Mudansa fuan nian husi ida-ne’ebé ita sai Maromak nia oan sira ne’e iha Bíblia bolu hanesan labarik foin moris. Ne’e kompara tan ba jerminasaun fini diak nian kuda husi to’os-na’in. Iha maneira hanesan sira-ne’ebé foin konverte ba Kristu mak “hanesan bebe sira foin moris,” atu “krese” ba estatura husi mane no feto iha Kristu Jezús. 1 Pedro 2:2; Efeso 4:15. Ka hanesan fini diak kuda iha to’os, sira ne’e atu krese no fó fuan. Izaias dehan katak sira sei “bolu ai justisa nian, kuda husi Maromak, nune’e bele fó glória ba Nia.” Izaias 61:3.
Nune’e husi moris natural, lori ilustrasaun mai, atu ajuda ita diak liu hodi komprende lialoos misteriu sira husi moris espirituál.
Laós ema nia sabedoria no abilidade hotu-hotu bele prodús moris objetu kiik liu iha natureza. Ne’e liu-husi de’it moris ida-ne’ebé Maromak Nia-an fó tiha ona, ne’ebé ai-horis ka balada bele moris. Tanba ida ne’e mak liu-husi de’it moris husi Maromak mak moris espirituál ne’e hamosu iha ema nia fuan sira. Exetu ema ida “moris husi leten” nia labele sai hola parte ida husi moris ida-ne’ebé Kristu mai atu fó. João 3:3.
Hanesan ho moris, nune’e ida-ne’e ho kresimentu. Ne’e mak Maromak ne’ebé halo ai-tubun sai funan no ai-funan sai ai-fuan. Ne’e ho Ninia podér maka fini dezenvolve an, “ dahuluk du’ut, tuirmai fulin, hafoin nakonu batar iha fulin.” Marcos 4:28. No profeta Oséia dehan, refere ba Izrael, katak “nia sei krese hanesan aifunan liriu.” “ Sira sei moris fali hanesan trigu, no krese hanesan uvás.” Oseias 14:5,7. No Jezús dehan ba ita “konsidera ai-funan liriu oinsa sira sai boot.” Lucas 12:27. Ai-horis sira no ai-funan sira krese laós husi sirania kuidadu rasik ka ansiedade ka esforsu, maibé liuhusi simu ida-ne’ebé Maromak fornese tiha ona atu serbí sira-nia moris. Labarik labele, ho ansiedade ruma ka podér husi ninian rasik, aumenta ba ninia estatura. Laiha tan ho imi bele, ho ansiedade ka esforsu husi iminia-an, hametin kresimentu espirituál. Ai-horis, labarik, krese liu-husi simu husi ninia ambiente ida-ne’ebé serbí ba ninia-moris—ár, loro-matan, no hahán. Saida mak prezenti husi natureza ne’e ba balada no ai-horis, hanesan ne’e mak Kristu ba sira-ne’ebé konfia ba iha Nia. Nia mak sira-nia “naroman perpétua,” “loro-matan ida no hamahon.” Izaias60:19; Salmo 84:11. Nia sei sai hanesan “mahon-been ba Izrael.” Nia sei tún mai hanesan udan ba iha du’ut book-an nia leten.” Oseia 14:15; Salmo 72:6. Nia mak bee moris, “Paun husi Maromak……ida-ne’ebé tún mai husi lalehan, no fó moris ba mundu.” João 6:33.
Iha prezenti kompara-labelek husi Ninia Oan-mane, Maromak hale’u tiha mundu tomak ho atmosfera grasa nian ida nu’udar reál hanesan ár ida-ne’ebé sirkula hale’u globu. Sira hotu-hotu ne’ebé hili atu dada-iis fómoris atmosfera ida-ne’e sei moris no krese ba estatura husi mane no feto iha Kristu Jezús.
Hanesan ai-funan fila ba loro-matan, ne’ebé raiu nabilan bele ajuda hodi dezenvolve ninia furak no simetria, tan ne’e ita tenki fila ba loro-matan justisa nian, nune’e lalehan nia naroman bele lakan iha ita-nia leten, nune’e ita-nia karakter bele dezenvolve tiha hanesan Kristu nia imajen.
Jezús hanorin buat hanesan bainhira Nia dehan, “hela iha Ha’u, no Ha’u iha imi. Hanesan sanak labele fó fuan husi nia-an, exetu nia hela iha uvas-huun; imi sei labele, exetu imi hela iha Ha’u….. sein Ha’u imi labele halo buat ida.” João 15:4,5. Imi nu’udar dependente de’it ba Kristu, atu bele hamoris moris santu, hanesan sanak depende ba hun atu krese no fó fuan. Ketak husi Nia imi laiha moris. Imi laiha podér atu reziste tentasaun ka atu krese iha grasa no santidade. Hela iha Nia, imi bele naburas. Dada besik imi-nia moris ba Nia, imi sei nunka namlaik nein fuan-laek. Imi sei sai hanesan ai ne’ebé kuda besik mota bee nian.
Barak mak idea ida katak sira tenki halo mesak parte balun husi serbisu. Sira konfia tiha ona iha Kristu ba perdaun pekadu nian, maibé agora sira buka ho sira nia esforsu rasik atu moris loos. Maibé esforsu sira hanesan ne’e tenki falla. Jezús dehan, “sein Ha’u imi labele halo buat ida.”João 15:5. Ita-nia kresimentu iha grasa, ita-nia solok, ita-nia utulidade,– hotu-hotu depende ba ita-nia uniaun ho Kristu. Ne’e husi komuñaun ho Nia, loroloron, oraoras,–liu-husi hela iha Nia, –mak ita krese iha grasa. Nia laós Autór de’it, maibé mós konsumidór ita-nia fiar nian. Ne’e mak Kristu dahuluk, dahikus no sempre. Nia ne’e atu hamutuk ho ita, laós de’it iha hahú no iha remata husi ita-nia karreira, maibé iha pasu hotu-hotu husi dalan. David dehan, “Ha’u sempre tau Maromak iha ha’u-nia oin: tanba Nia iha ha’u nia liman-loos, ha’u sei la nakdedar.” Salmo 16:8.
Imi husu, “Oinsa mak ha’u atu hela iha Kristu?” iha maneira hanesan imi simu Nia uluk. “Hanesan imi simu ona Kristu Jezús Na’i, ne’e duni imi la’o iha Nia.” “Ema loos sei moris husi fiar.” Koloso 2:6; Ebreu 10:38. Imi fó imi-nia an ba Maromak, atu sai Ninian tomak, atu serbí no obedese Nia, no imi foti Kristu nu’udar imi-nia Salvadór. Imi labele soi imi-nia-an ba imi-nia pekadu sira ka muda imi-nia fuan; maibé fó imi-nia-an ba Maromak, imi fiar katak Nia ho Kristu nia kauza, halo ida-ne’e hotu ba imi. Husi fiar imi sai Kristu nian, no husi fiar imi mak atu krese iha Nia—liu-husi fó no foti. Imi tenki fó hotu,-imi-nia fuan, imi-nia hakarak, imi-nia serbisu,–fó imi-niaan ba Nia atu obedese Ninia rekerimentu sira hotu; no imi tenki foti hotu,–Kristu, nakonu-tomak husi bensan hotu-hotu, atu hela iha imi-nia fuan, atu sai imi-nia forsa, imi-nia justisa, imi-nia ajudadór rohan-laek,– hodi fó podér ba imi atu obedese.
Konsagra imi-nia-an ba Maromak iha dadersaan; halo ida-ne’e sai imi nia serbisu dahuluk. Biar imi-nia orasaun sai, “foti ha’u, O Na’i, hanesan Ita-boot nian tomak. Ha’u tau hotu ha’u-nia planu hotu iha Ita-boot nia ain. Uza ha’u ohin loron iha Ita-boot-nia serbisu. Hela ho ha’u, no biar ha’u-nia serbisu hotu halo iha Ita-boot.” Ida-
ne’e mak asuntu loroloron nian. Kada dadersaan konsagra imi-nia-an ba Maromak iha loron ne’ebá. Entrega imi-nia planu hotu-hotu ba Nia, atu hala’o ka la hala’o tuir Ninia providénsia sei hatudu. Tan ne’e loron ba loron imi bele fó imi-nia moris ba iha Maromak nia liman, no nune’e imi-nia moris sei forma liu tan tuir Kristu nia moris.
Moris iha Kristu ne’e moris nakonu ho hakmatek. Ihane’ebá bele laiha éstaze husi sentimentu, maibé ihane’ebá tenki iha konstante konfiansa nakonu-pás. Iminia esperanza laós iha imi-nia-an; ne’e iha Kristu. Imi-nia frakeza uniaun ba Ninia forsa, imi-nia ignoransia ba Ninia sabedoria, imi-nia isin-fraku ba Ninia kbiit aguenta. Nune’e imi laós atu hateke ba imi-nia-an, laós atu husik hanoin hela iha an de’it, maibé hateke ba Kristu. Biar hanoin hela iha Ninia domin, iha furak, perfeisaun, husi Ninia karakter. Kristu iha Ninia nega-an, Kristu iha Ninia haraik-an, Kristu iha Ninia kamoos no santidade, Kristu iha Ninia domin kompara-labelek—ida-ne’e mak sujeitu ba klamar nia kontemplasaun. Ne’e liu-husi hadomi Nia, kópia Nia, depende tomak iha Nia, nune’e imi bele transforma ba iha Ninia imajen.
Jezús dehan “hela iha Ha’u.” liafuan sira ne’e hato’o idea deskansa nian, firmeza, konfiansa. Nia konvida tan,
“mai ba Ha’u,……no Ha’u sei fo deskansa ba imi.” Mateus 11:28. Liafuan sira salmista nian espresa hanoin hanesan: “deskansa iha Na’i, no hein ho pasiénsia ba Nia.” No Izaias fó garantia, “iha hakmatek no iha konfiansa sei sai imi-nia forsa.” Salmo 37:7; Isaiah
30:15. Deskansu ida-ne’e la hetan iha inatividade; basá iha Salvadór nia konvite promesa deskansu nian ne’e hahida ho bolu atu serbisu: “foti Ha’u nia jugo iha imi-nia leten:….. no imi sei hetan deskansu.” Mateus 11:29. Fuan ne’ebé nakonu liu ho deskansu iha Kristu sei sai sinseru liu no aktivu hodi serbisu ba Nia.
Bainhira hanoin konsentra ba an, ne’e fila kotuk tiha husi Kristu, hun husi forsa no moris. Husi ne’e mak Satanás nia esforsu konstante atu foti atensaun hafila husi Salvadór no nune’e prevene uniaun no komuñaun husi klamar ho Kristu. Prazér sira mundu nian, moris nia kuidadu sira, konfuzaun sira, no terus sira, ema sira seluk nia kulpa sira, ka imi-nia kulpa sira rasik no perfeitu-laek sira—ba balun ka sira-ne’e hotu nia sei buka atu hafila hanoin. Keta dirije-pekadu husi ninia instrumentu sira. Barak mak konsentrasaun, no ne’ebé dezeju atu moris ba Maromak, nia mós dala barak dirije atu hela iha sira nia kulpa sira rasik no frakeza sira, no tan ne’e ho haketak sira husi Kristu nia espera atu hetan vitória. Ita tenki la kria an sentru no haburas ansiozu no ta’uk ba itania salvasaun. Sira ne’e hotu-hotu hafila klamar husi hun ita-nia forsa nian. Komete guarda iminia klamar ba Maromak, no konfia iha Nia. Ko’alia no hanoin kona-ba Jezús. Biar an sai lakon iha Nia. Hasai hotu dúvida sira; hafahe imi-nia ta’uk sira. Dehan apóstolu Paulo, “ha’u moris; laós ha’u, maibé Kristu mak moris iha ha’u: no moris ida-ne’ebé ha’u hamoris agora iha isin ha’u moris husi fiar Maromak nia Oan-mane nian, ne’ebé hadomi tiha ha’u, no fó tiha ona Nia-an ba ha’u.” Galasia 2:20. Deskansa iha Maromak. Nia ne’e bele atu guarda ida-ne’ebé imi komete tiha ona ba Nia.
Karik imi sei husik imi-nia-an iha Ninia liman, Nia sei lori imi liu fali ema manan na’in liu-husi Nia ne’ebé hadomi tiha imi.
Bainhira Kristu foti natureza umanu ba Nia-an, Nia kesi umanidade ba Nia-an ho tali domin nian ne’ebé nunka kotu husi podér saida de’it exetu ema nia hili husi nia-an. Satanás sei ho konstante aprezenta babeur sira atu dada ita atu hakotu tali—atu hili hodi haketak ita-niaan sira husi Kristu. Iha-ne’e mak imi presiza haree, atu haka’as an, atu halo orasaun, nune’e laiha buat ida bele dada ita atu hili señor seluk; basá ita sempre livre atu halo ida-ne’e. maibé mai ita tau ita-nia matan ba iha
Kristu, no Nia sei konserva ita. Hateke ba Jezús, ita seguru. Laiha buat id abele hasai ita husi Ninia liman. Iha ho konstante haree ba Nia, ita “sai muda tiha ba iha imajen hanesan husi glória ba glória, hanesan ho
Espiritu husi Na’i.” 2 Korinto 3:18.
Ne’e uluk hanesan ne’e mak dixipilu dahuluk sira hetan sira-nia imajen ba doben Salvadór. Bainhira dixipulu sira ne’ebá rona Jezús nia liafuan sira, sira senti sira-nia presiza husi Nia. Sira buka, sira hetan, sira la’o tuir Nia. Sira hamutuk ho Nia iha uma, iha meza, iha eventu parikular, iha kampu. Sira hamutuk ho Nia hanesan alunu sira ho mestre ida, loroloron simu lisaun lialoos santa nian husi Nia ibun. Sira hateke ba Nia, hanesan atan sira ba sira-nia señor, atu aprende sira nia dever. Dixipulu sira ine’ebá ne’e ema “ sujeitu ba paixaun hanesan ita.” Tiago 5:17. Sira iha batalla hanesan ho pekadu atu luta. Sira presiza grasa hanesan, atu sira bele hamoris moris santu.
Maske João, dixipulu doben, ida ne’ebé refleta tomak liu Salvadór nia imajen, la ho natural nia iha karakter furak. Nia laós de’it foti-an no ambisiouzu ba onra, maibé la pasiénsia, no hirus bainhira ema fó sala. Maibé hanesan karakter husi Divinu Ida manifesta ba nia, nia haree ninia mukit no haraik-an husi koñesimentu. Forsa no pasiénsia, podér no laranmamar, majestade no laran-mamar, ne’ebé Nia haree iha Maromak nia Oan-mane nia moris loroloron, ense ninia klamar ho admira no domin. Loron ba loron ninia fuan dada besik ba Kristu. To’o nia lakon haree ba niaan iha domin ba ninia Señor. Ninia hirus, karakter ambisiozu, ne’e saran ba podér formasaun husi Kristu.
Hafoun influénsia husi Espiritu Santu nian hafoun ninia fuan. Podér husi Kristu domin halo tranzformasaun karakter nian. Ida-ne’e mak rezultadu loos husi uniaun ho Jezús. Bainhira Kristu hela iha fuan, natureza tomak tranzforma tiha. Kristu nia Espiritu, Ninia domin, hamamar fuan, halo hakru’uk klamar, no hasae hanoin sira no dezeju sira hasoru Maromak no lalehan.
Bainhira Kristu sa’e ba lalehan, sensu husi Ninia prezensa sei hamutuk ho Ninia maktuir sira. Ne’e prezensia pesoál, nakonu ho domin no naroman. Jezús,
Salvadór, ne’ebé la’o, ko’alia no halo orasaun ho sira, ne’ebé ko’alia tiha ona esperanza no konfortu ba sira-nia fuan sira, iha, enkuantu mensajen pás nian sei iha Ninia ibun, foti sa’e tiha husi sira ba lalehan, no ton sira husi Ninia lian fila tiha mai ba sira, hanesan anju sira kalohan nian simu Nia—“Eis, Ha’u hamutuk ho imi nafatin to’o mundu ne’e remata.” Mateus 28:20. Nia sa’e tiha on aba lalehan iha forma umanidade. Sira hatene katak Nia iha Maromak nia tronu oin, sira nia Maluk no Salvadór sei hanesan; katak Ninia simpatia sira la hetan mudansa; katak Nia sei hetan identifika ho sofre umanidade. Nia aprezenta iha Maromak nia oin méritu sira husi Ninia raan folin-boot rasik, hatudu Ninia liman no ain kanek, iha memoria husi folin Nia selu tiha ona ba Ninia sasoin ona. Sira hatene katak Nia sa’e tiha ona ba lalehan hodi prepara fatin ba sira, no sei mai fali no lori sira ba Niaan.
Hanesan sira hasoru malu hafoin axensaun sira hakarak tebes atu aprezenta sira nia pedidu ba Aman iha Jezús nia naran. Iha sentimentu solene sira hakruuk iha orasaun, repete garantia, “saida de’it mak imi husu
Aman iha Ha’u-nia naran, Nia sei fó ba imi. To’o agora imi la husu buat ruma iha Ha’u nia naran: husu, imi sei simu, nune’e imi-nia ksolok bele sai nakonu.” João 16:23,24. Sira hanaruk liman fiar nian aas liu no aas liu ho argumentu forti, “ Ne’e Kristu mak mate ona,sim, ne’ebé moris hias fila fali, ne’ebé iha Maromak nia liman loos, ne’ebé mós halo intersesaun ba ita.” Roma 8:34. No Pentekosta lori ba sira prezensa husi Konsoladór, husi nia ne’ebé Kristu dehan tiha ona, Nia “sei iha imi.” No Nia dehan tiha ona, “Ne’e oportunu ba imi katak Ha’u ba tiha; maibé karik Ha’u husik, Ha’u haruka Nia ba imi.” João 14:17;16:7. Husi ne’e ba oin liu-husi Espiritu, Kristu atu hela ho kontinua iha fuan sira husi Ninia oan sira. Sira-nia uniaun ho Nia ne’e besik liu duké bainhira Nia hamutuk ho sira ho pesoál. Naroman, no domin, no podér husi Kristu nia hela lakan sai liu-husi sira, nune’e ema, haree ba, “maravilla; no sira foti koñesimentu husi sira, katak sira hamutuk ona ho Jezús.” Apóstolu 4:13.
Hotu-hotu ne’ebé Kristu uluk ba dixipulu sira, mak Nia dezeju atu sai Ninia oan sira ohin-loron; basá iha orasaun ikus ne’ebá, ho grupu kiik husi dixipulu sira halibur hale’u Nia, Nia dehan “ laós Ha’u halo orasaun ba sira-ne’e mesak, maibé ba sira ida-ne’ebé sei fiar iha Ha’u liu-husi sira-nia liafuan.” João 17:20.
Jezús halo orasaun ba ita, no Nia husu nune’e ita bele sai ida ho Nia, hanesan Nia ida ho Aman. Uniaun saida mak ida-ne’e! Salvadór hatete ba Nia-an; “Oan labale halo buat ida husi Nia-an;” “Aman ne’ebé hela iha Ha’u, Nia halo serbisu sira.” João 5:19; 14:10. Tuirmai karik Kristu hela iha ita-nia fuan sira, Nia sei serbisu iha ita “tantu atu hakarak no atu halo husi Ninia prazér diak.”
Filipe 2:13. Ita tenki serbisu hanesan Nia serbisu; ita tenki manifesta Espiritu hanesan. No nune’e, hadomi Nia no hela iha Nia, ita sei “krese ba Nia iha buat hotu, idane’ebé mak ulun, Kristu. Efesio 4:15.