaan atu lori Ninia imajen, dada-iis Ninia Espiritu, halo Ninia hakarak, no halo kontenti Nia iha buat hotu.
Sira ne’ebé sai kriatura foun sira iha Kristu Jezús sei hamoris fuan sira husi Espiritu, “domin, haksolok, pás, pasiénsia, laran-luak, laran-diak, fiar-metin, fuan-mamar, kontrola-an.” Galasia 5:22,23. Sira sei la hatais tan ona sira-nia-an kona-ba pekadu-foer sira nian uluk, maibé husi fiar Maromak nia Oan-mane nian sira sei tuir iha Ninia pasu sira, refleta Ninia karakter, no hakamoos sirania-an hanesan Nia ne’ebé kamoos. Buat ne’ebé sira uluk rejeita tiha agora sira hadomi, no buat sira ne’ebé sira uluk hadomi agora sira rejeita tiha. Orgullu no foti-an sai laran-mamar no haraik-an iha fuan. Ne’ebé lavale no loko-an agora sai seriu no la hatudu-an. Lanu sai la lanu, no visiadu sai kamoos. Kustume sira lavale no moda sira mundu nian renunsia tiha. Kristaun sira sei la buka “enfeita liur-nian,” maibé “ ema subar husi fuan, iha idane’ebé la bele koruptu, no ornamentu husi laran-mamar ida no Espiritu hakmatek.” 1 Pedro 3:3,4.
Iha-ne’ebá laiha evidénsia husi arependimentu jenuinu exetu ne’e serbisu reformasaun. Karik nia restaura kompromisu, fó fila fali buat ne’ebé nia na’ok ona, konfesa ninia pekadu sira, no hadomi Maromak no ninia maluk, pekadór ne’e serteza katak nia liu ona husi mate ba moris.
Bainhira, hanesan sala, moris nakonu-pekadu, ita mai ba Kristu no sai hola parte ba Ninia grasa perdaun nian, domin suli iha fuan. Naha-todan sira hotu sai kmaan, basá jugo ne’ebé Kristu tau ne’e fasil. Dever sai solok ida, no sakrifisiu prazér. Dalan ne’ebé uluk haree hanesan nakukun taka sai nabilan ho raiu husi Loromatan Justisa nian.
Karakter nakonu-domin nian husi Kristu sei sai haree iha Ninia maktuir sira. Ne’e Ninia solok atu halo
Maromak nia hakarak. Domin ba Maromak, zelu ba Ninia glória, mak podér kontrola iha ita-nia Salvadór nia moris. Domin hafurak no halo nobre Ninia asaun sira hotu. Domin ne’e Maromak nian. Fuan ne’ebé la konsagra tiha labele orijina ka prodús ida-ne’e. Ida-ne’e hetan de’it iha fuan ne’ebé Jezús ukun. “ Ita hadomi tanba Nia hadomi uluk ita.” 1 João 4:19. Iha fuan hafoun tiha ho grasa divinu, domin mak prinsipiu husi asaun. Ne’e modifika karakter, ukun impulsu sira, kontrola paixaun sira, hatún inimigu, no halo nobre afeisaun sira.
Domin ida-ne’e, solok iha klamar, hamidar moris no habelar influénsia nobre haleu fatin hotu-hotu.
Iha-ne’ebá sala sira mak kontra ida-ne’ebé Maromak nia oan sira ho partikulár sira ne’ebé foin mai atu fiar iha Ninia grasa.—ho espesiál presiza atu guarda. Dahuluk, hela tiha ona, mak ne’ebé buka ba sira-nia serbisu rasik, fiar ba buat saida de’it ne’ebé sira bele halo, atu lori sirania-an ba iha armonia ho Maromak. Nia ne’ebé koko atu sai santu ho ninia serbisu rasik hodi guarda lei, ne’e koko imposibilidade. Buat hotu-hotu ne’ebé ema bele halo sein Kristu ne’e hafo’er ho egoista no pekadu. Ne’e Kristu nia grasa mesak, liu-husi fiar, mak halo ita santu.
Sala opostu no la menus perigozu mak fiar iha Kristu halivre ema husi guarda Maromak nia lei; ne’ebé dezde husi fiar mesak ita bele sai ema ne’ebé hola parte iha
Kristu nia grasa, ita-nia serbisu la halo buat ida ba ita-nia sasoin.
Maibé nota iha-ne’e katak obediénsia ne’e laós halotuir liur-nian de’it, maibé serbisu domin nian. Maromak nia lei mak espresaun husi Ninia natureza loloos; idane’e mak korporifikasaun husi prinsipiu boot domin nian, no tanba ida ne’e mak fundasaun husi Ninia governu iha Lalehan no iha rai. Karik ita-nia fuan sira hafoun tiha iha Maromak nia imajen, karik domin divinu ne’e kuda iha klamar, Maromak nia lei sei lori sai ba iha moris?
Bainhira prinsipiu domin nia kuda iha fuan, bainhira ema ne’e hafoun tiha tuir imajen husi Nia ne’ebé kria ona nia, promesa konkordansia-foun ne’e kumpre tiha, “Ha’u sei tau Ha’u-nia lei sira iha sira-nia fuan laran, no Ha’u sei hakarek iha sira nia neon.” Ebreu 10:16. No karik lei ne’e hakerek tiha iha fuan, nia sei la forma moris? Obediénsia—serbisu no aliansa domin nian—ne’e mak sinál loloos husi dixipuladu. Tanba ne’e eskritura hateten “ida-ne’e mak Maromak nia domin, katak ita guarda Ninia mandamentu sira.” “ Nia ne’ebé dehan, ha’u koñese Nia, no la guarda Ninia mandamentu sira, ne’e bosok-teen ida, no lialoos laiha iha nia.” 1 João 5:3; 2:4. Envezde halivre ema husi obediénsia, ne’e fiar, no fiar de’it, mak halo ita ema ne’ebé hola parte ba Kristu nia grasa, habele ita atu fó obediénsia.
Ita la hetan salvasaun ho ita-nia obediénsia; basá salvasaun ne’e prezenti gratuita husi Maromak, atu simu ho fiar. Maibé obediénsia mak fuan husi fiar. “imi hatene katak Nia hetan manifesta atu hasai ita-nia pekadu sira; no iha Nia mak laiha pekadu. Ema sé de’it ne’ebé mak hela iha Nia pekadu laiha tiha: nia ne’ebé pekadu la haree Nia, no la koñese Nia.” 1 João 3:5,6. Iha-ne’e mak teste loloos. Karik ita hela iha Kristu, karik Maromak nia domin hela iha ita, ita-nia sentimentu sira, ita nia hanoin sira, ita nia objetivu sira, ita-nia asaun sira, sei sai armonia ho Maromak nia hakarak hanesan espresa tiha ona iha preseitu sira husi Ninia lei santa. “labarik kiik sira, keta husik ema ida lohi imi: nia ne’ebé hala’o justisa ne’e justu, hanesan Nia ne’ebé mak justu.” 1 João 3:7. Justisa ne’e define ho estandarte husi Maromak nia lei santa, hanesan espresa iha perseitu sanunulu ne’ebé uluk fó iha foho Sinai.
Ne’ebé bolu fiar iha Kristu ida-ne’ebé profesa atu halivre ema husi obrigasasun obediénsia nian ba Maromak, ne’e laós fiar, maibé prezordenasaun. “ Ho grasa mak imi hetan salva liu-husi fiar.” Maibé “fiar, karik nia la la’o ho hahalok, ne’e mate.” Efeso 2:8; Tiago 2:17.
Jezús dehan kona-ba Nia-an molok Nia mai iha rai, “Ha’u kontenti atu halo Ita-boot nia hakarak, O Ha’u-nia Maromak: sim, Ita-boot-nia lei iha Ha’u nia fuan.” Salmo 40:8. No molok Nia atu sae filafali ba lalehan, Nia deklara , “ Ha’u guarda ona Ha’u-nia Aman-nia mandamentu sira, no hela iha Ninia domin.” João 15:10. Eskritura dehan, “Ho ida-ne’e ita hatene katak ita koñese Nia, karik ita guarda Ninia mandamentu sira….. nia ne’ebé dehan katak nia hela iha Nia tenki nia-an mós la’o hanesan Nia la’o.” 1 João 2:3-6. “ Tanba Kristu mós sofre tiha ona ba ita, husik ezemplu ba ita, nune’e imi tenki la’o tuir Ninia pasu sira.” 1 Pedro 2:21.
Kondisaun husi moris rohan-laek mak agora nafatin ba nafatin de’it,– hanesan de’it ho uluk iha paraisu molok ita-nia inan-Aman dahuluk monu,– obediénsia perfeitu ba Maromak nia lei, justisa perfeitu. Karik moris rohan-laek fó tiha iha kondisaun badak husi ida-ne’e, maka kontenti husi universe tomak sei hetan ameasa. Dalan sei nakloke ba pekadu, ho ninia halota terus no susar hotu-hotu, atu halo mate-labelek.
Ne’e uluk posivél ba Adaun, molok monu, atu forma karakter justu ida husi obediénsia ba Maromak nia lei. Maibé nia falla atu halo ida-ne’e, no tanba ho ninia pekadu ita-nia natureza monu tiha ona no ita labele halo ita-nia-an justu. Dezde ita nakonu-pekadu, la santu, ita labele obedese Maromak nia lei santu ho perfeitu. Ita laiha justisa husi ita-nia rasik ho ida-ne’ebé atu hasoru ezijensia husi lei Maromak nian. Maibé Kristu halo tiha ona dalan halai-sai nian ba ita. Nia moris iha rai iha prova sira no tentasaun sira nia klaran hanesan ita hasoru. Nia moris ho moris pekadu-laek. Nia mate ona ba ita, no agora Nia oferese atu foti ita-nia pekadu sira no fó Ninia justisa ba ita. Karik imi fó imi-nia-an ba Nia, no simu Nia nu’udar imi-nia Salvadór, tuirmai, imi-nia moris nakonu-pekadu tiha ona, ba Ninia kauza imi hetan konta hanesan justu. Kristu nia karakter troka imi-nia karakter, no imi simu tiha iha Maromak nia oin hanesan imi la halo pekadu.
Liu fali ida-ne’e, Kristu muda fuan. Ho fiar Nia hela iha imi-nia fuan. Imi mak mantein ligasaun ida-ne’e ho
Kristu liu-husi fiar no kontinua entrega imi-nia hakarak ba Nia; no imi enkuantu halo ida-ne’e, Nia sei serbisu iha imi atu hakarak no atu halo tuir Ninia prazér diak. Nune’e imi bele dehan “moris ne’ebé ha’u agora moris iha isin ha’u moris ho fiar husi Maromak nia Oan-mane, ne’ebé hadomi tiha ha’u, no fó tiha ona Nia-an ba ha’u.” Galasia 2:20. Tan ne’e Jezús dehan tiha ba Ninia dixipulu sira, “ne’e laós imi mak ko’alia, maibé Espiritu husi imi-nia Aman mak ida-ne’ebé ko’alia tiha iha imi.” Mateus 10:20. Ne’e duni Kristu serbisu iha imi, imi sei manifesta espiritu hanesan no halo obra diak hanesan— serbisu justisa nian, obediénsia.
Tan ne’e ita laiha buat ruma iha ita-nia-an ida-ne’ebé atu orgullu. Ita laiha baze ba hasa’e-an. Ita-nia baze mesak esperanza nian mak iha Kristu nia justisa tau ba ita, no iha ine’ebá halo tiha husi Ninia Espiritu serbisu iha ita no liu-husi ita.
Bainhira ita ko’alia fiar nian, iha ine’ebá iha distinsaun ne’ebé tenki moris iha neon. Iha-ne’ebá iha modelu fiar nian ne’ebé ketak tomak husi fiar. Ezistensia no Maromak nia podér, lialoos husi Ninia liafuan, mak faktu sira ne’ebé mezmu Satanás no ninia ezérsitu sira labele nega iha fuan. Bíblia dehan katak “diabu sira mós fiar, no nakdedar;” maibé ida-ne’e laós fiar. Tiago 2:19. Iha ne’ebé mak laós fiar de’it ba Maromak nia liafuan, maibé fó-ulun husi hakarak ba Nia; iha-ne’ebé mak fuan saran tiha ba Nia, afeisaun sira hadia tiha iha Nia, iha ine’ebá iha fiar—fiar ne’ebé serbisu ho domin no hakamoos klamar. Liu-husi fiar ida-ne’e fuan hafoun tiha iha Maromak nia imajen. No fuan ne’ebé la hafoun tiha iha ninia estadu ne’e la sujeitu ba Maromak nia lei, no sei la bele, agora solok iha ninia preseitu santu sira, fota-liafuan husi salmista, “Oh! Oinsa ha’u hadomi Itaboot-nia lei! Ne’e mak ha’u-nia meditasaun loron tomak.” Salmo 119:97. No justisa husi lei ne’e kumpre iha ita, “ne’ebé mak la la’o tuir isin nian, maibé tuir Espiritu.” Roma 8:1.
Iha-ne’ebá iha sira ne’ebé hatene tiha ona Kristu nia domin perdaun no ne’ebé mak hakarak tebes atu sai Maromak nia oan sira, maibé sira rekoñese katak sirania karakter ne’e la perfeitu, sira-nia moris falla, no sira prontu atu dúvida sira-nia fuan hafoun ona husi Espiritu ka lae. Ba sira ne’e ha’u dehan, keta fila kotuk iha lakonesperanza. Ita tenki dala barak hakruuk no tanis iha Jezús nia ain tanba ho ita-nia frakeza no maldade sira, maibé ita laós atu sai deskorajen. Maske inimigu manan ita, Maromak la hadook ita, la husik ita no la rejeita ita.
Lae; Kristu iha Maromak nia liman loos, ne’ebé halo mós intersesaun ba ita. João doben dehan, “buat sira-ne’e ha’u hakerek ba imi, nune’e imi keta halo pekadu. no karik ema ruma halo pekadu, ita iha advogadu ho Aman, Jezús Kristu justu.” 1 João 2:1. No labele haluha Kristu nia liafuan sira, “Aman Nia-an rasik hadomi imi.” João 16:27. Nia dezeju atu restaura imi ba Nia-an, atu haree Ninia kamoos rasik no santidade ne’ebé refleta ona iha imi. No karik imi hakarak saran imi-nia-an ba Nia, Nia ne’ebé hahú tiha ona obra diak iha imi, sei lori ne’e ba oin to’o loron iha Jezús Kristu nian. Halo orasaun ho badinas liu; nakonu ho fiar liu tan. Hanesan ita mai hodi la konfia ita-nia podér rasik, mai ita konfia podér husi itania Maksoin, no ita sei hahii Nia ne’ebé mak saúde ba ita-nia oin.
Bainhira imi besik liu tan ba Jezús, sala barak liu tan mak sei mosu iha imi-nia matan rasik; basá imi-nia vizaun sei sai moos liu, no imi-nia imperfeisaun sira sei haree tiha ho luan no momoos kontrariu ba Ninia natureza perfeitu. Ida-ne’e mak evidénsia ne’ebé
Satanás nia hanoin-pekadu lakon sira-nia podér; nune’e influénsia hamoris husi Maromak nia Espiritu ne’e fanu dadaun imi.
Laiha domin klean ba Jezús bele hela iha fuan ne’ebé mak la rekoñese ninia pekadu-tomak rasik.
Klamar ne’ebé mak transforma tiha ho Kristu nia grasa sei admira Ninia karakter divinu; maibé karik ita la haree ita-nia deformidade moral, ne’e evidénsia sala-labelek katak ita seidauk iha vizaun ida ba furak no exelénsia Kristu nian.
Menus ita haree atu dignu iha ita-nia-an, ita haree liu tan atu dignu iha kamoos infinitu no furak husi ita-nia Salvadór. Vista ida husi ita-nia nakonu-pekadu lori ita ba Nia ne’ebé bele perdua ita; no bainhira klamar, rekoñese ninia ajuda-laek, alkansa ba liur tuir Jezús, Nia sei revela
Nia-an iha podér. Ita-nia sensu presiza ne’e barak liu lori ita ba Nia no ba Maromak nia liafuan, hasae liu tan vizaun ne’ebé ita sei iha husi Ninia karakter, no ita sei refleta liu tan Ninia imajen.